10268

Tibetan	དགེ་འདུན་ལྷག་མ་བཅུ་གསུམ།
Tibetan Alternate
Tibetan Definition	ཁག་གཉིས་པ། སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤད་ངོ་མཚར་དཔག་བསམ་གྱི་སྙེ་མ་ལས་བྱུང་བ་སྟེ། དགེ་འདུན་ལྷག་མའི་སྡེ་ལ་བསྟན་བཤད་གཉིས་ལས། དང་པོ་ནི། དགེ་འདུན་ལྷག་མ་བཅུ་གསུམ་ཞེས་གྲགས་པ། ཞེས་པ་སྟེ། གསོ་བ་དགེ་འདུན་རག་ལས་ཤིང་སྡོམ་པ་རྣམ་དག་གི་ལྷག་ལུས་པས་ན་དགེ་འདུན་ལྷག་མ་བྱེ་སྟེ། དེའི་མཚན་ཉིད། བསྙེན་པར་རྫོགས་པའི་རྒྱུད་ཀྱི་བཅས་འགལ་གྱི་ལྟུང་བ་གང་ཞིག ལྷག་མའི་མིང་གིས་ཕྱིར་བཅོས་ན་དག་ཏུ་རུང་བའོ།། 1. །ཁུ་བ་འབྱིན་པའི་ལྷག་མ་ནི། འདི་ནི་བསྙེན་སྐུར་གྱི་བར་བཞིའི་གླེང་གཞི་གཉན་ཡོད་དུ་འཆར་ཀ་ལ་བཅས་ཏེ། བགྲོད་བྱའི་ཡུལ་ལམ་གསུམ་མིན་པའི་རང་ངམ་གཞན་གྱི་ཡན་ལག་གི་གནས་སུ་དབྱུང་འདོད་ཀྱི་བསམ་པས་རང་གི་ནོར་བུ་རེག་ཅིང་རྩོལ་བ་ལས། ཁུ་བ་གནས་ནས་འཕོས་ཤིང་བདེ་བ་མྱོང་བའོ། ། 2. རེག་པའམ་འཛིན་པའི་ལྷག་མ་ནི། ཡུལ་ལུས་བརྟེན་རུང་གི་བུད་མེད་ལ་ཆགས་སེམས་ཀྱིས་རེག་པར་འདོད་པས། དེའི་ལུས་དངོས་སམ་སྐྲ་སོགས་ཆ་ཤས་ལ་བར་དུ་ཆོད་པ་མེད་པར་རེག་པ་ལས་བྱུང་བའི་བདེ་བ་མྱོང་བའོ། ། 3. འཁྲིག་ཚིག་སྨྲ་བའི་ལྷག་མ་ནི། ཡུལ་བརྡ་འཕྲོད་པའི་བུད་མེད་བརྟེན་རུང་ལ་ཆགས་སེམས་ཀྱིས་ཡུལ་དུས་དེར་འཁྲིག་པའི་དངོས་མིང་དུ་གྲགས་པའི་ཚིག་རྗེན་པར་སྨྲས་པ་ཡུལ་དེས་གོ་བའོ། ། 4. བསྙེན་བཀུར་བསྔགས་པའི་ལྷག་མ་ནི། ཡུལ་བུད་མེད་ལ་ཆགས་སེམས་ཀྱིས་འཁྲིག་པ་དོན་དུ་གཉེར་ཕྱིར་བདག་ལྟ་བུའི་དགེ་སློང་ལ་འཁྲིག་པས་བསྙེན་བཀུར་ན་བསྙེན་བཀུར་རྣམས་ཀྱི་ནང་ནས་མཆོག་གོ་ཞེས་རང་གིས་སྨྲས་སམ་ཡུལ་གྱིས་སྨྲས་པ་དང་དུ་བླངས་ཀྱང་རུང་སྟེ། གོ་ཡུལ་དེ་ལ་བརྡ་འཕྲོད་པའོ། ། 5. སྨྱན་བྱེད་པའི་ལྷག་མ་ནི། གཉན་ཡོད་དུ་དྲུག་སྡེ་ལ་བཅས་ཏེ། སྤྲད་བྱ་རང་ལས་གཞན་པའི་ཕོ་མོ་སྤྲོད་དུ་རུང་བ་ཕན་ཚུན་སྦྱོར་འདོད་ཀྱིས་རང་ངམ་བསྐོས་པའི་འཕྲིན་གསུམ་གྱི་སྒོ་ནས་སྨྱན་བྱས་པས་དེ་གཉིས་འདུས་ཏེ་དབང་པོ་འཕྲད་པའོ། ། 6. ཁང་པའི་ལྷག་མ་ནི། འདི་དང་ཁང་ཆེན་གཉིས་སྟོན་པ་ཀཽ་ཤམྦྷིར་བཞུགས་པའི་ཚེ་དྲུག་སྡེ་ལ་བཅས། དེ་ཡང་གཞི་སྲོག་ཆགས་མང་ཞིང་རྩོད་པ་ཅན་དང་འཇིག་རྐྱེན་ཡོད་པས་མི་རུང་བའི་སར་གཞན་ལ་འབད་པས་བཙལ་བའི་ཡོ་བྱད་ཀྱིས་དགེ་འདུན་ལས་གནང་བ་མ་ཐོབ་པར་རང་དོན་དུ་ཁང་པ་རྩིག་འདོད་ཀྱིས་སྲིད་དུ་མིའི་ཁྲུ་བཅོ་བརྒྱད་དང་ཞེང་དུ་ཁྲུ་ཕྱེད་དང་བཅུ་གཅིག་གི་ཚད་ལས་ལྷག་པའི་ཁང་པ་རང་ངམ་གཞན་ལ་བསྐོས་ཀྱང་རུང་སྟེ། རྩིག་པས་ཀུན་ནས་བསྐོར་ཞིང་ཐོག་ཕུབ་ཟིན་པའོ། ། 7. ཁང་ཆེན་གྱི་ལྷག་མ་ནི། གང་ཟག་བཞིར་ལོངས་པ་ཡན་ཆད་ཀྱི་དོན་དུ་བརྩིགས་པ་སྟེ། འདི་ལ་བཙལ་བ་དང་ཚད་ལྷག་ཡན་ལག་ཏུ་མི་དགོས་ཤིང་། གཞན་ཐམས་ཅད་སྔར་དང་འདྲ་བའོ། ། 8. གཞི་མེད་ཀྱི་སྐུར་འདེབས་ཀྱི་ལྷག་མ་ནི། འདི་དང་བག་ཙམ་གྱི་སྐུར་འདེབས་གཉིས་རྒྱལ་པོའི་ཁབ་ཏུ་མཛའ་བོ་དང་ས་ལས་སྐྱེས་ལ་བཅས། ཡུལ་དགེ་སློང་གཞན་ལ་བརྗོད་པའི་གཞི་མཐོང་ཐོས་དོགས་གསུམ་མེད་པར་ཕམ་བཞི་གང་རུང་གི་སྒོ་ནས་སྐུར་འདེབས་ཀྱི་ཚིག་གསལ་པོར་སྨྲས་པ་ཡུལ་གྱིས་གོ་བའོ། ། 9. བག་ཙམ་གྱི་སྐུར་འདེབས་ཀྱི་ལྷག་མ་ནི། ཡུལ་དགེ་སློང་གཞན་ལ་གླེང་བའི་སྙད་ཀ་བག་ཙམ་ཡོད་པ་ལ་བརྟེན་ནས་ཚིག་ཟུར་གྱི་ཤུགས་ཀྱིས་ཕམ་པའི་སྒོ་ནས་སྐུར་པ་བཏབ་ཅིང་གོ་བའོ། ། 10. དགེ་འདུན་དབྱེན་བྱེད་པའི་ལྷག་མ་ནི། རྒྱལ་པོའི་ཁབ་ཏུ་ལྷས་བྱིན་ལ་བཅས་ཏེ། མཚམས་ནང་གཅིག་ཏུ་བཅས་ལྡན་དགེ་སློང་གིས་རང་མི་ཐེ་བའི་དབྱེ་བྱ་དགེ་འདུན་དུ་ལོངས་པ་གཉིས་ཆོས་མིན་གྱི་ལྟ་བས་ཕན་ཚུན་འབྱེད་པ་ལ་ཟློག་བྱེད་ལྔས་བཟློག་ཀྱང་དེའི་ཐ་མ་བརྗོད་པ་གསུམ་པའི་མཐའ་ལ་མ་བཏང་བའོ། ། ཟློག་བྱེད་ལྔ་ནི། གཞམས་སྒོ་དང་། དགེ་འདུན་གྱི་གསོལ་བ་དང་། བརྗོད་པའི་ལས་གསུམ་མོ། ། དེ་ལས་ལྟུང་བ་བསྐྱེད་ཚུལ་ནི། དང་པོ་བཞིའི་མཐར་སྦོམ་པོ་རེ་རེ་དང་། བརྗོད་པ་གསུམ་པའི