10673

Tibetan	བགྲང་བར་གཏོགས་པའི་ཁམས་བཅོ་བརྒྱད།
Tibetan Alternate
Tibetan Definition	དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། ། 1.འདོད་ཆགས་ཀྱི་ཤས་ཆེ་བའི་ཁམས་དག་ནི། ལྷ་དང་། མི་དང་། ཡི་དྭགས་དང་། དུད་འགྲོ་རྣམས་ཀྱི་བུད་མེད་ང་རྒྱལ་སྤྱོད་པ་ཀུན་ཡིན་ལ། དེ་དག་གི་ཞེ་སྡང་དེ་ནི་ཆུང་བ་ཡིན་ཏེ། འདི་ནི་ཁམས་དང་པོ་ཡིན་ནོ། ། 2.དུད་འགྲོ་སྤྱི་རྣམས་ཀྱི་ནང་ན་རྨ་བྱ་དང་། མཆིལ་པ་དང་། ཁུ་བྱུག་དང་། ཕུག་རོན་དང་། པཱ་ན་པི་ཀ་དང་། པུ་ཤུད་དང་། བུང་བ་དང་། ཉ་དང་། ཁྱིམ་བྱ་དང་། པ་ལིནྡཀ་ལ་སོགས་པའི་དུད་འགྲོར་གཏོགས་པ་ནི་འདོད་ཆགས་ཀྱི་ཁམས་ཤས་ཆེ་བ་ཡིན་ནོ། ། དུད་འགྲོར་གཏོགས་པའི་འདོད་ཆགས་ཀྱི་ཁམས་འབྲིང་པོའི་ཤས་ཡོད་པ་གང་ཞེ་ན། འདི་ལྟ་སྟེ། རྟ་དང་། བྱི་ལ་དང་། སྐྱུགས་པ་ཟ་བ་དང་། བོང་བུ་དང་། མ་ཧེ་དང་། ཕག་དང་། གླང་པོ་ཆེ་དང་། རྔ་མོ་དང་། ཁྱི་དང་། ད་ར་དང་། བྱ་རོག་དང་། བྱ་ནེའུ་ལེ་དང་། འུག་པ་དང་། ཚད་པ་བྱེའུ་དང་། ཡ་ཏི་ཀ་ལ་སོགས་པ་དག་ནི་འདོད་ཆགས་འབྲིང་པོར་སྤྱོད་པ་ཡིན་ཏེ། སེམས་ཀྱི་ཁམས་གཉིས་པ་ཡིན་ནོ། ། 3.དེ་ལ་དུད་འགྲོ་དེ་དག་གི་འདོད་ཆགས་ཀྱི་ཁམས་ཆུང་བ་གང་ཞེ་ན། འདི་ལྟ་སྟེ། སེང་གེ་དང་། སྟག་དང་། དྲེད་དང་། གུང་དང་། ར་དང་། གླ་བ་དང་། བྱ་ཀ་ལནྡཀ་དང་། ཝ་དང་། ས་ཀོའུ་ཤི་དང་། ས་ལི་ལེ་དང་། མཛོ་དང་། ཆུ་སྲིན་དང་། ཆུ་སྲིན་དྷ་ན་དྷུ་གསོང་དང་། ཙུ་ལུན་ད་ལ་སོགས་དུས་སུ་འཁྲིག་པར་བྱེད་པ་དེ་དག་ནི། དུས་སུ་འཁྲིག་ཏུ་འགྲོ་བ་ཡིན་ནོ། །དུས་མ་ཡིན་པར་འདོད་ཆགས་སྤྱོད་པ་ཆུང་བ་ཡིན་ཏེ། དེ་དག་ནི་དུད་འགྲོའི་ཁམས་གསུམ་པ་ཡིན་ནོ། ། 4.དེ་དག་མ་གཏོགས་པ་གཞན་རྣམ་པ་དུ་མ། ཚེ་དུ་མ། མིང་དུ་མ་གང་ཡིན་པ་དེ་དག་ནི་བཤད་པར་མི་ནུས་ཤིང་བགྲང་བར་མི་ནུས་སོ། །ཡང་དུད་འགྲོ་དེ་དག་གི་ནང་ཉིད་ན་ཞེ་སྡང་ཆེ་བ་གང་ཡིན་ཞེ་ན། གང་ཞེ་སྡང་ལྷག་པར་ཆེ་བ་ཉིད་ཡིན་ལ་འདོད་ཆགས་ཆེ་བ་མ་ཡིན་ཏེ། འདི་ནི་ཁམས་བཞི་པ་ཡིན་ནོ། ། 5.