10083

Tibetan	རྟེན་འབྲེལ་བཅུ་གཉིས་ཉི་མར་འཆར་བའི་འབྲས་བཤད་བཅུ་གཉིས།
Tibetan Alternate
Tibetan Definition	1. མ་རིག་པ་ཡི་ཉི་མ་ལ། ། མཆོད་རྟེན་མཁར་རྩིག་མཆོད་སྦྱིན་དང་། །ཞིང་ཁང་ས་བཙལ་མགོ་ལུས་བཀྲུ། ། གོས་བཟོ་དོན་གཉེར་འདུ་ལོང་བཟང་། ། མི་ཆེན་མཇལ་ཕྲད་མོ་འདེབས་དང་། ། གོས་གསར་བྱོན་པ་ངན་པས་སྤང་། ། དོན་གཉེར་ཤར་དུ་བཀྲ་ཤིས་ལ། ། ལྷོ་རུ་རྩོད་ཕྲད་དོན་མི་འགྲུབ། ། ནུབ་ཏུ་སྙིང་མི་དགའ་བའི་གཏམ། ། ཐོས་ཤིང་དོན་མི་འགྲུབ་པ་དང་། ། བྱང་གི་ཕྱོགས་ཕྱིན་གཏམ་སྙན་ཐོས། ། བུ་བཙས་ལོ་ཟླ་ཞག་དགུ་ལ། ། མི་ཤི་ནོར་དང་སྨྲ་བ་མང་། ། ཉེ་བ་དང་འཐབ་རྩོད་པ་ལྡང་། ། སེམས་སྡུག་འཁྲིག་ལ་སྲེད་པ་དང་། ། ཡིག་རྩིས་གཙུག་ལག་ཤེས་པ་འབྱུང་། ལོ་ནི་བརྒྱད་ཅུ་རྩ་གཅིག་འཚོ། ། ཐ་མ་འདུ་བྱེད་ཉི་མར་འཆི། ། བོར་སྟོར་བྱུང་ན་བྱང་ནས་འོངས། ། མི་ནི་སྐྲ་ངན་འཆམས་ལ་དགའ། ། དེ་འབྲས་ཤར་ཕྱོགས་ཐག་རིང་ཁྱེར། ། ཞག་དགུ་ཚུན་ལ་རྙེད་པར་འགྱུར། །ནད་བཏབ་ཟླ་བ་ཕྱེད་ཚུན་ལ། ། མ་ཤི་དེ་ནས་ཞག་གསུམ་ན། ། གསོས་པར་འགྱུར་བས་གཟབ་པར་གཅེས། ། སྒྲིབ་ན་འབྲུ་ལྔར་རྒན་མོའི་གཟུགས། ། ལོང་བུའི་རྒྱབ་ཏུ་ཤོག་བུ་ལ། ། མ་རིག་པ་ཡི་གནོད་པ་དང་། ། ཆགས་ཆེ་ཉམ་ང་དགྲ་ལ་བསྒྱུར། ། བྱ་བ་བྲིས་ལ་བསྒྱུར་བྱ་ཞིང་། ། དཀར་གཏོར་མདའ་དར་དཀར་པོ་དང་། འབྲུ་སྣ་བཅས་པ་ཤར་དུ་འཛུགས། ། 2. འདུ་བྱེད་ཀྱི་ནི་ཉི་མ་ལ། ། རིག་པ་ཡིག་སློབ་རྒྱུན་སྤྲོས་པ། ། བག་མ་དགེ་ལས་ཁྲུས་བྱ་བ། ། ཁང་པ་བརྩིག་དང་ལུས་བཀྲུ་བ། ། དགྲ་བོ་ཚར་གཅོད་ལས་རྣམས་བཟང་། ། མགོ་བཀྲུས་གོས་གསར་གྱོན་པ་ན། ། ནད་དང་གློ་བུར་ཡེ་འབྲོག་ཡོང་། ། དོན་གཉེར་ཤར་ཕྱིན་ནོར་རྙེད་ཅིང་། ། བདེ་བར་ལྡོག་ལ་ལྷོར་ཕྱིན་ན། ། མྱ་ངན་སངས་ཤིང་ཉེས་མེད་ལྡོག ། ནུབ་ཏུ་བཙས་སྟོན་ཟས་རྙེད་ཅིང་། ། བྱང་ དུ་བསམས་པའི་དོན་འགྲུབ་འགྱུར། ། བཙས་ན་ལོ་ཟླ་ཞག་བརྒྱད་ལ། ། གློ་བུར་མ་ཤི་ཕྱུག་པོར་འགྱུར། ། སྤུན་གཉིས་ནད་དཀོན་ཚེ་རིང་ཞིང་། ། གྲོགས་མང་གྱུར་ཀྱང་ཚངས་པར་སྤྱོད། ། མཁས་པ་བཟོ་རིགས་ཤེས་པ་དར། ། ཚེ་ལོ་བརྒྱད་ཅུ་རྩ་གཅིག་འཚོ། ། ཐ་མ་རྣམ་ཤེས་ཉི་མ་འཆི། ། ནོར་སྟོར་རྐུན་མ་མདོག་སེར་སྐྱ། ། གོས་དུག་གྱོན་པ་ཞིག་གིས་ཁྱེར། ། རྟག་ཏུ་རྐུར་དགའ་ཤར་ཕྱོགས་སོང་། ། ནོར་དེ་རང་དང་མི་འབྲལ་ལོ། ། ནད་ཐེབས་ཉིན་བདུན་མ་ཤི་ན། ། དེ་ནས་ཞག་པོ་གསུམ་ན་འཚོ། ། སྒྲིབ་ན་བག་ཕྱེར་རྫ་མཁན་གཟུགས། ། དར་འབྲུ་སྣ་དང་མདའ་དར་སེར། ། སྟེང་འཕྱར་ཕྱེ་མར་གསུར་བཏང་ཐུབ། ། 3. རྣམ་ཤེས་ཉི་མ་རྟེན་བཞེང་བ། ། དབང་བསྐུར་སྒྲུབ་མཆོད་བྱ་བ་དང་། ། སྨན་དཔྱད་མཆོད་སྦྱིན་དགྲ་འདུལ་མོ། ། གྲོང་ཁྱེར་གཞོམ་དང་གོས་གསར་གྱོན། ། འདུ་ལོང་བག་མ་རྒྱལ་སར་བསྐོ། ། མགོ་བཀྲུས་ཡིད་དུ་འོང་ལ་བཟང་། ། ལུས་བཀྲུས་དངངས་པ་འབྱུང་བས་ངན། ། དོན་གཉེར་ཤར་དུ་ཉོན་མོངས་ཤིང་། ལྷོ་རུ་ཉེས་མེད་ནུབ་རྩོད་དང་། ། བྱང་དུ་ཕྱི་ནད་ནོར་རྙེད་འགྱུར། ། བཙས་ན་ལོ་ཟླ་ཞག་ལྔ་ལ། ། གློ་བུར་མ་ཤི་སྤྲོ་རིང་ཞིང་། ། མཁས་ཤིང་ང་རྒྱལ་ཆེ་བ་དང་། ། སྡིག་དགའ་ཚིག་རྩུབ་དཔའ་ཞིང་དབུལ། ། བྱང་སེམས་ཆུང་བར་འགྱུར་བ་ཡིན། ། དྲུག་ཅུ་རྩ་གཉིས་འཚོ་བ་དང་། ། མཚོན་གྱིས་མིང་གཟུགས་ཉི་མར་འཆི། ། སྟོར་ན་རྐུན་མ་རང་ཁྱིམ་མི། ། སེར་སྐྱ་བོངས་ཆུང་ཞིག་གིས་ཁྱེར། ། གཞན་ལ་ཁས་མི་ལེན་པས་རྙེད། ། འདི་ལ་ནད་ཀྱིས་བཏབ་པ་ན། ། ཉི་མ་གསུམ་སྔར་མ་ཤི་ན། །དེ་ནས་ཞག་བདུན་བརྒྱུད་ལ་འཚོ། ། སྒྲིབ་ན་ལྔ་ལ་སྤྲེལ་གཟུགས་བཟོས། ། ཁོང་དུ་བཟློག་སྔགས་བཛངས་བྱས་ལ། ། སྨན་འབྲུ་སྣ་བཅས་ལམ་གསུམ་མདོར། ། བསྐྱལ་ལ་དར་དམར་གནམ་ལ་འཕྱར།། ། 