10291

Tibetan	དུས་ངན་བཅུ་གསུམ།
Tibetan Alternate
Tibetan Definition	དེ་ཡང་། གུ་རུ་ཆོས་དབང་གི་རྫོགས་ཆེན་སངས་རྒྱས་མཉམ་སྦྱོར་ལས་གསུངས་པའི་དུས་ངན་ཏེ། 1. གཏེར་འདི་ཐོན་དང་དུས་མཚུངས་པར། བུད་མེད་ལུས་ལ་དུང་རྒྱན་དར། ། མཁའ་འགྲོའི་ལུང་བསྟན་དུས་ཡིན་པས། ། དབང་བསྐུར་བསྒྲུབ་ཐབས་སྤེལ་དུས་ཡིན། ། 2. སྤུན་འཁྲུགས་གཡུལ་ངོ་འགྱེད་པའི་ཚེ། ། འགོང་པོ་གཡོས་པའི་དུས་ཡིན་པས། ། ཟབ་གཏེར་འདོན་ཅིང་འགོང་པོ་མནན། ། 3. སྒོ་ཁྱི་ལམ་ཟན་བསྒུགས་པའི་ཚེ། ། ཡིག་དྲུག་སྟོན་པ་དར་དུས་ཡིན། །ཐུགས་རྗེ་ཆེན་པོའི་མན་ངག་སྤེལ། ། 4. གཡོ་བ་བརྒྱ་བསྡུས་བྱུང་བའི་ཚེ། ། ས་གཏེར་མི་ཐུབ་དུས་ཡིན་པས། ། གཏེར་འདོན་གཏེར་ཆོས་སྤེལ་བར་བྱ། ། 5. བཟང་གོས་ཆོ་ག་གཏོང་བའི་ཚེ། མི་ཚེ་ཐུང་བའི་དུས་ཡིན་པས། ། མི་ཆོས་ཞོག་ལ་ལྷ་ཆོས་སྒྲུབས། ། 6. རྨོག་གི་བྱེའུ་མགོ་བུད་པའི་ཚེ། ། བླ་མེད་རྟོགས་པའི་དུས་ཡིན་པས། ། ཐུགས་ཀྱི་ཡང་གཏེར་དོན་ཁྲིད་སྐྱོང་། ། 7. སྔགས་བཙུན་སྡེ་འཁྲུག་བྱུང་བའི་ཚེ། ། བསྟན་པ་ཉི་མས་པའི་དུས་ཡིན་པས། ། བསྟན་བསྲུང་དྲུག་སྔགས་སྤེལ་ཅིང་སྒྲུབ། ། 8. ཆོས་མེད་ཅོ་འདྲི་མང་བའི་ཚེ། །གྲི་མཚོན་དར་བའི་དུས་ཡིན་པས། ། བཙུན་པར་འདུག་སྟེ་བྱང་ཆུབ་བསྒྲུབ། ། 9. མཐའ་དམག་བོད་དུ་བྱུང་དུས་སུ། ། ལྷ་སྲིན་འཁྲུག་པའི་དུས་ཡིན་པས། ། རང་དོན་ཁོང་དུ་ཆུད་པར་བྱ། ། 10. གོས་ངན་རེ་བ་གྱོན་པའི་ཚེ། ། ས་བཅུད་ཤོར་བའི་དུས་ཡིན་པས། ། གནོད་སྦྱིན་ནོར་ལྷ་བསྙེན་མཆོད་བྱ། ། 11. ཁྲི་མས་མེད་བཙུན་གཟུགས་དར་བའི་ཚེ། ། བདུད་ཀྱི་དབང་བསྒྱུར་དུས་ཡིན་པས། ། རྒྱལ་བའི་བཀའ་རྒྱུད་འབྲི་ཀློག་བྱ། ། 12. ཁྱི་བསྙོན་བོང་བསྙོན་བྱུང་བའི་ཚེ། ། དགེ་སྡིག་འཆོལ་སྤྱད་དུས་ཡིན་པས། ། མན་ངག་ཚང་མར་སྤེལ་བར་བྱ། ། 13. སྦོས་པའི་རྣལ་འབྱོར་འགའ་བྱུང་ཚེ། ། གསང་སྔགས་འབྲས་བུའི་དུས་ཡིན་པས། ། མན་ངག་སྤེལ་བསྒྲུབ་བརྩོན་འགྲུས་བསྐྱེད། ། དེ་ལྟར་དུས་གནད་འཛོམ་དུས་ཚེ། །དགེ་སྡིག་མྱུར་དུ་སྨིན་གྱུར་པས། ། དེ་ཚེ་འབད་དང་དོན་ཆེན་ཡིན། ཞེས་སོ། །
Tibetan Source	《དུང་དཀར་ཚིག་མཛོད་ཆེན་མོ་》ཞ1085.2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number