10118

Tibetan	འདུལ་བའི་དགོས་སོགས་ཆོས་བཞིའི་ནང་གསེས་དབྱེ་བ་བཅུ་གཉིས།
Tibetan Alternate
Tibetan Definition	1. ངག་ཙམ་ལ་ཡོད་པའི་དགོས་སོགས་ཆོས་བཞི་ནི། (1) དང་པོ་ཇ་སྐོལ་ཅིག་ཅེས་བརྗོད་པའི་ཇ་བསྐོལ་བ་བརྗོད་བྱ། (2)དེ་ཉན་པ་པོས་ཇ་སྐོལ་དགོས་པར་ཤེས་པ་དགོས་པ། (3)དེ་ལ་བརྟེན་ནས་ཇ་འཐུང་རྒྱུ་བྱུང་བ་ཉིང་དགོས། (4)དེ་འདྲ་བའི་ཉིང་དགོས་དེ་དགོས་པ་ལ་འབྲེལ། དེ་བརྗོད་བྱ་ལ་འབྲེལ་བ་ཡིན། 2. དགོས་འབྲེལ་ངག་ལ་ཡོད་པའི་དགོས་སོགས་ཆོས་བཞི་ནི། (1)བསྟན་བཅོས་ལུས་ཀྱི་དགོས་སོགས་ཆོས་བཞི་དགོས་འབྲེལ་ངག་གི་བརྗོད་བྱ། (2)དེ་ལ་བརྟེན་ནས་བསྟན་བཅོས་ལུས་ལ་དགོས་སོགས་ཆོས་བཞི་ཡོད་པར་རྟོགས་པ་དགོས་འབྲེལ་ངག་གི་དགོས་པ། (3)དེ་ལ་བརྟེན་ནས་གདུལ་བྱ་བསྟན་བཅོས་ལ་འཇུག་པ་ཉིང་དགོས། (4)དེ་འདྲ་བའི་ཉིང་དགོས་དེ་དགོས་པ་ལ་འབྲེལ། དེ་བརྗོད་བྱ་ལ་འབྲེལ་བ་དེ་འབྲེལ་བ་ཡིན། 3. བསྟན་བཅོས་ལུས་ལ་ཡོད་པའི་དགོས་སོགས་ཆོས་བཞི་ནི། (1) འདུལ་བ་མདོ་རྩ་བ་ལྟ་བུ་ལ་ཆ་བཞག་ན། སྤོང་བདུན་འཁོར་བཅས་ཡན་ལག་དང་བཅས་ཡན་ལག་དང་བཅས་པ་བསྟན་བཅོས་ལུས་ཀྱི་བརྗོད་བྱ། (2) འདུལ་བ་མདོ་རྩ་བ་ཐོས་བསམ་བྱས་པ་ལ་བརྟེན་ནས་ལུང་སྡེ་བཞིའི་དོན་བདེ་བླག་ཏུ་རྟོགས་པ་དགོས་པ། (3)དེ་འདྲ་བའི་བརྗོད་བྱ་ཉམས་སུ་བླངས་པ་ལ་བརྟེན་ནས་གདུལ་བྱས་ལྷག་བཅས་མྱང་འདས་དང་། ལྷག་མེད་མྱང་འདས། མི་གནས་པའི་མྱང་འདས་ཐོབ་པ་ཉིང་དགོས། (4)དེ་འདྲ་བའི་ཉིང་དགོས་དེ། དགོས་པ་ལ་རག་ལས། དེ་བརྗོད་བྱ་ལ་རག་ལས། དེ་བསྟན་བཅོས་ཀྱི་བརྗོད་དོན་རྟོགས་པའི་རྩོམ་པ་པོའི་གང་ཟག་དེ་ལ་རག་ལས་པ་པ་དེ་འབྲེལ་བ་ཡིན་ནོ། ། དེ་རྣམས་ལ་་ལ་ནང་གསེས་ཀྱི་དབྱེ་ན་བརྒྱད་བརྒྱད་དུ་འགྱུར་ཏེ། བརྗོད་བྱ་ལ་དངོས་ཀྱི་བརྗོད་བྱ་ཤུགས་ཀྱི་བརྗོད་བྱ་གཉིས། དགོས་པ་ལ་རྣམ་བཅད་ཀྱི་དགོས་པ་ཡོངས་སྤྱོད་ཀྱི་དགོས་པ་གཉིས། ཉིང་དགོས་ལ་ཡང་གནས་སྐབས་ཀྱི་ཉིང་དགོས་མཐར་ཐུག་ཉིང་དགོས་གཉིས། འབྲེལ་བ་ལ་ཡང་དངོས་འབྲེལ་རྒྱུད་འབྲེལ་གཉིས་སོ། །
Tibetan Source	《ཀློང་རྡོལ་གསུང་འབུམ་》གླེགས་བམ་དང་པོ་ཤ་474.13ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number