4. མིང་གཟུགས་ཀྱི་ནི་ཉི་མ་ལ། ། བཀྲ་ཤིས་བརྗོད་དང་སྐྲ་སེན་འབྲེག ། དཀར་ཆོས་འཇལ་ལེན་བླ་མ་མཇལ། ། འཇིགས་ལ་ཁྲོས་པ་སྨན་སྦྱོར་བཟང་། ། མགོ་བཀྲུས་སྐྲ་དཀར་ལུས་བཀྲུས་ན། ། གཉེན་སྐྲག་གོས་གྱོན་མྱུར་འཛད་ངན། ། དོན་གཉེར་ཤར་དཔལ་ལྷོར་བསམ་འགྲུབ། ། ནུབ་ཏུ་མི་རྙེད་བྱང་སྟོར་རྨོངས། ། བཙས་ན་ལོ་ནི་བཅུ་གཉིས་དང་། ། ཟླ་ཞག་དྲུག་ལ་མ་ཤི་ན། ། ནད་ཉུང་འཚོ་དཀོན་སྣང་བ་མང་། ༑ བུ་ཡིན་མི་འཚོ་རྟག་འཇིགས་མང་། ། གཏུམ་ཞིང་ང་རྒྱལ་ཚེ་སྨད་ཕྱུག ། ཆུང་མ་གསུམ་ཡོང་ཚོང་གིས་འཚོ། ། ཚེ་ལོ་བརྒྱད་ཅུ་རྩ་གཅིག་ཐུབ། ། གཅོང་གིས་སྐྱེ་མཆེད་ཉི་མར་འཆི། །ནོར་སྟོར་རྐུན་མ་སྤུན་གཉིས་ཡོད། ། གཅིག་ནི་བཞིན་མི་སྡུག་པ་དང་། ། བཀྲག་ནག་ལག་པ་བཟོ་བ་ཡོད། ། ཞག་པོ་ཉི་ཤུ་གཅིག་ན་རྙེད། ། ནད་ཐེབས་ཉི་མ་བ་གསུམ་མམ་ལྟར། ། མ་ཤི་དེ་ནས་བདུན་ནས་གྲོལ། ། བརྒྱད་པར་ཐལ་ནས་བསོས་མི་འགྱུར། ། སྒྲིབ་ན་བག་ཕྱེར་མཉམ་པ་དང་། ། ལྷ་བཟོའི་གཟུགས་བཅོས་དེར་སྨན་འབྲུའི། ། སྣ་དང་དཀར་གསུམ་མདའ་དར་སྔོ། ། ལྷོར་བསྟན་སྤོས་དཀར་དུད་པས་ཐུབ། 5. སྐྱེ་མཆེད་རྒྱལ་ས་བྱ་བ་དང་། ། བག་མ་བཟློག་རིམ་རྟེན་བཞེང་བ། ། རྒྱལ་པོ་ཁྲུས་བྱེད་གྲོང་ཁྱེར་བཟུང་། ། དགེ་ལས་གཏེར་སྦེད་མགོ་བཀྲུས་ན། ། གཟི་བརྗིད་གོས་གྱོན་མཛེས་འགྱུར་་བཟང་། ། ཁྱིམ་དུ་ཞུགས་ནས་སླར་འབྱུང་དང་། ། གཞན་ལ་ཕྱག་བྱ་སྡིག་པའི་ལས། ་། ལུས་བཀྲུས་ཕ་མ་སྐྲག་པས་ངན། ། དོན་གཉེར་ཤར་དུ་དོན་རྙེད་ཅིང་། ། ལྷོ་རུ་དཔལ་ཕྲད་ཡིད་དགའ་ལ། ། ནུབ་དང་བྱང་དུ་རེ་བ་རྫོགས། ། བཙས་ན་ལོ་བརྒྱུད་ཡང་ན་བཅུ། ། ཟླ་གསུམ་ཉིན་ལྔར་མ་ཤི་ན། ། སེར་སྣ་ཆེ་ཞིང་ནད་མོད་ལ། ། དཔའ་ཞིང་འཕོངས་ལ་སྲེད་པ་ཆེ། ། ལྷོར་འདུ་དྲུག་ཅུ་རྩ་བཞི་འཚོ། ། རང་ཁྱིམ་རེག་པའི་ཉི་མར་འཆི། ། ནོར་སྟོར་ཁྱིམ་མཚེས་མདོག་སེར་སྐྱ། །གསུས་པ་དང་ནི་མིག་ཆེ་བས། ། ཆུ་འགྲམ་གྲོང་ཡོད་ས་རུ་ཁྱེར།། ། དེ་སར་ཉིན་གཉིས་ཚུན་ཆད་དུ། ། མ་གཏུགས་ཕྱིས་སུ་སྙེད་མི་འགྱུར། ། ནད་འཕོག་ཉི་མ་གསུམ་བཞི་ལ། ། མ་ཤི་ཉི་མ་བཅུ་ན་འཚོ། ། སྒྲིབ་ན་ཕྱེ་ནག་མཁར་གཟུགས་བཟོས། ། དར་སྨན་འབྲུ་སྣ་དར་ལྗང་རྣམས། ། གནམ་འཕྱུར་མདའ་ཆག་ལམ་དུ་བསྒྱུར། ། 6. རེག་པའི་ཉི་མ་ཤར་བ་ན། །རྐུ་འཕྲོག་སྤོག་གཅོད་ཆད་པ་གཅོད། ། མནན་བསྲེག་དྲག་རྩུབ་ལས་རྣམས་དང་། ། མགོ་བཀྲུས་རྩོད་པ་ཉུང་བས་བཟང་། །བཟོ་བྱེད་ལུས་བཀྲུས་ཕ་མ་སྐྱུག ། གོས་གྱོན་མཛའ་བོས་འཚེ་བས་ངན། ། གལ་ཏེ་གྱོན་ན་དགེ་སློང་གི ། མདུན་དུ་ཕྱག་བྱས་གྱོན་ན་འཇམ། ། ཤར་སོང་ནོད་ཐེབས་ལྷོ་རུ་མཛེས། ། ནུབ་ཏུ་ཅ་ཅོ་དངངས་སྐྲག་འོང་། ། བྱང་དུ་རྙེད་ཀྱང་ཡུན་རིང་འགོར། ། བཙས་ན་ལོ་དགུ་ཞག་ལྔ་དང་། ། ཟླ་བ་དགུ་ལྔ་གསུམ་གྲངས་ལ། ། མ་ཤི་རྟག་ཏུ་ནད་ཀྱིས་འཛིན། ། བཤེས་གཉེན་ཆེ་ལ་སྨྲ་བ་མཁས། ། བློ་གྲོས་ལྡན་ཞིང་ང་རྒྱལ་ཆེ། ། ལག་རྐུ་ཆོས་དགའ་ཕྲག་དོག་ཆེ། ཕྱུག་ཅིང་འཁྲིག་ལ་སྲེད་པ་ད་། ལོ་ནི་དྲུག་ཅུ་རྩ་གསུམ་འཚོ། ། ཆད་པས་ཚོར་བའི་ཉི་མར་འཆི། ། ནོར་སྟོར་རང་གི་ཁྱིམ་མཚེས་པ། ། སྐྲ་ནག་ཉམས་ཚོ་ཀླག་ཅོར་ཆེ། ། ངོ་བསྟོད་རྟག་ཏུ་དེར་གནས་པ། ། ཡིན་ཏེ་དེར་བཙུགས་ཤིན་ཏུ་བསྙོན། ། བསྡོངས་ཟླ་བཞི་ཡོད་གྲོང་གཞན་དུ།། ་། ནོར་ལ་འཐབ་རྩོད་བྱེད་པ་འབྱུང་། ། ཡུན་རིང་སོང་ན་ཁུངས་ཙམ་ཆོད། ། ནད་ཐེབས་ཉིན་གསུམ་མ་ཤི་ན། ། བརྒྱུད་ནས་འཚོ་ལ་ཚེ་རིང་འགྱུར། ། སྒྲིབ་ན་བག་ཕྱེར་ཤ་བ་དང་། ། ཤ་ཁྱི་སྔོན་པོའི་གཟུགས་བཟོས་ལ། ། དར་སྨན་འབྲུ་སྣ་མི་ཁ་ཡི། ། རྫས་བཅས་ཕྱིར་བསྒྱུར་དར་སྨན་དང་། ་། རིན་ཆེན་ལྕགས་ཙལ་རྣམས་གཏུམས་ལོ། ། རྟེན་གྱི་ཞབས་ཀྱི་འོག་ཏུ་འཇུག ། སྒྲུང་སྒྱུར་དུད་པ་བཏང་བས་ཐུབ། ། 7. ཚོར་བ་ཞེས་བྱའི་ཉི་མ་ལ། ། མཛའ་བོ་ཕྲད་དང་ཆོས་བྱེད་པ། ། ཚོང་དང་ཆུ་བརྒལ་ཞི་བའི་ལས། ། འཁོར་འདུ་དབང་མོ་དཀྱིལ་འཁོར་བཞེང་། །ཟས་ནོར་བསྡུ་དང་དགེ་ལས་བཟང་། ། མགོ་བཀྲུས་སྐྲ་བྱི་ལུས་བཀྲུས་ན། ། ཡིད་མི་བདེ་ཞིང་གོས་གྱོན་ན། ། དངང་ངོ་ཡོང་བས་ངན་པར་བཤད།. ། ཤར་ཕྱིན་མྱ་ངན་སངས་ཤིང་མགུ། ། ལྷོ་རུ་ཕྱིན་ན་ནད་ཀྱིས་འདེབས། ། ནུབ་ཕྱིན་ཤི་ཚད་གཏམ་ངན་ཐོས། །བྱང་དུ་གཏམ་སྙན་ཡིད་བདེ་འབྱུང་། ། བཙས་ན་ལོ་བརྒྱད་ཟླ་་བ་བརྒྱད། ། ཡང་ན་ཟླ་གཉིས་ཞག་བཅུ་གཉིས། ། མ་ཤི་གཞན་གྱི་བསྙེན་བཀུར་དང་། ། མཆོད་པའི་གནས་འགྱུར་གཡོ་སྡིག་དགའ། ། ནད་ལྡང་འབྲུ་ནོར་ཕྱུག་པ་དང་། ། བཟོ་མཁས་ཆུང་མ་གཉིས་དང་ལྡན། ། ཚེ་ལོ་དྲུག་ཅུ་ཐམ་པ་འཚོ། } ཚད་པས་སྲེད་པའི་ཉི་མར་འཆི། ། སྟོར་ན་རྐུན་མ་ལམ་རིང་ཡོང་། །ཁྱི་ནི་རྐང་ལག་ནག་པོ་ལ། ། ལུས་ཁྲ་ཕྱི་ནས་འབྲངས་པས་ཁྱེར། ། ཞག་པོ་ཉེར་གཅིག་ལ་རྙེད་འགྱུར། ། ནད་ཕོག་ཉིན་ལྔ་མ་ཤི་ན། ། དགུར་ལྡང་བཅུ་ལ་གསོས་པར་འགྱུར། ། སྒྲིབ་ན་ཟན་ལ་མདའ་མཁན་གྱི། ། གཟུགས་བཟོས་འབྲུ་སྣ་གྱི་ཆུང་དང་། ། མདའ་དར་ལྷན་གཅིག་སྟེང་དུ་འཕྱུར། །གུ་གུལ་དུད་པ་བཏང་བས་ཐུབ། ། 8. སྲིད་པའི་ཉི་མར་བག་མ་དང་། ། ནོར་རྫས་བསྡུ་དང་ནོར་དཔུས་བསྒྱུར། ། ཚོང་བྱེད་འདུ་ལོང་དགེ་བའི་ལས། ། མོ་འདེབས་མྱུར་སྤང་ལས་རྣམས་བཟང་། ། གོས་གྱོན་རྟག་ཏུ་འགྲུབ་ན་ཡང་། ། དེ་ཉིན་བགོ་བར་མི་བྱ་ཞིང་། ། མགོ་བཀྲུས་སྐྲ་འབྱི་ལུས་བཀྲུས་ན། །འཇིགས་པ་ཆེ་ཞིང་ཤར་ཕྱིན་ན། ། དོགས་པ་བསྐྱེད་ཅིང་ལྷོ་རུ་ཕྱིན། ། ནོར་རྙེད་མྱ་ངན་ཕྲན་ཚེགས་འབྱུང་། ། ནུབ་ཏུ་ཤི་ཆད་གཏམ་ཐོས་ཤིང་། །བྱང་དུ་ཕྱིན་ན་ཡིད་མི་བདེ། ། བྱིས་པ་ལོ་དགུ་ཟླ་བ་ལྔ། ། ཞག་པོ་གསུམ་དང་བཅུར་མ་ཤི། ། གྲོང་ཁྱེར་གྱི་ནི་དཔོན་དུ་འགྱུར། ། བུ་ཚ་མང་ལ་ལོངས་སྤྱོད་ཆེ། ། ནད་དཀོན་གཟུགས་བཟང་དགྲ་སྒྲོགས་མང་། །ལོ་ནི་བརྒྱད་ཅུ་རྩ་བཞི་འཚོ། ། དུག་གིས་ལེན་པའི་ཉི་མར་འཆི། ། བོར་སྟོར་རྐུན་མ་ནུབ་ཕྱོགས་ཡོང་། ། གཟུགས་བཟང་འཕོངས་པའི་མི་ཞིག་སྟེ། ། རྐང་ལག་ནག་པོའི་ཁྱི་ཡི་བདག ། དེར་བབས་དེ་ཐབས་རྙེད་པར་འགྱུར། ། ནད་ཐེབས་བརྒྱུད་ལ་མ་ཤི་ན། ། བཅུར་འཚོ་དེ། ལ་མ་གསོས་འཆི། ། སྒྲིབ་ན་ཤོག་བུར་འདོད་སྤྱོད་བྲིས། ། དེ་ནི་འཇག་མའི་མགལ་བར་བཅུག ། འབྲུ་དང་སྣ་དང་མཉམ་བྱས་ལ། ། ལམ་གྱི་བཞི་མདོར་བསྐྱལ་བ་དང་། ། དར་དམར་གནམ་འཕྱར་ཚིལ་དུད་བཏང་། ། 9. ལེན་པ་ཡི་ནི་ཉི་མ་ལ། སྨན་སྦྱོར་དགྲ་བྱེད་ཕོ་ཉ་གཏོང་། ། གཞན་གྱི་བུད་མེད་ལ་བགྲོད་དང་། ཁ་སྤུ་འབྲེག་དང་མི་སྨྲ་བཟང་། །.མགོ་བཀྲུས་སྐལ་པ་བཟང་བ་དང་། ། ལུས་བཀྲུས་ནོར་རྙེད་བཟང་བ་ཡིན། ། གཞན་མ་གང་བརྩམས་འབྲས་བུ་མེད། ། གོས་གྱོན་ཚེ་ཐུང་ཕན་མི་ཐོགས། ། ཤར་སོང་འཇིགས་ཤིང་ལྷོ་རུ་མཛེས། ། ནུབ་ཏུ་ཅུང་འཇིགས་བྱུང་བསམ་འགྲུབ། ། བཙས་ན་ཞག་དགུ་ཟླ་བ་གཉིས། ། ལོ་བརྒྱད་དགུ་ལ་མ་ཤི་ན། ། ལྟ་བར་མི་སྡུག་སེམས་ཆུང་ཞིང་། ་། གཏིང་རིང་མཛའ་བོའི་གཟུགས་ཀྱི་ནི། ། གཡོ་བྱེད་ལ་དགའ་འདོད་ཆགས་ཆེ། ། ཚུལ་ཁྲིམས་འཆལ་ཞིང་ལོ་དྲུག་ཅུ། ། རྩ་བཞིར་འཚོ་ཞིང་ཐ་མ་རུ། ། སྲིད་པའི་ཉི་མར་ཚུའམ་མཛེས། ། རང་གི་ཡུལ་དུ་འཆི་བར་འགྱུར། ། ནོར་སྟོར་ཤར་ཡོང་མི་གཉིས་ཡོད། ། ནོར་ཕྱིར་གཉིས་པོ་ནུབ་ཕྱོགས་འཐབ། ། ངེས་པར་རྙེད་པར་འགྱུར་བ་ཡིན། ༑ ནད་འཕོག་ཉིན་བརྒྱད་མ་ཤི་ན། ། བཅུར་གསོས་དེར་ཡང་ཅུང་ ཟད་ལ། ། མ་ཤི་བ་ན་འཚོ་བ་ཡིན། ། སྒྲིབ་ན་སྣམ་སྟེང་ཆོས་ཤིག་བཞག །ནས་དཀར་བྲེ་གང་སྟེང་དུ་ནི། ། མར་མེ་བདུན་དུ་སྤོས་སྤར་ཐུབ། ། 