10108

Tibetan	དུས་སྦྱོར་གྱི་འབྲས་བཤད་བཅུ་གཉིས།
Tibetan Alternate
Tibetan Definition	1. ལུག་གི་ཁྱིམ་དང་ཏ་ཏལ་ལ། ། དབང་བསྐུར་རབ་བྱུང་འབད་རྩོལ་ལས། ། བྲན་བསྟེན་བཟོ་དང་སྐུ་སེན་འབྲེག ། དགྲ་འཐབ་དམག་ཇག་བར་འདུམས་རགས། ། ཁམས་སྦ་རང་གཞན་འབྲེལ་བ་བྱེད། །སྦྱིན་སྲེག་དགུག་དྲག་དྲག་ལས་བཟང་། ། རབ་གནས་ལྷ་ཁང་རྟེན་བཞིང་དང་། ༑ བག་མ་མཁར་ལས་གཏར་ཁ་རྒྱག ། མེ་བཙའ་ཚོང་བྱ་ཚར་དབབ་པ། ། གསོན་དགེ་མདུན་གྲོས་བཀྲ་ཤིས་ལས། ། རྫིང་ཡུར་ཁྲོན་འདྲི་ས་བོན་གདབ། ། ལྷ་གསོལ་སྐྱེ་ཤིང་མེ་ཏོག་འཛུགས། . །ཞི་དབང་རྒྱས་པའི་ལས་རྣམས་ངན། ། རྩོད་དང་ནོར་ནི་ཉམས་པ་དང་། །འཇིག་རྟེན་ཀུན་གྱི་མི་བསྙེན་དང་། ། མི་དགེ་སྒྲུབ་བྱེད་སྡུག་བསྔལ་བས། ། པྲ་ཏི་ཏ་ཡི་དུས་སྦྱོར་སྤང་། ། གཟས་བཟུང་དམག་མི་མགར་བར་ངན། ། སྐྱེས་པ་ཞག་བཅུ་ཟླ་བ་བཅུ། །ལོ་བཅུ་བཅོ་བརྒྱད་ཉི་ཤུའམ། ། སུམ་ཅུར་མ་ཤི་ལོ་མང་འཚོ། ། སྨིན་དྲུག་ཟླ་བའི་བཅུ་གསུམ་མམ། ། མིག་དམར་མེས་འཚིག་ནམ་ཕྱེད་འཆི། ། རྒྱལ་པོས་མཆོད་ཅིང་ཞིང་ལ་དགའ། ། བྱ་ཤེས་ཆོས་ལྡན་མགྲོན་ལ་ཡང་། ། ཚིག་གསལ་ཁོག་ཡངས་འདོད་ཆགས་ཆེ། ། ཁྲོ་གཏུམ་བསམ་པ་ངན་པ་ཡིན། ། ནད་ཀྱིས་བཏབ་ན་འཆི་བའི་ཉེན། ། བཙོན་ཚུད་མྱུར་དུ་ཐར་པ་ཡིན། ། 2. གླང་གི་ཁྱིམ་དང་ཏ ཏྟཱལ་ལ། ། རབ་བྱུང་སྦྱིན་སྲེག་དབང་དྲག་ལས། ། རྒྱན་སྤྲོས་བག་མ་དྲ་གྱོན་བཟོ། གཏར་སྲེག་མོ་རྩིས་སྐྲ་སེན་འབྲེག ། ལྷ་གསོལ་བཟློག་རིམ་སྲི་མནན་བྱ། ། མཆོད་རྟེན་ལྷ་ཁང་རྟེན་བཞེང་དང་། ། མཆོད་དང་སྦྱིན་གཏོང་རབ་གནས་ཞུགས།་། མཁར་ལས་ཞིང་ཉོ་བང་མཛོད་བཅའ། ། མདུན་གྲོས་བཀྲ་ཤིས་གསོན་དགེའི་ལས། ། རྫིང་ཡུར་ཁྲོན་འདྲུ་ས་བོན་གདབ། ། སྦྲ་ཕྱར་འཚེམ་དང་བ་དན་འཛུགས