སེང་གེ་དང་། སྟག་དང་། གུང་དང་། སྦྲུལ་དང་། ནེའུ་ལེ་དང་། སྲོག་ཆགས་རླུང་འགམ་དང་། ཀབ་ཏབ་བྱ་དང་། སྲིན་གྱི་མེ་ད་དང་། ཀ་ཀོད་ར་ད་དང་། ཙི་ལིན་ད་ཀ་དང་། འོལ་པ་དང་། པྲ་རོ་ཏི་ན་དང་། ཆུ་སྲིན་ན་ཀྲ་དང་། ཆུ་སྲིན་བྱིས་པ་གསོད་དང་། ཕག་ལ་སོགས་པ་ནི་ཞེ་སྡང་གི་ཁམས་ལྷག་པར་ཆེ་བ་ཡིན་ནོ། ། ཁམས་ལྔ་པ་ནི་གང་ཡིན། དུད་འགྲོ་དེ་དག་ཉིད་ཀྱི་ནང་ན་ཞེ་སྡང་འབྲིང་དུ་སྤྱོད་པ་གང་ཞེ་ན། བ་ལང་དང་། ཡུ་བ་བིན་ཏ་ཀ་དང་། ཀ་པ་ལིང་ག་དང་། ས་ལིན་དྷ་ཀ་དང་། ཀཱ་ཌོ་ད་ར་དང་། ཨིད་ཀྱི་ཧ་ཀ་དང་། རྨ་བྱ་དང་། ཁྱིམ་བྱ་དང་། བྱི་ལ་དང་། བྱི་བ་ལ་སོགས་པ་ནི་ཞེ་སྡང་འབྲིང་དུ་སྤྱོད་པ་ཡིན་ནོ། །དེ་ལ་ཁམས་ལྔ་པ་དུད་འགྲོ་དེ་དག་ཉིད་ཀྱི་ནང་ན་ཞེ་སྡང་ཆུང་དུ་སྤྱོད་པ་གང་ཡིན་ཞེ་ན། འདི་ལྟ་སྟེ། ངང་པ་དང་། ཆུ་སྐྱར་དང་། སྲོག་ཆགས་ཀང་ཏྱ་དང་། ཤ་བ་དང་། ཁུ་བྱུག་དང་། མཆིལ་པ་དང་། བཞད་དང་། བོང་བུ་དང་། རུ་སལ་དང་། རི་བོང་བསོད་དང་། སྲོག་ཆགས་སཱུ་ཀ་ཙ་ར་དང་། ཨུ་ཙ་ཙ་ཀ་དང་། ར་ཤ་ཤ་ཀ་དང་། སྦལ་པ་ལ་སོགས་པ་ནི་ཞེ་སྡང་ཆུང་ངུ་སྤྱོད་པ་ཡིན་ནོ། ། 6.དེ་ལ་ཁམས་དྲུག་པ་གང་ཞེ་ན། ཡི་དྭགས་རྣམས་ཀྱི་ནང་ན་ཡི་དྭགས་རྫུ་འཕྲུལ་ཆེན་པོ་འདོད་ཆགས་སྤྱོད་པ་གང་ཡིན་པ་དེ་དག་ཡིན་ནོ། ། 7.ཁམས་བདུན་པ་ནི་དུད་འགྲོའི་ནང་དུ་གཏོགས་པ་ལྷ་མ་ཡིན་འདོད་ཆགས་ཀྱི་ཁམས་ལྷག་པར་ཆེ་བ་གང་ཡིན་པ་དེ་དག་ཡིན་ནོ། ། 8.ཁམས་བརྒྱད་པ་ནི་འདོད་ཆགས་འབྲིང་དུ་སྤྱོད་པ་དུད་པ་ཟ་བ་གང་ཡིན་པ་དེ་དག་ཡིན་ནོ། ། 9.ཁམས་དགུ་པ་ནི་འདོད་ཆགས་ཆུང་ངུར་སྤྱོད་པ་གཏོར་མ་ཟ་བ་གང་ཡིན་པ་དེ་དག་ཡིན་ནོ། ། 10.