10. སྲིད་པའི་ཉི་མ་ཤར་བ་ནི། ། བུད་མེད་མཛའ་པོ་བསུ་བ་དང་། ། གཞན་ཡང་ལས་ཀུན་འགྲུབ་འགྱུར་ཞིང་། ། མགོ་བཀྲུས་བཟང་དང་བཅའ་བ་རྙེད། ། ལུས་བཀྲུས་ཡིད་འོང་མཛེས་པར་འགྱུར། ། གོས་གྱོན་མཛེས་ཀྱང་བགོ་མི་བྱ། ། འཐབ་རྩོད་བྱ་བ་འདི་ལ་སྤང་། ། ཤར་སོང་དོན་མེད་འཇིགས་དང་ཕྲད། ། ལྷོ་རུ་ཅི་བསམ་ཐམས་ཅད་འགྲུབ། ། ནུབ་ཏུ་འཇིགས་ཆེ་བྱང་ནོར་རྙེད། ། བཙས་ན་ཉིན་དགུ་ཟླ་གཉིས་སམ། ་། གསུམ་དང་ལོ་དགུར་་བསམ་ཐམས་མ་ཤི་ན། ། གཞན་གྱི་ཆུང་མར་འཁྲིག་པ་སྲེད། ། གཉིད་ཆུང་གཙོ་བོ་དམག་དཔོན་འགྱུར། ། བཙན་ཕྱུག་བཟོ་ཡི་གནས་ལ་མཁས། །ཆུང་མ་གཉིས་ལྡན་དྲུག་ཅུ་འཚོ། ། ཐ་མ་སྐྱེ་བའི་ཉི་མ་ལ། ། མཚོན་གྱིས་གཞན་ཡུལ་དག་ཏུ་འཆི། ། འདི་ལ་ནོར་སྟོར་ཤར་ནས་ཡོང་། ། གཡེང་བག་ཆེ་ཞིང་སྦྱང་བ་ཡི། ། བཤེས་གཉེན་ཆེ་བ་ཞིག་ཡིན་ཏེ། ། དེ་ཉིད་སུ་ལ་བློ་མི་གཏོད། ། རིང་མོར་སོང་ནས་ནང་ཉམས་རྙེད། ། ནད་འཕོག་ཉི་མ་གསུམ་དགུ་ལ། ། མ་ཤི་བ་ན་གསོས་པར་འགྱུར། ། སྒྲིབ་ན་ཟན་ལ་ཆང་འཐུང་མི། ། གཟུགས་བཟོས་སྤང་མ་འབྲུ་སྣ་དང་། ། དར་དང་རིན་ཆེན་གོས་ནག་ཁ། ། གང་དང་ཤུག་ཤིང་འཕྱར་བས་ཐུབ། ། 11. སྐྱེ་བ་ཡི་ནི་ཉི་མ་ལ། ། བཟློག་རིམ་ཁྱིམ་བཅོས་ཁང་འཛིན་སོགས། ། ཁྱིམ་བདག་གི་ནི་ལས་རྣམས་དང་། ། རྒྱལ་དང་ བློན་པོའི་ལས་རྣམས་བཟང་། ། མགོ་བཀྲུས་བཀུར་སྟི་རིམ་གྲོ་རྙེད། ། ལུས་པོ་བཀྲུས་ན་མཛའ་བོ་རྙེད། ། གོས་གྱོན་རིང་དུ་མི་གནས་པ། ། བགོ་བར་མི་བྱ་ཤར་དུ་ཕྱིན། ། ནོར་རྙེད་མོད་ཀྱིས་བརླག་པར་འགྱུར། ། ལྷོ་རུ་གཏམ་སྙན་ནུབ་ཉེས་མེད། ། བྱང་དུ་ནོར་རྙེད་བཙས་པ་ན། ། ཉིན་དགུ་ཟླ་དགུ་ལོ་བཅུ་ལ། ། མ་ཤི་རྟག་པར་ནད་བུ་ཅན། ། ཕྱུགས་དང་ཡུལ་འཁོར་མི་སྐྱོང་ལ། ། གཞན་གྱིས་མཆོད་པའི་གནས་སུ་འགྱུར། ། དྲུག་ཅུ་འཚོ་ཞིང་རྒ་ཤི་ལ། །ཆུ་ཡི་གནོད་པས་འཆི་བར་འགྱུར། ། ནོར་སྟོར་རྐུན་མ་མི་གསུམ་གྱི། ། གཉིས་ནི་ཕྱི་མི་གཅིག་ནང་མི། ། ཁུངས་ནི་དལ་བུས་ཤེར་བ་མ། ། ཡུན་རིང་ཞིག་ན་རྙེད་པར་འགྱུར། ། ནད་འཕོག་ཉིན་ལྔར་མ་ཤི་ན། ། བརྒྱུད་ལ་གསོས་པོར་འགྱུར་བ་ཡིན། ། སྒྲིབ་ན་འཇིམ་པར་བྱིས་བཙས་ཀྱི། ། གཟུགས་བྱས་དེ་འབྲུ་སྨན་གྱི་སྣ། ། བལ་ཚོན་བསྒྲིལ་ལ་མདའ་དར་ལྔ། ། མཉམ་དུ་སྟེང་ནས་འཕྱུར་བ་དང་། ། བུ་རམ་གསུར་ནི་བཏང་བས་ཐུབ། ། 12. རྒ་ཤི་ཡི་ནི་ཉི་མ་ལ། ། ཕྱུག་པོའི་ནོར་བརྐུ་ཚུར་བླང་རིགས། ། མགོ་བཀྲུས་གོས་དང་བཟའ་བཏུང་རྙེད། ། དེ་དག་བཟང་ཞིང་མཆོད་སྦྱིན་གཏོང་། ། བཟོ་བྱེད་མོ་འདེབས་ལ་སོགས་དང་། ། རྩོད་པའི་རིགས་རྣམས་སྤང་བར་བྱ། ། ལུས་བཀྲུས་གོད་མང་གོས་གསར་པ། ། གྱོན་ན་གནས་པར་མི་འགྱུར་རོ། ། ཤར་དུ་སོང་ན་མྱུར་དུ་ལྡོག ། ལྷོ་རུ་གྲོགས་དང་གཏམ་སྙན་འོང་། ། ནུབ་ཏུ་དངངས་སྐྲག་བྱང་དུ་བདེ། ། བཙས་པ་ཉིན་གཉིས་ཟླ་བ་གཅིག་་། ལོ་དགུར་མ་ཤི་བྱིས་པའི་དུས། ། ནད་མང་ཆེར་སྐྱེས་ནད་བྱུང་ཞིང་། ཡིད་གཞུངས་གཉེན་འདུན་བྱམས་པ་དང་། ། དགྲ་མང་དྲུག་ཅུ་རྩ་བཞི་འཚོ། ། མཚོན་གྱིས་མ་རིག་ཉི་མར་འཆི། ། རྐུན་མ་བྱང་ཡོང་སྐད་འཛེར་བ། ། སྐྱེ་ལུས་རིང་ཞིང་མཆུ་ཡང་དམར། ། མགོ་སྐྱ་སོ་ཆག་ཞིག་གིས་ཁྱེར།་། ཞག་ནི་ཉི་ཤུ་ལྔ་ནས་རྙེད། ། ནད་ཐེབས་ཉི་མ་གསུམ་བདུན་ལ། ། མ་ཤི་བཅོས་ཀྱིས་ནད་ལས་གྲོལ། ། སྒྲིབ་ན་ཟན་ལ་དགྲ་གཟུགས་བྱས། ། དེ་ཁོང་རྒ་ཤི་ཞེས་པ་བཅུག ། རེ་ནག་གཏུམས་ལ་རིན་ཆེན་ལྔས། ། བཅིངས་ལ་རང་འཐག་འོག་ཏུ་མནན། །དར་སེར་ནམ་མཁའ་འཕྱོར་བ་དང་། །སྟོབས་ཆེན་གཟུངས་སྔགས་བཀླགས་པས་ཐུབ། །
Tibetan Source	《དཔྱད་གསུམ་འབྲས་རྩིས་རཏྣའི་བང་མཛོད》ཤ་39ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number