། ། བྲན་གཡོག་བསྟེན་དང་གཉེན་སྦྱོར་ལས། ། མེ་ཏོག་ཤིང་འཛུགས་རྟ་གླིང་འདུལ། ། ཚོང་བྱ་ཁྱིམ་བཟང་ལྟད་མོ་བཟང་། ། ནོར་རྙེད་པ་དང་དཔལ་དང་ལྡན། ། སྐལ་པ་བཟང་ཞིང་སྙན་པ་ཆེ། ། མཆོད་དང་རིམ་གྲོ་བྱེད་པ་རྙེད། ། ཀཱ་ཤཱའི་དུས་སྦྱོར་བསྒྲུབ་པར་བྱ། ། གཟས་བཟུང་ཆོས་སྤྱོད་རྫི་བོ་ཉམས། ། སྐྱེས་པ་ཞག་པོ་ཉི་ཤུ་འམ། ། ཟླ་བ་ཉི་ཤུར་མ་ཤི་ན། །དགུ་བཅུ་འཚོ་ཞིང་དགུན་ར་འམ། ། མིག་དམར་བད་མཁྲིས་དགོང་མོ་འཆི། ། མིག་རྩ་དམར་ལ་ལེ་ལོ་ཆེ། ། མཁས་ཤིང་འཁོར་མང་སྙན་གྲགས་ལྡན། ༑ནད་ཀྱིས་བཏབ་ན་མྱུར་དུ་གྲོལ། ། བཙོན་ཆུད་བྲོས་པས་ཐར་མི་སྲིད། ། 3. འཁྲིག་པའི་ཁྱིམ་དང་ཏ ཏལ་ལ། ། དབང་སྐུར་རབ་གནས་ཆོས་སྤྱོད་དང་། ། ལྷ་གསོལ་སྨན་སྦྱོར་ལྷ་ཁང་བརྩིག་རྟེན་བཞེང་རྒྱལ་མཚན་བ་དན་འཛུགས། ། བག་མ་དྲ་གྱོན་རྒྱན་སྤྲོས་བཟོ། །རྫིང་ཡུར་ཁྲོན་འདྲུ་སྐྲ་སེན་འབྲེག་ཚོང་དང་སྐྱེ་ཤིང་མེ་ཏོག་འཛུགས། ། ལྟད་མོ་གཏར་བསྲེག་སློབ་སོགས་དང་། ། མིང་འདོགས་སྒྱུ་རྩལ་རྒྱས་ལས་བཟང་། ། དབང་དྲག་ཞི་བའི་ལས་སྤྱི་དང་། །རབ་བྱུང་སྒྲུབ་ཅིང་མཁར་ལས་སྤང་། །བསམ་པ་གྲགས་སྙན་གྲོགས་ཀྱང་རྙེད། ། རྟག་ཏུ་ཇི་ལྟ་བར་ཡང་བྱེད། ། མ་བསམ་པ་ཡང་རྙེད་པ་འབྱུང་། ། ཀ་ཊི་བྷཾ་ཤ་འདི་ལ་བཟང་། ། གཟས་བཟུང་རྩིས་མཁན་ཆུང་མ་ཉམས། །འདི་ལ་སྐྱེས་པར་གྱུར་པ་ན། ། ཞག་ལྔ་ཟླ་བ་ཉེར་ལྔ་ལ། ། མ་ཤི་དགུ་བཅུ་རྩ་ལྔ་འཚོ། །རྒྱལ་ཟླའམ་ནབས་སོ་ལྷག་པ་ལ། ། བཅུ་དྲུག་སྔ་དྲོ་མཚོན་གྱིས་འཆི། །འབྱོར་ལྡན་འཇམ་ཞིང་ཆང་དད་ཆེ། ། བདེན་སྨྱུ་གཞན་གྱི་ཚིག་ལ་མཁས། ། ལྟད་མོ་ལ་དགའ་ཆགས་པ་ཆེ། ། འདི་ལ་ནད་བཏིབ་འཚོ་བར་སླ། ། བཙོན་ཚུད་བྲོས་པས་ཐར་མི་སྲིད། ། ནོར་གྱིས་བསླུས་ན་ལྷུངས་པ་སྲིད། ། 