་མཐར་མི་གཏོང་ན་ལྷག་མའི་ལྷག་མའི་དངོས་གཞི་སྟེ། འོག་མ་གསུམ་ལ་ཡང་འགྲེའོ། ། འདིར་དབྱེན་གྱི་ལྷག་མ་དང་། དེའི་མཚམས་མེད་ལ་ཁྱད་པར་ཡོད་དམ་མེད་ཅེ་ན། ཡོད་དེ་མཚམས་མེད་ལ་དགེ་འདུན་བྱེ་བ་ཞིག་ངེས་པར་དགོས་ཤིང་། འབྱེད་པ་པོའང་དགེ་སློང་དུ་ངེས་ལ། ལྷག་མ་ནི་དགེ་འདུན་བྱེ་བར་མ་ནུས་ཀྱང་། དེའི་སྦྱོར་བར་ཞུགས་པ་ལ་ཟློག་བྱེད་ལྔའི་མཐར་མ་བཏང་བ་ཉིད་ཀྱིས་ཆོག་ཅིང་། འབྱེད་པ་པོའང་དགེ་སློང་ཉིད་དུ་མ་ངེས་ཏེ། དགེ་སློང་མ་ལའང་དབྱེན་གྱི་ལྷག་མ་འབྱུང་བའི་ཕྱིར་རོ། ། 11. དབྱེན་དེའི་རྗེས་ཕྱོགས་ཀྱི་ལྷག་མ་ནི། རྒྱལ་པོའི་ཁབ་ཏུ་ལྷས་བྱིན་གྱི་གྲོགས་བྱེད་པའི་དགེ་སློང་ཀོ་ཀ་ལི་ལ་སོགས་བཞི་ལ་བཅས་ཏེ། དགེ་སློང་གང་དགེ་འདུན་གྱི་དབྱེན་ལ་ཞུགས་པའི་དགེ་སློང་དེའི་གྲོགས་བྱེད་འདོད་ཀྱིས་རྗེས་སུ་ཞུགས་ཤིང་ ཟློག་བྱེད་ལྔའི་མཐའ་ལ་མ་བཏང་བའོ། ། 12. ཁྱིམ་སུན་འབྱིན་པའི་ལྷག་མ་ནི། གཉན་ཡོད་དུ་ནབས་སོ་དང་འགྲོ་མགྱོགས་ལ་བཙས་ཏེ། བུད་མེད་དང་ལྷན་ཅིག་རྩེད་འཇོ་ད་བཟའ་བཏུང་ལ་སྤྱོད་པ་སོགས་བསླབ་བ་དང་འགལ་བའི་ངན་སྤྱོད་ཀྱིས་ཁྱིམ་པའི་སེམས་སུན་ཕྱུངས་ཏེ་མ་དད་པར་བྱེད་པ་པོའི་དགེ་སློང་གང་དགེ་འདུན་གྱིས་བསྐྲད་པ་ན། སྐྱོད་བྱེད་དགེ་འདུན་ལ་འགྲོ་མིན་བཞིའི་སྙོན་ཚིག་གིས་སྐུར་འདེབས་ལ་ཞུགས་ཤིང་ཟློག་བྱེད་ལྔའི་མཐར་མ་བཏང་བའོ། ། 13. བཀའ་བློ་མི་བདེ་བའི་ལྷག་མ་ནི། ཀཽ་ཤམྦྷིར་འདུན་པ་ལ་བཅས་ཏེ། ལྟུང་བ་བྱུང་བར་གླེང་དྲན་བྱས་ལ་ཆགས་པའི་དགེ་སློང་ལ་ལྷག་པའི་ཚུལ་ཁྲིམས་ཀྱི་དབང་དུ་བྱས་ཏེ་དགེ་འདུན་གྱིས་ཕྱིར་བཅོས་བྱ་བར་བསྐུལ་བ་ན། ཁྱེད་ཅག་དགེ་ཡང་རུང་སྡིག་ཀྱང་རུང་ཁོ་བོ་ལ་ཅི་ཡང་མ་སྨྲ་ཞིག་ཅེས་བཀའ་བློ་མི་བདེ་བའི་གཞིར་ཞུགས་པ་ཉིད་ཟློག་བྱེད་ལྔ་པའི་མཐའ་ལ་མ་བཏང་བའོ། །
Tibetan Source	《སྔ་འགྱུར་བཀའ་མའི་གླེགས་བམ་ཇི་པ་》ཤ་59བ་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number