10171

Tibetan	རྩོད་པ་རྩོད་ལན་གྱི་དོན་བཅུ་གཉིས།
Tibetan Alternate
Tibetan Definition	1. ཁས་ལེན་བཟུང་བ་པོ་ཕྱོགས་སྔ་མས་རང་གི་འདོད་པ་གསལ་པོར་བརྗོད་པ། རང་གི་འདོད་པ་མ་ཡིན་པ་མི་བརྗོད་པ། 2. དེ་ལ་རྩོད་པ་འགོད་མཁན་གྱིས་སྐྱོན་ཡིན་པའི་ཕྱོགས་བརྗོད་པ་ལས་སྐྱོན་མ་ཡིན་པའི་ཕྱོགས་མི་བརྗོད་པ། 3. དྲི་བ་བཀོད་པའི་ཚེ་དོན་གཅིག་དམིགས་སུ་བཀར་ནས་འདྲི་བ་ལས་དོན་མང་པོ་མཉམ་དུ་མི་འདྲི་བ། 4. དྲི་བ་འགོད་པ་དང་། ལན་འདེབས་པ། སྐྱོན་བརྗོད་པ་གང་གི་སྐབས་སུ་ཡང་གཞན་ཕྱོགས་ལ་སྒྲ་འབེབས་ཀྱི་ཚིག་མི་བརྗོད་པ། 5. ལུས་ངག་གི་རྣམ་འགྱུར་དྲག་པོའི་སྒོ་ནས་གཞན་ཕྱོགས་ཟིལ་གྱིས་མི་གནོན་པ། 6. ཚིག་མྱུར་བུལ་རན་པའི་སྒོ་ནས་ཉན་པ་པོ་གོ་བདེ་བ། 7. སྐབས་སུ་བབས་པའི་གནད་དོན་ལ་གཡོལ་ཐབས་མི་བྱེད་པ། 8. ཕ་རོལ་པོས་ཁས་མི་ལེན་པའི་ལུང་དང་གཏན་ཚིགས་གཞན་ལ་བཙན་འགེལ་མི་བྱེད་པ། 9. ཕ་རོལ་པོ་ལ་གོ་བ་སྐྱེད་པའི་གཏན་ཚིགས་རིག་པ་རྣོ་ཞིང་ཟབ་པ། 10. ཕ་རོལ་པོས་ཁས་ལེན་པའི་མཐུན་དཔེ་དང་མི་མཐུན་པའི་དཔེ་འགོད་རྒྱུ་ཡོད་པ། 11. ཕ་རོལ་པོ་རང་ཉིད་ཀྱིས་ཁས་ལེན་པའི་ལུང་ཚད་མའི་དཔང་པོ་ཡོད་པ། 12. ལན་འདེབས་པ་པོ་ཡང་མགོ་གཅིག་པའི་ལན་དང་། རྣམ་ཕྱེ་བའི་ལན་དང་། དྲི་བ་བཀོད་པའི་ལན་དང་། རེ་ཞིག་ལན་མི་གདབ་པར་འཇོག་པ་བཅས་ཀྱི་རྣམ་དབྱེ་ལ་མཁས་པ་དགོས་ཚུལ་སོགས་ཞིབ་པར་ས་པཎ་གྱི་གསུང་རྩོམ་《མཁས་པ་ལ་འཇུག་པའི་སྒོ》རྩ་བ་དང་འགྲེལ་པ་སོགས་ལ་གཟིགས།
Tibetan Source	《དུང་དཀར་ཚིག་མཛོད་ཆེན་མོ་》ཤ་1682.6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number