4. ཀཱནྡྲའི་ཁྱིམ་དང་ཏངྐལ་ཤར། ། གྲུབ་བྱ་ཐོར་འདོན་སྲི་མནན་བྱ། ། རྫིང་ཁྲོན་ཆུ་བསྒྱུར་རྒྱས་པའི་ལས། ། ཆར་དབབ་གྲུ་གཟིངས་ཟམ་པ་འཛུགས། ། དམག་འདྲེན་གཡོ་བའི་ལས་སོགས་བཟང་། ། རབ་གནས་མཁར་ལས་དྲ་གྱོན་བཟོ། ། བཀྲ་ཤིས་མདུན་གྲོས་གསོན་དགེའི་ལས། ། བྲན་བསྟེན་སྐྲ་འཁྲུ་སྐྲ་སེན་འབྲེག ། ལྷ་གསོལ་རྟེན་བཞེངས་ས་བོན་གདབ། ། བང་མཛོད་བཅའ་དང་རྒྱལ་མཚན་འཛུགས། ། རྟ་གླིང་འདུལ་བ་རྟ་རྒྱུག་པ། ། སྨན་སྦྱར་དབང་ཞིའི་ལས་རྣམས་ངན། ། ངེས་པར་ནོར་དང་རྙེད་པ་ཉམས། ། རེག་པ་ཙམ་གྱིས་འཇིག་པར་བྱེད། །ཉོན་མོངས་རྩོད་དང་འཇིགས་པ་ཆེ། ། སྦལ་པའི་དུས་སྦྱོར་སྤང་བར་བྱ། ། གཟས་བཟུང་མུ་གེའི་འཇིགས་པ་འབྱུང་། ། འདི་ལ་བཙས་པའི་མི་དེ་ནི། ། ལོ་ཟླ་ཞག་ལྔ་བདུན་བཅུ་དྲུག ། སུམ་ཅུར་མ་ཤི་བརྒྱུད་ཅུ་འཚོ། །རྟ་ཟླའི་དཀར་ཕྱོགས་བཅུ་བཞི་དང་། ། མཆུ་དང་རེས་གཟའ་པ་སངས་ལ། ། ཞི་རྒྱས་དུས་སུ་དམུ་ཆུས་འཆི། ། བློ་ལྡན་ཤེས་རབ་གྲགས་སྟོབས་ལྡན། །བཟོད་སེམས་འགྲོ་དགའ་ཆོས་ལ་དཀར།། ། ནད་ཀྱིས་བཏབ་ན་ཡུན་ནས་འཚོ། ། བཙོན་དུ་ཆུད་ན་མྱུར་དུ་ཐར། ། 5. སེང་གེའི་ཁྱིམ་དང་ཏངྐལ་འབྲས། ། རབ་བྱུང་ལྷ་ཁང་མཆོད་རྟེན་བཞེངས། ། ལྷ་གསོལ་སྦྱིན་སྲེག་ཞི་དབང་ལས། ། བཟློག་རིགས་མོ་རྩིས་སྲི་མནན་བྱ། ། རྒྱན་སྤྲོས་བག་མ་རྒྱལ་སར་འཇུག ། མཁར་ལས་ཐབ་བཅའ་སྦྲ་ཕྱར་འཚེམ། ། གོས་གྱོན་བཟོ་དང་སྐྲ་སེན་འབྲེག ། གསོན་དགེ་བཀྲ་ཤིས་མདུན་གྲོས་བྱ། ། ། བསྙེན་བཀུར་དབང་བསྐུར་བརྩོན་འགྲུས་དྲག ། གཞན་ལ་བསྟུན་པ་་པ་ལྟད་་མོ་དང་། ། རྟ་གླང་འདུལ་བ་རྟ་རྒྱུག་པ། །་དམག་འདྲེན་་འཁོར་བསྟེན་བ་དན་འཛུགས། ། ཚོང་འདུམས་ཆུ་རགས་སྐྱོར་བ་བཟང་། ། གདོན་རྣམས་ཉམས་ཤིང་བདེ་བར་འགྲོ། །བྱ་བ་ཀུན་ལ་འཇིགས་པ་མེད། ། རྒྱལ་པོས་མཆོད་ཅིང་བུད་མེད་ཐོབ། ། སི་དྷའི་དུས་སྦྱོར་བསྒྲུབ་པར་བྱ། ། ལུག་གི་འབྲས་བུ་རྣམས་ཀྱང་འབྱུང་། གཟས་བཟུང་རི་བྲག་པ་ལ་ངོན༑ ༑ འདི་ལ་བཙས་པར་གྱུར་པ་ན། ། བཅུ་གསུམ་ལོ་ཟླའི་ཞག་གྲངས་ལ། ། མ་ཤི་བདུན་ཅུ་རྩ་དགུ་འཚོ། ། མེ་བཞི་ས་སྐྱེས་བཅུ་དགུའི་ཚེས། ། ནག་ཕྱོགས་ཉི་ཕྱེད་གཏིབས་འོག་འཆི། ། སྟོབས་ལྡན་གཟུགས་བཟང་ང་རྒྱལ་ཆེ། ། ལྷ་མཆོད་བླ་མ་ལ་དགའ་ཞིང་། ། ནད་མང་ཚོང་ལ་དགའ་བ་ཡིན། ། བཙོན་ཆུད་ནོར་གྱིས་བསླུ་དགོས་ཡོང་། །ནད་ཀྱིས་བཏབ་ན་མྱུར་དུ་གྲོལ། ། 6. བུ་མོའི་ཁྱིམ་དང་ཏཏྤལ་ལ། ། ལྷ་ཁང་སྐུ་གསུང་ཐུགས་རྟེན་བཞེང་། ། བག་མ་རྒྱུན་སྤྲོས་དྲ་གྱོན་བཟོ། ། སྐྲ་འཁྲུ་སྨན་སྦྱོར་གཏར་སྲེག་མཁར། །བསྡུམས་ལམ་མོ་རྩིས་སྒྲ་སེན་འབྲེག ། བཀྲ་ཤིས་གསོན་དགེ་མདུན་གྲོས་བྱེད། ། ཆུ་རགས་སྐྱོར་ཚོང་ཞི་རྒྱས་ལས། ། བརྟན་གཡོ་རྒྱལ་པོའི་ལས་རྣམས་བཟང་་། རབ་བྱུང་དམག་འདྲེན་དྲག་ལས་སྤང་། ། བུ་མོ་རྙེད་ཅིང་དགེ་བའི་གཟུགས། ། བསམ་པ་ཇི་བཞིན་འགྲུབ་པར་འགྱུར། ། སྐལ་བཟང་ནོར་རྣམས་ཕུན་སུམ་ཚོགས། །ཏཱ་ཊ་གླུ་ཡི་དུས་སྦྱོར་བསྒྲུབ། ། གཟས་བཟུང་སེམས་ཅན་ཀུན་ལ་འཚེ། ། སྐྱེས་ཞག་ཉེར་དགུ་ཟླ་ཕྱེད་བཅུ། ། ལོ་ནི་ཉེར་དགུ་མ་ཤི་ན། ། དྲུག་ཅུ་འཚོ་ཞིང་ས་ག་ཡི། ། ཚེས་ལྔ་ནག་པ་སྤེན་པའི་རེས། ། འགོ་བའི་ནད་ཀྱིས་མཚན་མོ་འཆི། ། མཁས་ནོར་དབང་ཆེ་སྐྱེ་བོ་མཐུན། ། བུ་མང་མེ་ཏོག་དྲི་ལ་དགའ། ། བཙོན་དུ་ཚུད་ན་ནོར་གྱིས་བསླུ། ། 7. སྲང་ཁྱིམ་ཏཏྟཱལ་ཤར་བ་ན། ། སོ་ནམ་ཚོང་དང་ས་ཁ་དབྱེ། ། གྲུབ་བྱ་བརྟན་ལས་སྲང་ལ་གཞལ། ། མོ་རྩིས་ཆུ་རགས་དབང་ལས་བཟང་། ༑ རབ་གནས་རྟེན་བཞེང་བག་མ་བཟོ། ། བཀྲ་ཤིས་མདུན་གྲོས་གསོན་དགེ་བྱེད། ། སྐྲ་འཁྲུ་ཁྲུས་བྱེད་སྐྲ་སེན་འབྲེག ། མཁར་ལས་སྐྱེ་ཤིང་མེ་ཏོག་འཛུགས། ། ཆར་དབབ་རྒྱལ་མཚན་མིང་འདོགས་པ། ། བྲན་གཡོག་བསྟེན་པ་ལ་སོགས་པའི། ། ། ཞི་རྒྱས་ལས་རྣམས་ཕལ་ཆེར་ངན། །བསམ་པ་ལ་ནི་བར་ཆད་འབྱུང་། ། མཛའ་བའི་གནས་སུ་སྡུག་བསྔལ་བྱེད། ། དཀའ་བའི་རྙེད་པ་གཞན་རྙེད་དེ། ། ཀཱ་ཀཱ་ཙཉྩའི་དུས་སྦྱོར་སྤང་། ། གཟས་བཟུང་འབྲོག་བོད་རྣམས་ལ་ངན། ། འདི་ལ་སྐྱེས་པར་གྱུར་པ་ནི། ། ཞག་ནི་ལྔ་དགུ་ཟླ་ལྔ་དགུ། །ལོ་ནི་ཉི་ཤུར་མ་ཤི་ན། ། ། བརྒྱད་ཅུ་ད་པྱིད་ཟླ་དབྱར་ར་དང་། ། ནག་པའི་ཚེས་བརྒྱུད་མོན་གྲུ་དང་། ། མིག་དམར་འདུས་ནང་མཚན་མོ་འཆི། ། སྟོབས་ལྡན་ང་རྒྱལ་ཚིག་རྩུབ་སྨྲ། ། ཁོང་ཁྲོ་གཙང་སྦྲ་སོ་ནད་འབྱུང་། ། འདི་ལ་ནད་བཏབ་འཆི་བའི་ཉེན། ། བཙོན་ཚུད་མྱུར་དུ་འཆི་བ་ཡིན། ། 8. སྡིག་པའི་ཁྱིམ་དང་ཏཏྟཱལ་ལ། །རབ་གནས་དབང་བསྐུར་འབད་རྩོལ་དང་། ། བཟློག་རིམ་སྲི་མནན་དགུག་པའི་ལས། ། རྒྱལ་པོ་བསྙེན་བཀུར་བརྟན་ལས་ཚོང་། ། དྲག་ལས་མཚོན་ཆ་ཁྲག་ལས་བཟང་། ། ལྷ་ཁང་རྟེན་བཞེང་རྒྱལ་སར་འཇུག ༑ ཆར་དབབ་གོས་དྲ་མཁར་ལས་བག ། མདུན་གྲོས་བཀྲ་ཤིས་གསོན་དགེའི་ལས། ། སྨན་སྦྱར་གཏར་སྲེག་སྐྲ་སེན་འབྲེག ། སྦྲ་ཕྱིར་འཚེམ་དང་བང་མཛོད་བཅའ། ། དམག་འདྲེན་སོ་ནམ་ས་བོན་གདབ། ། རྒྱལ་མཚན་བ་དན་འཕྱར་འཛུགས་དང་། ། ལྷ་གསོལ་མིང་འདོགས་བསྡུམ་བྱེད་པ། ། ཞི་རྒྱས་དབང་གི་ལས་རྣམས་ངན། ། ལམ་དུ་བགྲོད་པའི་བསམ་པ་ལ། ། འཇིགས་པ་དྲག་པོ་ཆེན་པོ་འབྱུང་། ། ནོར་རྣམས་ཉམས་ཤིང་ཡིད་སྐྱོ་བས། ། ཊུ་ནའི་དུས་སྦྱོར་སྤང་བར་བྱ། ། གཟས་བཟུང་གྲགས་པ་ཅན་ལ་ངན། ། སྐྱེས་པ་ཞག་བཅུ་ཟླ་བ་བཅུ། ། ལོ་བཅུར་མ་ཤི་ལྔ་བཅུ་འཚོ། ། དབྱར་འབྲིང་བཅུ་གཅིག་བཅུ་གཉིས་དང་། ། སྒྲོན་དང་གྲོ་བཞིན་མིག་དམར་རེས། །སྐྲངས་འབུར་ནད་ཀྱིས་སྔ་དྲོ་འཆི། ། མཐོན་པོས་བཀུར་སྟི་སྡིག་ལ་དགའ། ། ཁོང་གྱོང་འཁྲུག་པའི་ལས་ལ་བརྩོན། ། དབུལ་ཞིང་བུ་མོ་མང་བ་སྐྱེ། ། ནད་བཏབ་རིམ་གྱིས་འཚོ་བར་འགྱུར། ། བཙོན་ཚུད་ཐར་པ་མེད་པ་ཡིན། ། ། 