10415

Tibetan	ཤར་ཕྱོགས་ཀོང་ཡུལ་དུ་དར་བའི་དགེ་ལྡན་པའི་དགོན་སྡེ་བཅུ་བཞི།
Tibetan Alternate
Tibetan Definition	1.ཀོང་པོ་ཆབ་ནག་རི་བོ་དགའ་ལྡན་ནི། རྗེ་བཙུན་བཙོང་ཁ་པའི་དངོས་སློབ་ཀོང་པོ་ཇོ་སྟན་བསྟན་པ་དར་རྒྱས་ཀྱིས་བཏབ། ཨང་དང་གྲྭ་གྲངས་སུམ་བརྒྱ་དང་བདུན་ཅུ་སྐོར། 2.བཀྲ་ཤིས་རབ་བརྟན་ནི། ཐམས་ཅད་མཁྱེན་པ་དགེ་འདུན་རྒྱ་མཚོའི་ཞལ་སློབ་རིན་ཆེན་རྣམ་རྒྱལ་གྱིས་བཏབ། ཨང་དང་གྲྭ་གྲངས་ཉིས་བརྒྱ་དང་བདུན་ཅུ་སྐོར། ། 3.དེ་མོ་ལ་ཁའི་ཆོས་སྡེ་ནི། འཕགས་པ་ལྷས་བཏབ། ཨང་དང་གྲྭ་གྲངས་ཉིས་བརྒྱ་དང་བཞི་བཅུ་སྐོར། 4.སྐྱེམ་བྲག་པོ་ཆེ་ནི། མགོན་པོ་རྒྱལ་གྱིས་བཏབ། ཨང་དང་བཙུན་མ་སུམ་ཅུ་སོ་གཅིག་སྐོར། 5.སང་དོ་བོ་འགོ་ནི། དགའ་ལྡན་ཁྲི་རིན་པོ་ཆེ་འཇམ་དབྱངས་བསྟན་པ་དར་རྒྱས་ཀྱིས་བཏབ། ཨང་དང་གྲྭ་གྲངས་དྲུག་ཅུ་སྐོར། 6.ཤུ་དག་སྟག་རྩེ་དགོན་ནི། དགའ་ལྡན་བྱང་རྩེ་དང་རྒྱུད་སྟོད་དུ་སློབ་གཉེར་བྱས་པའི་བརྩོན་འགྲུས་བཟང་པོས་བཏབ། ཨང་དང་གྲྭ་གྲངས་ལྔ་བཅུ་སྐོར། 7.ལྷ་ཆུ་དགོན་ནི། ཉང་ཏིང་འཛིན་བཟང་པོས་བཏབ། ཨང་གཉིས་གྲྭ་པ་སུམ་ཅུ་སྐོར། 8.བྲག་གསུམ་འབྲི་བང་དགོན་ནི། ཐོག་མར་རྙིང་ལུགས། དཔལ་ལྡན་འོད་ཟེར་བས་དགེ་ལུགས་སུ་བསྒྱུར། ཨང་གཉིས་གྲྭ་བཙུན་སུམ་ཅུ་སོ་གཅིག་སྐོར། 9.མཆོད་ཁང་རྩེ་ནི། འཕགས་པ་ལྷ་གཉིས་པའི་ཡབ་རྣལ་འབྱོར་པ་སངས་རྒྱས་བཀྲ་ཤིས་ཀྱིས་བཏབ། ཨང་དང་གྲྭ་པ་བརྒྱ་དང་བཅོ་ལྔ་སྐོར། 10.ཨོལ་ལྟག་དགོན་ནི། སངས་རྒྱས་དཔལ་གྱིས་བཏབ།ཨང་གཉིས་བཙུན་མོ་སུམ་ཅུ་སོ་གཅིག་སྐོར། 11.ཐེལ་ལྟག་ནི། བྱང་སེམས་ཆོས་ཉིད་རང་གྲོལ་དུ་གྲགས་པས་བཏབ། ཨང་གཉིས་བཙུན་མ་བཞི་བཅུ་ཞེ་གཉིས་སྐོར།། 12.ཐང་ཁྲ་དགོན་ནི། འཕགས་པ་ལྷས་བཏབ། ཨང་གཉིས་བཙུན་མ་སུམ་ཅུ་སོ་ལྔ་སྐོར། 13.རྨེ་ཕུ་དགོན་ནི། སེམས་དཔའ་ཆེན་པོས་བཏབ། ཨང་དང་གྲྭ་པ་དྲུག་ཅུ་རེ་བརྒྱད་སྐོར། 14.གྲོག་ཁང་སྟེང་ནི། སྤང་མཁར་བ་ཞལ་བས་བཏབ། ཨང་དང་གྲྭ་པ་དྲུག་ཅུ་རེ་གསུམ་སྐོར་བཅས་སོ། །
Tibetan Source	《དགའ་ལྡན་ཆོས་འབྱུང་བི་སེར་》ཤ་289.21ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number