10692

Tibetan	དུས་ཕྱི་མར་འབྱུང་བའི་རྨི་ལྟས་བཅོ་བརྒྱད།
Tibetan Alternate
Tibetan Definition	དེ་ཡང་། གླང་པོ་ཆེའི་མཇུག་མ་སྐར་ཁུང་ལ་ཐོགས་པ། ཁྲོན་པས་སྐོམ་པའི་མི་སྙེགས་པ། ཕྱེ་དང་མུ་ཏིག་མཉམ་པོར་བརྗེ་བ། གླང་པོ་ཆེའི་བེའུ་སེར་གྱི་གནས་ནས་སྐྱོད་པ། ཀུན་དགའ་ར་བའི་མེ་ཏོག་དང་འབྲས་བུ་བདག་པོ་ལས་གཞན་གྱིས་ལོངས་སྤྱོད་པ། འཐབ་པར་མི་འོས་པ་དག་སྟེ་རིས་སུ་བཅད་ནས་བརྒྱད་བཀག་དང་འཐབ་རྩོད་བྱེད་པ། རས་ཡུག་གཅིག་བགོས་པ་ལ་བཟང་ངན་གཏོད་པ། མེ་ཏོག་གིས་བདག་རྔོས་ཤིག་པར་བསྐུལ་བ། རྗེའུ་གསུམ་གྱི་བར་མ་སྟོང་པར་མཐོང་བ། ཙན་དན་སོལ་བར་འཚོང་བ། རྒན་པོ་སྤྱི་ཅེར་དུ་གནས་པ། རྟ་ཁ་དང་རྐུབ་གཉི་གས་ཟ་བ་། ཁྱི་ཆེན་པོ་བས་ཆུང་ངུ་ཁ་དྲག་པ། བ་བེའུ་འབྲེངས་མ་ཐག་ཏུ་བེའུ་ལ་ནུ་བར་འདོད་པ། སྔ་དྲོ་དར་ལ་བབ་ལ་ཕྱི་དྲོ་རྒས་འཁོགས་པར་གྱུར་པ། སེང་གེའི་རོ་རོ་དེ་ཉིད་ཀྱི་སྲིན་བུས་ཐོས་པ། སྤྲེའུ་མང་པོ་འདུས་ནས་སྤྲེའུ་གཅིག་རྒྱལ་པོར་བསྐོས་པ། སྤྲེའུ་གཅིག་གིས་གཅིག་ལ་མི་གཙང་བ་སྐུད་པ་མཐོང་བ་དང་བཅོ་བརྒྱད་དོ། ། དེ་ཡང་རྒྱལ་པོ་ཀྲི་ཀྲི་ཞེས་བྱ་བའི་རྨི་ལམ་དུ་མིའི་སྤྱོད་ལམ་དང་། ཆོས་ལུགས་ཕྱིས་ཅི་འབྱུང་བ་རྣམས་སྔ་ལྟས་སུ་བྱུང་བ་སྟེ། དེ་ལས། 1.རྨིས་པའི་གླང་པོ་ཆེའི་མཇུག་མ་སྐར་ཁུང་ལ་ཐོགས་པ་ནི་རབ་དུ་བྱུང་བ་རྣམས་ཁྱིམ་ནས་འབྱུང་དཀའ་བའི་གནས་ནས་བྱུང་སྟེ། ཟང་ཟིང་མང་པོ་ཀུན་གཏོང་ཞིང་འདོར་ནུས་ན་རབ་དུ་བྱུང་བའི་གནས་ན་ལྷུང་བཟེད་དང་ཆོས་གོས་སམ། གནས་ཁང་ཙམ་དག་ལ་ཆགས་ཤིང་འདུག་པའི་ལྟས་ཏེ། དཔེར་ན་གླང་པོ་ཆེ་སྐར་ཁུང་དུ་འཛུལ་བ་ནས་ལུས་ཆེན་པོ་མི་ཤོང་རིགས་པ་ནི་ཤོང་ནས་མཇུག་མ་ཕྲ་མོ་མ་ཤོང་སྟེ་ཐོགས་པ་དང་འདྲའོ། ། 2.