10317

Tibetan	བོད་ཀྱི་ཁྲི་སྐོར་བཅུ་གསུམ་གྱི་མི་དང་ས་ཞིང་སོགས་ཀྱི་ཚད་རེའུ་མིག་དང་བཅས་པ།
Tibetan Alternate
Tibetan Definition	ཡོན་རྒྱལ་རབས་ཀྱི་གོང་མ་ཧུ་པི་ལི་སེ་ཆེན་ཧན་གྱིས་འགྲོ་མགོན་ཆོས་རྒྱལ་འཕགས་པ་ལ་གསང་སྔགས་ཀྱི་དབང་ཐེངས་དང་པོ་ཞུས་པའི་དབང་ཡོན་དུ་བོད་ཁྲི་སྐོར་བཅུ་གསུམ་ཕུལ་བར་བཤད་པས་དེ་ལ་ཁྲི་སྐོར་རེ་ལ་ལྷ་སྡེ་བཞི་སྟོང་དང་མི་སྡེ་དྲུག་སྟོང་ཡོད་པ་དང་། དེ་ཡང་ཁང་པ་ཀ་བ་དྲུག་གི་ས་ཡོད་པ། མི་བཟའ་མི་གཉིས། བུ་ཕོ་མོ་གཉིས། གཡོག་ཕོ་མོ་གཉིས་ཏེ་མི་དྲུག ཕྱུགས་རྟ་བོང་གཉིས། བ་ལང་ར་ལུག་རེ་རྣམས་དང་། ཞིང་ཧོར་གྱི་སོན་ཁལ་བཅུ་གཉིས་ཀྱི་ས་ཡོད་པ་རྣམས་ལ་ཧོར་དུད་ཆུང་གཅིག་ཟེར་བ་ཡིན། དུད་ཆུང་ཉི་ཤུ་རྩ་ལྔ་ལ་དུད་ཆེན་གཅིག དེ་གཉིས་ཁྲི་སྐོར་མིང་། "ཁྲི་སྐོར་མིང་། ལ་སྟོད་ལྷོ། ལ་སྟོད་བྱང་། ཆུ་མིག་ གུར་མོ། ཞ་ལུ། ཤངས། རྒྱ་མ། འབྲི་གུང་། ཕག་གྲུ ཚལ་པ། བྱ་ཡུལ། གཡའ་བཟང་། ཡར་འབྲོག" "ཐེམ་དུད། 1990 2250 3003 5570 3892 1500 5950 3630 2430 2700 5950 3000 750" "མི་འབོར། 11940 13500 18018 30720 33342 9000 35700 21680 12580 22200 35750 18000 4500" གོང་དུ་གསལ་བའི་ཁྲི་སྐོར་བཅུ་གསུམ་གྱི་ཐེམ་དུད་ཀྱི་ཁ་གྲངས་ནི་ས་སྐྱ་བའི་ལོ་རྒྱུས་ཡིག་རྙིང་ནས《ཏཱ་ལའི་བླ་མ་སྐུ་ཕྲེང་ལྔ་པའི་རྣམ་ཐར་རང་རྩོམ》ནང་དྲངས་པ་ལྟར་ན། མངའ་རིས་ལ་རྟ་མགོ་གཅིག དེ་གཉིས་ལ་བརྒྱ་སྐོར་གཅིག དེ་བཅུ་ལ་སྟོང་སྐོར་གཅིག དེ་བཅུ་ལ་ཁྲི་སྐོར་གཅིག དེ་བཅུ་ལ་ཀླུས་གཅིག དེ་བཅུ་ལ་ཞིང་གཅིག་ཟེར་ཞིང་། ཧོར་སེ་ཆེན་རྒྱལ་པོའི་མངའ་འོག་ཏུ་ཞིང་བཅུ་གཅིག་ཡོད་ཅིང་། བོད་ཆོལ་ཁ་གསུམ་ལ་ཞིང་གཅིག་མ་ལོངས་ཀྱང་། བླ་མ་བཞུགས་ས་དང་བསྟན་པ་དར་ས་ཡིན་པས་ཞིང་གཅིག་ཏུ་རྩིས་ནས་ཕུལ་བ་ཡིན་ནོ་ཞེས་གསལ་ཞིང་། བོད་ཁྲི་སྐོར་བཅུ་གསུམ་ནང་དབུས་གཙང་གཉིས་མ་གཏོགས་མངའ་རིས་དང་ མདོ་ཁམས་ཁུལ་འདིའི་ཁོངས་སུ་རྩིས་མེད། སྐབས་དེར་དབུས་གཙང་གཉིས་རྐྱང་པར་ཁྲི་སྐོར་བཅུ་གསུམ་རྩིས་སྟངས་དང་། དེའི་ཐེམ་དུད་དང་མི་འབོར་བཅས་ཀྱི་རེའུ་མིག་གཤམ་གསལ། མན་ཆད་ནས་ཞ་ལུ་ཡན་ཆད་ཀྱི་ཐེམ་དུད་ཞིབ་བཤེར་བྱེད་མཁན་རྒྱའི་མི་ཆེན་ཨར་མགོན་དང་དོ་བུ་ཨ་ནུ་གན་གཉིས་ཀྱིས་བརྩིས་ཤིང་། ཞ་ལུ་ནས་འབྲི་གུང་ཡན་གྱི་ས་ཆའི་ཐེམ་དུད་ཞིབ་བཤེར་བྱེད་མཁན་ས་སྐྱ་བའི་སྦྱིན་བདག་སུ་ཐུ་ཨ་སྐྱིད་ཟེར་བ་དེས་རྩིས་པ་དང་། དེ་མིན་གྱི་ས་ཆའི་ཐེམ་དུད་ཞིབ་བཤེར་བྱེད་མཁན་ནི་ས་སྐྱའི་དཔོན་ཆེན་དང་པོ་ཤཱཀྱ་བཟང་པོ་ཟེར་བ་ཡོན་རྒྱལ་རབས་ཀྱི་གོང་མས་ཟམ་གླུ་གུན་མིང་དབེན་ཧུའི་ཟེར་བའི་གོ་གནས་སྤྲད་པ་དེས་བརྩིས་པ་ཡིན་ཚུལ་ས་སྐྱའི་དེབ་ཐེར་ཤོག་དྲིལ་གྱི་ནང་འཁོད་པ་ལྟར་ཡིན་ཞེས་གསལ་བ་ལྟར་ན། སྐབས་དེར་ཐེམ་དུད་ཞིབ་བཤེར་ཞིབ་ཚགས་བྱས་པ་ལྟ་བུ་ཞིག་འདུག་རུང་གོང་གསལ་རེའུ་མིག་ལྟར་གཞིར་བཟུང་ནི་དབུས་གཙང་ཁྲི་སྐོར་བཅུ་གསུམ་གྱི་ཐེམ་དུད་བསྡོམས་འབོར་བཞི་ཁྲི་སུམ་སྟོང་དྲུག་བརྒྱ་བཅོ་ལྔ་དང་། ཐེམ་དུད་རེར་མི་དྲུག་རེ་བརྩིས་པའི་མི་འབོར་ཉིས་འབུམ་དྲུག་ཁྲི་ཆིག་སྟོང་དྲུག་བརྒྱ་དགུ་བཅུ་(ཁྲི་ཉི་ཤུ་རྩ་དྲུག་དང་ཆིག་སྟོང་དྲུག་བརྒྱ་དགུ་བཅུ་)ལས་མེད་པས། ད་དུང་དེའི་ཐོག་སྟོད་མངའ་རིས་སྐོར་གསུམ་ལ་ད་ལས་མི་གྲངས་ཉུང་ཞིང་། སྨད་མདོ་ཁམས་སྒང་གསུམ་དབུས་གཙང་གཉིས་ལས་མི་འབོར་མང་བས་མངའ་རིས་སྐོར་གསུམ་དང་སྨད་མདོ་ཁམས་སྒང་གསུམ་བསྡོམས་པའི་མི་འབོར་དེ་དབུས་གཙང་གཉིས་ལས་ལྡབ་གཅིག་དང་ཕྱེད་ཀ་ཡོད་པར་བརྩིས་ན་ཡང་མི་འབོར་ཁྲི་དྲུག་ཅུ་རེ་ལྔ་དང་བཞི་སྟོང་ཉིས་བརྒྱ་ཉི་ཤུ་རྩ་ལྔ་ལས་མེད་ལ། དེའི་ཐོག་གོང་གི་དབུས་གཙང་ཁྲི་སྐོར་བཅུ་གསུམ་གྱི་མི་འབོར་བསྡོམས་གྲངས་དེ་བསྣན་ན་ཡང་སྐབས་དེའི་བོད་ཀྱི་མི་འབོར་དགུ་འབུམ་ཆིག་ཁྲི་ལྔ་སྟོང་དགུ་བརྒྱ་བཅོ་ལྔ་(ཁྲི་དགུ་ཅུ་གོ་གཅིག་དང་ལྔ་སྟོང་དགུ་བརྒྱ་བཅོ་ལྔ་)ལས་མེད་སྟབས་སྐབས་དེར་བོད་ལ་མི་འབོར་དེ་ཙམ་ལས་མེད་པ་ཨེ་ཡིན་སྙམ་པའི་དོགས་གནས་ཀྱི་གཞིར་འདུག་པས་ལོ་རྒྱུས་མཁས་ཅན་ཚོས་བརྟག་དཔྱད་གནང་རྒྱུའི་དཔྱད་གཞིར་བཀོད། །
Tibetan Source	《དུང་དཀར་ཚིག་མཛོད་ཆེན་མོ་》ཤ་1430.2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number