ཁམས་བཅུ་པ་ནི་ལྷ་རིལ་པ་སྤྱི་བླུགས་ནས་འཐུང་བ་གང་ཡིན་པ་དེ་དག་ནི་ལྷ་གཞན་དག་པས་འདོད་ཆགས་སྤྱོད་པ་ཆུང་བ་ཡིན་ལ། ཞེ་སྡང་ཆེ་བ་ཡིན་ཏེ། གཡུལ་འགྱེད་པ་ལ་སྐམ་ཞིང་རྟག་ཏུ་བརྩོན་པ། ལྷ་མ་ཡིན་གྱི་གཡུལ་འགྱེད་པར་འདོད་པ་དེ་དག་ནི་འདོད་ཆགས་ལྷག་པར་ཆུང་བ་ཡིན་ནོ། འདི་ལྟར་ཕྲེང་ཐོགས་རྣམས་ནི་འདོད་ཆགས་འབྲིང་དུ་སྤྱོད། ཞེ་སྡང་འབྲིང་དུ་སྤྱོད་པ་ཡིན་ཏེ། ཁམས་འབྲིང་པོ་ཡིན་ནོ། ། རྟག་ཏུ་མྱོས་གནས་པ་རྣམས་ནི་འདོད་ཆགས་ཀྱི་ཁམས་ལྷག་པར་ཆེ་བ་ཡིན། ཞེ་སྡང་གི་ཁམས་ཆུང་བ་ཡིན་ཏེ། ཐམས་ཅད་དུ་མངོན་པར་བརྩོན་པ་ཡིན་ནོ། ། 11.ཁམས་བཅུ་གཅིག་པ་ཀུན་ཏུ་རྒྱུ་བ་དག་ནི་ཞེ་སྡང་གི་ཁམས་ལྷག་པར་ཆེ་ལ་འདོད་ཆགས་ཆུང་བ་ཡིན་ནོ། ། 12.ཁམས་བཅུ་གཉིས་པ་ནི་སུམ་ཅུ་རྩ་གསུམ་པ་འདོད་ཆགས་སྤྱོད་པ་ཀུན་ཡིན་ལ། ཞེ་སྡང་ཆུང་ངུ་སྤྱོད་པ་རྣམས་ཡིན་ནོ། ། 13.ཁམས་བཅུ་གསུམ་པ་ནི་བྱང་སྒྲ་མི་སྙན་པ་འདོད་ཆགས་ཀྱི་ཁམས་ཆེ་བ་ཀུན་ཡིན་ནོ། ། 14.ཁམས་བཅུ་བཞི་པ་ནི་ནུབ་ཀྱི་བ་ལང་སྤྱོད་པ་ཞེ་སྡང་སྤྱོད་པ་ཀུན་ཡིན་ནོ། ། 15.ཁམས་བཅོ་ལྔ་པ་ནི་ཤར་གྱི་ལུས་འཕགས་པོ་རྣམས་འདོད་ཆགས་དང་།་ཞེ་སྣང་འདྲེས་པ་ཆེ་སྟེ། ཁམས་མཉམ་པ་ཡིན་ནོ། ། 16.ཁམས་བཅུ་དྲུག་པ་ནི་ཛམྦུའི་གླིང་གི་མི་རང་བཞིན་སྣ་ཚོགས། སྤྱོད་པ་སྣ་ཚོགས། མོས་པ་སྣ་ཚོགས་པ་རྣམས་ཡིན་ནོ། ། 17.ཁམས་བཅུ་བདུན་པ་ནི་ལྷ་གཞན་དང་། སེམས་ཅན་དམྱལ་བ་འདོད་ཆགས་སྤྱོད་པ་ཐམས་ཅད་ཡིན་ཏེ། འདི་ལྟར་དེའི་གནས་དག་ན་ཡང་སེམས་ཅན་དམྱལ་བ་པ་རྣམས་བུད་མེད་དག་ལ་མངོན་པར་འདོད་དོ། །འདི་ལྟར་ལས་བྱས་པའི་སེམས་ཅན་དམྱལ་བ་པ་རྣམས་དང་། ལྷའི་གནས་བཞི་རྣམས་ནི་འདོད་ཆགས་ལྷག་པར་ཆེ་བ་ཡིན་ནོ། ། 18.སེམས་ཅན་རྣམས་ཀྱི་རང་བཞིན་གང་ཡིན་པ་དེ་ཉིད་ཁམས་ཡིན་པ་དེ་ཉིད་གནས་ཡིན། དེ་ཉིད་མོས་པ་ཡིན་ཏེ། ཐམས་ཅད་མདོར་བསྡུ་ན། དེ་དག་ཉིད་དོ། །
Tibetan Source	《མདོ་འ་པ་》ཤ་410ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number