ཁྲོན་པས་སྐོམ་པའི་མི་སྙེགས་པ་ནི་རབ་ཏུ་བྱུང་བ་རྣམས་ཆོས་ཉན་པའི་ཕྱིར་སློབ་དཔོན་གྱི་ཐད་དུ་འོང་བའི་རིགས་པ་ལས་འོང་དུ་མི་བཏུབ་སྟེ་ཉན་པ་པོའི་གན་དུ་སློབ་དཔོན་གྱིས་ཆོས་འཆད་དུ་འོང་ན་ཉན་པོ་འབྱོར་ཞིང་ཉན་ དུ་མི་བཏུབ་པའི་རྟགས་ཏེ། དཔེར་ན་སུ་སྐོམ་པ་ཁྲོན་པར་སོང་སྟེ་ཆུ་འཐུང་བའི་རིགས་པ་ལས་སྐོམ་པ་ནི་འབྲོས་ཤིང་ཁྲོན་པའི་ཆུ་ནི་ཕྱི་བཞིན་སྙེགས་པ་ལྟ་བུའོ། ། 3.ཕྱེ་དང་མུ་ཏིག་མཉམ་པོར་བརྗེ་བ་ནི་ཕྱེ་བླང་བའི་ཕྱིར་ཆོས་སྟོན་པའི་རྟགས་སོ། ། 4.གླང་པོ་ཆེ་བེའུ་སེར་གྱི་གནས་ནས་སྐྱོད་པ་ནི་ཚུལ་ཁྲིམས་དང་ལྡན་པ་ཚུལ་ཁྲིམས་འཆལ་བས་གནས་ནས་སྐྱོད་པའི་རྟགས་སོ། ། ། 5.ཀུན་དགའ་ར་བའི་མེ་ཏོག་དང་འབྲས་བུ་བདག་པོ་ལས་གཞན་གྱིས་ལོངས་སྤྱོད་པ་ནི་དགེ་འདུན་གྱི་ནོར་ཁྱིམ་པས་ལོངས་སྤྱོད་པའི་རྟགས་སོ། ། 6.འཐབ་པར་མི་འོས་པ་དག་སྡེ་རིས་སུ་བཅད་ནས་བརྒྱད་བཀག་དང་འཐབ་རྩོད་བྱེད་པ་ནི་དེ་བཞིན་གཤེགས་པ་ཤཱཀྱ་ཐུབ་པའི་བསྟན་པ་འཐབ་རྩོད་ཀྱིས་ནུབ་པར་འགྱུར་བའི་རྟགས་སོ། ། 7.རས་ཡུག་གཅིག་བགོས་པ་ལ་བཟང་ངན་གཏོད་པ་ནི་སངས་རྒྱས་ཀྱི་ཆོས་དང་འདུལ་བ་ནི་དཀར་པོའི་ཕྱོགས་གཅིག་པ་ཡིན་ན་ཕྱིས་ལྟ་བ་ཐ་དད་པས་གཞུང་ཐ་དད་པ་བཟུང་སྟེ་ལྟ་བ་མང་པོར་གྱེས་པ་སྟེ། དཔེར་ན་རས་ཡུག་གཅིག་ལ་བཟང་ངན་མེད་ཀྱང་བཟང་ངན་དུ་མཐོང་བ་དང་འདྲའོ། ། 8.མེ་ཏོག་གིས་བདག་རྔོས་ཤིག་པར་བསྐུལ་བ་ནི་སྐྱེས་པས་བུད་མེད་གཉེར་བའི་རིགས་ན་མི་གཉེར་གྱི། བུད་མེད་ཀྱིས་སྐྱེས་པ་གཉེར་ཞིང་ཕར་བསྐུལ་བ་སྟེ། དཔེར་ན་མེ་ཏོག་བརྔ་བ་ཡིན་ན་མེ་ཏོག་གིས་ངོས་ཞེས་བསྐུལ་བ་ལྟ་བུའོ། ། 9.རྗེའུ་གསུམ་གྱི་བར་མ་སྟོང་པར་མཐོང་བ་ནི་མཐོ་སེམས་མི་བྱེད་པ་མེད་དེ། དབུལ་པོར་གྱུར་ན་གཉེན་ཡང་ངལ་ཏེ། དེ་བོར་ནས་གཞན་དང་མཛའ་བར་བྱེད་དེ། དཔེར་ན་རྗེའུ་གསུམ་བཙུགས་ཏེ་སྟེང་འོག་གཉིས་ན་ཤ་དང་ཚིལ་བསྐོལ་ལ། བར་ན་ཆུ་བསྐོལ་ན་ཤ་དང་ཚིལ་གྱི་གཟར་བུ་ནང་འཁྲུལ་གྱི། ཆུ་བསྐོལ་བར་གཟར་བུ་མི་འཁྲུལ་བ་ལྟ་བུའོ། ། 10.