9987

གཟུགས་སུ་ཉེར་འགྲོའི་ཕྱིར་མི་འོང་དགུ་ (1)

Part of speech	མིང་ཚིག
Definition	མདོ། མངོན་པ། མདོ་ལས་གཟུགས་སུ་ཉེ་བར་འགྲོ་བའི་ཕྱིར་མི་འོང་དགུར་བཤད་པའི་དོན་ཅི་ཞེ་ན། བར་མ་དོར་མྱ་ངན་ལས་འདའ་བ་ལ་ཞོགས་མའི་མེ་སྟག་ཆུང་ངུ་མངོན་པར་གྲུབ་བཞིན་དུ་འཆི་བ་དང་། ལྕགས་ཀྱི་ཚྭ་ཚྭ་སྟེང་དུ་ཡར་བཞིན་དུ་འཆི་བ་དང་། ལྕགས་ཀྱི་ཚྭ་ཚྭ་སྟེང་དུ་ཡར་ནས་ས་ལ་མ་ལྷུང་བར་འཆི་བའི་དཔེ་གསུམ་གྱིས་མྱུར་བ་དང་། མྱུར་བ་མ་ཡིན་པ་དང་། ཡུན་རིང་མོ་ཞིག་ནས་མྱ་ངན་ལས་འདའ་བ་གསུམ་དང་། སྐྱེས་ནས་མྱ་ངན་ལས་འདའ་བ་ལ་སྐྱེས་མ་ཐག་དང་། འདུ་བྱེད་བཅས་དང་། བྱེད་པ་མེད་པ་གསུམ་དང་། གོང་དུ་འཕོ་བ་ལ་འཕར་བ་དང་། ཕྱེད་དུ་འཕར་བ་དང་། གནས་ཐམས་ཅད་དུ་འཆི་འཕོ་བ་གསུམ་སྟེ། དེ་ལྟར་གསུམ་པོ་རེ་རེ་ལའང་རྣམ་པ་གསུམ་གསུམ་དུ་ཕྱེ་ནས་གཟུགས་སུ་ཉེ་བར་འགྲོ་བའི་ཕྱིར་མི་འོང་བ་ནི་དགུར་བཤད་དོ། །ཕྱིར་མི་འོང་བ་གསུམ་དང་དགུ་པོ་དེ་དག་གི་ཁྱད་པར་རྣམས་ནི་རང་རང་གི་ལས་བར་སྲིད་འགྲུབ་པ་དང་། སྐྱེས་ནས་མྱོང་འགྱུར་དང་། ལན་གྲངས་གཞན་ལ་མྱོང་འགྱུར་གསུམ་དང་། དབང་པོ་རྣོ་འབྲིང་རྟུལ་པོ་གསུམ་དང་། ཉོན་མོངས་པ་ཆུང་འབྲིང་ཆེན་པོ་གསུམ་དང་། དབང་པོ་དང་ཉོན་མོངས་པ་ལའང་རྣོན་པོའི་རྣོན་པོ་དང་། སྤང་སླ་བའི་སླ་བ་ཆུང་ངུའི་ཆུང་ངུ་ལ་སོགས་པའི་བྱེ་བྲག་ལས་ཡིན་ཏེ། བར་མ་དོར་མྱུར་བ་ལ་སོགས་པ་རྣམས་ལའང་དེ་བཞིན་དུ་བརྗོད་པར་བྱའོ། །དེ་ཡང་གསུམ་ཚན་དང་པོ་གཉིས་ལ་ནི་དབང་པོ་དང་ཉོན་མོངས་པའི་བྱེ་བྲག་ཡོད་ཀྱི་ལས་ཀྱི་བྱེ་བྲག་ནི་མེད་དེ། དང་པོ་གསུམ་ནི་མངོན་པར་འགྲུབ་པའི་ལས་སུ་མཚུངས་ལ། གཉིས་པ་གསུམ་ནི་སྐྱེས་ནས་མྱོང་འགྱུར་དུ་མཚུངས་པའི་ཕྱིར་རོ། གསུམ་ཚན་ཐ་མ་ལ་ནི་ལས་དབང་ཉོན་མོངས་གསུམ་གའི་བྱེ་བྲག་ཡོད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:གཟུགས་སུ་ཉེར་འགྲོའི་ཕྱིར་མི་འོང་དགུ་

|; |@@@ | | }}