9. གཞུ་ཡི་ཁྱིམ་དང་ཏཏྟཱལ་ལ། ་། ལྷ་ཁང་རྟེན་བཞེང་སྲི་མནན་ལམ། བག་མ་རྒྱུན་སྤྲོས་རྒྱལ་སར་འཇུག ། གོས་གྱོན་སྨན་སྦྱོར་འཁོར་གཡོག་བསྟེན། ། མོ་རྩིས་བཟློག་རིམ་སྦྲ་ཕྱར་འཚེམ། །མཁར་ལས་རྫིང་ཁྲོན་ས་ཁ་དབྱེ། ། གསོ་བའི་ལས་དང་ཡོངས་སུ་བཟུང་། ནད་གསོ་རྟ་ཕྱུགས་འདུལ་སྦྱོང་དང་། ། གསོན་དགེ་མདུན་གྲོས་དགེ་ལེགས་བྱེད། ། ལྟད་མོ་རྒྱལ་མཚན་དམག་འདྲེན་མིང་། །རྐུ་ཇག་སྐྲད་ལས་ལ་སོགས་པ། ། ཞི་རྒྱས་དྲག་པོའི་ལས་རྣམས་བཟང་། ། ངེས་པར་འགྲོ་དང་འོང་བ་དང་། ། དཔའ་ཞིང་བསམ་གྲུབ་དགྲ་ཉམས་བྱེད། ། རྩོད་པ་ལས་ནི་རྒྱལ་བར་འགྱུར། ། དྷ་ནུའི་དུས་སྦྱོར་བསྒྲུབ་པར་བྱ། ། ཆུ་རགས་སྐྱོར་བ་ལྷ་གསོལ་བ། ། རབ་བྱུང་རོགས་རྩིག་ངན་པ་ཡིན། ། གཟས་བཟུང་འབྲུ་དང་བོན་པོ་ཉམས། ། སྐྱེས་པ་ལོ་ཟླ་ཞག་གི་གྲངས། ། བཅོ་བརྒྱད་མ་ཤི་བདུན་ཅུ་འཚོ། ། དབྱར་འབྲིང་ངམ་ནི་དགུན་ར་ཡི། ། ཚེས་ལྔ་ཁྲུམས་དང་པ་སངས་རེས། ། རིམས་དང་མཚོན་གྱིས་དགོང་མོ་འཆི། ། ཁྲིམས་ལྡན་བདེན་སྨྲ་ལོངས་སྤྱོད་ཆེ། ། བཙོན་དུ་ཚུད་ན་ཐར་བ་དཀའ། ། ནད་ཀྱིས་བཏབ་ན་འཚོ་བ་སླ། ། 10. ཆུ་སྲིན་ཁྱིམ་དང་ཏཏྟཱལ་འབྲས། ། རབ་བྱུང་ཞིང་ལས་ས་བོན་གདབ། ། རྫིང་ཡུར་ཁྲོན་འདྲུ་བྲན་གཡོག་བསྟེན། ། ཆུ་ལས་རྒྱུ་འགྲུལ་བཅིངས་པ་འགྲོལ། ། བྲན་མོར་གཞག་དང་རྐང་བཞིའི་ལས། ། ལམ་ཞུགས་དོན་གཉེར་བརྟེན་པ་བཙལ། ། སྐུ་འཁྲུ་སྲི་མནན་སྐུ་ཇག་དང་། །མེ་ཏོག་ཤིང་འཛུགས་བསད་ལས་བཟང་། ། རབ་གནས་ལྷ་ཁང་རྟེན་བཞེང་བཟོ། ། དགེ་ལེགས་གསོན་དགེ་མདུན་གྲོས་བྱེད། ། སྦྱིན་སྲེག་བག་མ་རྒྱལ་སར་འཛུག ། སྨན་སྦྱོར་གཏར་སྲེག་སྐྲ་སེན་འབྲེག ། ལྷ་གསོལ་མཁར་ལས་སྦྲུ་ཕྱིར་འཚེམ། ། ཞི་རྒྱས་དབང་གི་ལས་ཕལ་ཆེར། ། འདུམས་དང་བ་དན་འཛུགས་པ་ངན། ། འཐབ་དང་རྩོད་པ་འབྱུང་བ་སོགས། ། སྙིང་པོ་ཉོན་མོངས་ཆེན་པོ་འབྱུང་། ། གཟའ་ཡི་གནོད་པ་ལ་སོགས་ཏེ། ། མོ་ནའི་དུས་སྦྱོར་སྤང་བར་བྱ། ། གཟས་བཟུང་ཆུ་ནང་སེམས་ཅན་འཚེ། ། འདི་ལ་སྐྱེས་པ་བཅོ་བརྒྱད་ཀྱི། ། ལོ་ཟླ་ཞག་ལ་མ་ཤི་ན། ། བརྒྱད་ཅུ་རྩ་བདུན་བར་དུ་འཚོ། ། གྲོ་བཞིན་ཟླ་བའི་བཅོ་ལྔ་ལ། ། སྐར་མ་མོན་གྲུ་སྤེན་པའི་རེས། །ཉི་ཕྱེད་གོང་དུ་སྐྲུན་གྱིས་འཆི། ། དཔའ་ཞིང་ཆོས་ལྡན་ལྟ་ན་སྡུག ། དྲི་སྤོས་གླུ་གར་རྩེ་ལ་དགའ། ། ཉམས་ཚོ་གཟི་བརྗིད་ཆགས་པོ་ཆེ། །རྒྱལ་བས་མཆོད་ཅིང་བུ་མིང་སྐྱེ། ། ནད་ཀྱིས་བཏིབ་ནི་ཡུན་ནས་འཚོ། ། བརྩོན་ཚུད་ཉེས་པ་པོའི་ཡོད་ཉེན་ཆེ། ། 11. བུམ་པའི་ཁྱིམ་དང་ཏཏྟཱལ་ཤར། ། རབ་བྱུང་མཆོད་རྟེན་རྟེན་བཞེང་ཁྲུས། ༑ སྐུ་འཁྲུ་མཁར་ལས་ཁྱིམ་གསར་འཛིན། ། རྫིང་ཡུར་ཁྲོན་འདུ་ས་ཁ་དབྱེ། ། ཡི་གེ་རྩིས་དང་རིག་པ་བསླབ། ། བཀྲ་ཤིས་གསོན་དགེ་མདུན་གྲོས་བྱེད། ། ཞི་རྒྱས་བརྟན་པ་་པའི་ལས་ཕལ་ཆེར། ། ཐབ་བཅའ་བ་དང་བང་མཛོད་བརྩིག །གྲུ་བཟོ་ཆུ་སྦྱིན་གདབ་པ་དང་། ། མེ་ཏོག་ཤིང་འཛུགས་སྦྲ་ཕྱར་འཚེམ། །རྐུ་ཇག་མིང་འདོགས་ལ་སོགས་བཟང་། དཔལ་དང་རྒྱལ་སྲིད་ཐོབ་པ་དང་། ། ཕྱིས་ནས་ནོར་རྣམས་འོང་བར་འགྱུར། ། དགོས་འདོད་ཐམས་ཅད་ཕུན་སུམ་ཚོགས། ། ལྷ་ཊའི་དུས་སྦྱོར་བསྒྲུབ་པར་བྱ། །གཏར་ཁ་མེ་བཙའ་དྲག་ལས། ། དམག་འདྲེན་རྟ་རྒྱུག་ཚུ་རགས་སྤང་། ། ། གཟས་བཟུང་གྲོང་དང་རྐུན་མར་ངན། ། འདི་ལ་སྐྱེས་པར་བྱུང་བ་སྟེ། ། བཅོ་བརྒྱད་ལོ་ཟླར་མ་ཤི་ན། ། དབྱར་འབྲིང་བཅུ་གཉིས་ཆུ་སྟོད་དང་། ། རེས་གཟའ་ཉི་མ་ཉི་ཤར་དུས། ། རང་འཁྲུགས་ནད་ཀྱིས་འཆི་བ་ཡིན། ། བློ་ལྡན་མཁས་ཤིང་སྙན་པ་ཆེ། ། འཁོར་མང་ལོངས་སྤྱོད་མི་རབ་མགུ། །ང་རྒྱལ་ཆེ་ཞིང་གཞན་ཕན་བྱེད། ། ནད་ཀྱིས་བཏབ་ན་མྱུར་དུ་གྲོལ། ། འདི་ལ་འདི་ལ་བཙོན་ཚུད་མྱུར་དུ་ཐར། ། 12. ཉ་ཡི་ཁྱིམ་དང་ཏཏྟཱ ལ་ལ། ། ཆོས་དང་རབ་བྱུང་སློབ་གཉེར་བྱེད། ། རྒྱན་སྤྲོས་བག་མ་རྒྱལ་སར་འཇུག ། གོས་དྲ་བཟོ་དང་སྐྲ་སེན་འབྲེག ། མཁར་ལས་ཐབ་བཅའ་བང་མཛོད་འབྱེད། ། སྨན་སྦྱར་གཏར་སྲེག་མོ་རྩིས་བྱ། ། སྐྲ་འཁྲུ་ཁྲུས་བྱེད་ས་ཁ་དབྱེ། ། སོ་ནམ་ཕྱུགས་ལས་ས་བོན་གདབ། །རྒྱུ་འགྲུལ་བཟའ་བར་རིག་པ་རྩོམ། ། ལམ་ཞུགས་དོན་གཉེར་སྦྲ་ཕྱར་འཚེམ། ། བསྡུམས་དང་སྐྱེ་ཤིང་མེ་ཏོག་འཛུགས། ། ལྟད་མོ་མིང་འདོགས་ལ་སོགས་པའི། ། ཞི་བ་སྐྲད་པའི་ལས་རྣམས་བཟང་། ། དགོས་པའི་གནས་ལ་སྙན་པ་ཐོབ། ། ལས་རྣམས་ཀུན་ལས་རྣམ་པར་རྒྱལ། ། ཤིན་ཏུ་དགའ་བའི་དོན་རྣམས་རྙེད། །ཛྭ་ཏིའི་དུས་སྦྱོར་བསྒྲུབ་པར་བྱ། ། མཆོད་རྟེན་ལྷ་ཁང་རྟེན་བཞེང་དང་། ། རྒྱལ་པོ་དྲག་པོའི་ལས་སྤྱི་དང་། ་། དམག་འདྲེན་ཆུ་རགས་སྦྱིན་སྲེག་སྤང་། ། གཟས་བཟུང་བོང་ར་རི་དྭགས་ཉམས། ། སྐྱེས་ཞག་བཅོ་བརྒྱད་ལོ་བཅུ་གཉིས། ། དེ་ལ་མ་ཤི་གོ་ལྔ་འཚོ། ། ཁྲུམས་དབྱུག་ཟླ་བའི་དཀར་ཕྱོགས་ཀྱི། ། བཅུ་གཉིས་བྲེ་དང་ཕུར་བུའི་རེས། ། རླུང་ནད་ཉི་མ་ཕྱེད་ཡོལ་འཆི། ། ནོར་ལྡན་སེར་སྣ་ཆེ་བ་དང་། ། ཉ་ཤ་འཁྲིག་པ་དག་ལ་དགའ།། ། ། ནད་བཏབ་མྱུར་དུ་གྲོལ་བརའགྱུར། ། བཙོན་དུ་ཆུད་ན་ནོར་གྱིས་བསླུ། །
Tibetan Source	《དཔྱད་གསུམ་འབྲས་རྩིས་རཏྣའི་བང་མཛོད་》ཤ་48ན་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number