ཙན་དན་སོལ་བར་འཚོང་བ་ནི་ཆོས་མཁན་ཆོས་འཆད་ཅིང་བསྟན་པ་ཁ་ཅིག་རྙེད་པ་དང་བཀུར་སྟིའི་ཁེ་ཡོད་པ་ཉི་ཚེ་ལ་ཆོས་འཆད་ཀྱི་སྙིང་རྗེའི་ཤུགས་ཀྱིས་ཆོས་འདོད་པ་ཀུན་ལ་བསྟན་ཞིང་བསོད་ནམས་ཆེན་རིན་པོ་མི་ཆོལ་བ་སྟེ། དཔེར་ན་ཙན་དན་རིན་ཆེན་པོར་བཙོང་བའི་རིགས་ན་རིན་ཆེན་པོར་མི་འཚོང་བར་སོལ་བ་དང་ཚོང་བྱེད་པ་ལྟ་བུའོ། ། 11.རྒན་པོ་སྤྱི་ཅེར་དུ་གནས་པ་ནི་དམ་པའི་ཆོས་ནུབ་པའི་དུས་ན་ཡུལ་དབུས་ནས་སྔར་ནུབ་སྟེ། མཐའ་འཁོབ་ཏུ་མཆེད་ནས་ནུབ་པའི་རྟགས་ཏེ། དཔེར་ན་རྒན་པོའི་སྐྲ་སྤྱི་བོ་ནས་སྔར་འབྱི་བ་ལྟ་བུའོ། ། 12.རྟ་ཁ་དང་རྐུབ་གཉི་གས་ཟ་བ་ནི་སྣ་ལ་སོགས་པ་བློན་པོ་ལ་སོགས་པ་བླ་མ་དང་འོག་མ་ཡན་མན་གཉིས་ཀ་ལ་རྣོ་གཟན་བྱེད་པ་སྟེ། དཔེར་ན་རྟ་ཁ་དང་རྐུབ་གཉིས་ཀ་ནས་རྩྭ་ཟ་བ་ལྟ་བུའོ། ། 13.ཁྱི་ཆུང་ངུ་ཁ་དྲག་པ་ནི་རྒྱལ་པོ་བས་བློན་པོ་ཁ་དྲག་ཅིང་སྐྱེས་པ་བས་བུད་མེད་ཁ་དྲག་སྟེ། དཔེར་ན་ཁྱི་ཆེན་པོ་ཁ་ཉན་གྱི། ཆུང་ངུ་ཁ་དྲག་པ་ལྟ་བུའོ། ། 14.བ་བེའུ་འབྲེངས་མ་ཐག་ཏུ་བེའུ་ལ་ནུ་བར་འདོད་པ་ནི་ཕ་མས་བུ་ཚ་ལྟ་བུ་ཁྱིམ་ཕུབ་སྟེ་ནོར་ཕོག་མ་ཐག་ཏུ་ངེད་ཀྱི་བདོག་པ་ཁྱེད་ལ་བྱིན་པ་ཡིན་གྱིས། ད་ངེད་ཁྱེད་ཀྱིས་གསོས་ཤིག་ཅེས་སླར་སྦྱིན་དུ་རེ་བའི་རྟགས་ཏེ། དཔེར་ན་བ་བེའུ་ལས་ནུ་བར་འདོད་པ་ལྟ་བུའོ། ། 15.སྔ་དྲོ་དར་ལ་བབ་ལ་ཕྱི་དྲོ་འཁོགས་པར་གྱུར་པ་ནི་ལས་སུ་བརྩམས་པ་གང་ཅི་ཡང་རུང་བ་ལ་དང་པོ་ཉིད་དུ་མཚར་ཅིག་བྱ་བ་ལྟར་གཞི་ཆེར་བརྩམས་ལ། དེ་མ་ཐག་ཏུ་སྐྱོ་ཞིང་གཏོང་བའི་རྟོགས་ཏེ། དཔེར་ན་སྔ་དྲོ་དར་ལ་བབ་པ་ལ་ཞག་འགའ་ཡང་མ་ལོན་པར་ཕྱི་དྲོ་ཉིད་དུ་རྒས་པ་ལྟ་བུའོ། ། 16.སེང་གེའི་རོ་རོ་དེ་ཉིད་ཀྱི་སྲིན་བུས་ཟོས་པ་ནི་དམ་པའི་ཆོས་འདི་འཇིག་པ་ན་ཕྱི་རོལ་བ་གཞན་གྱིས་སུན་དབྱུང་ཞིང་གཞིག་པར་མི་ནུས་ཀྱི། དགེ་སློང་དག་ཉིད་ཀྱིས་འཇིག་པར་བྱེད་པའི་རྟགས་ཏེ། དཔེར་ན་སེང་གེའི་རོ་ལ་བྱ་ཁྱི་ལ་སོགས་པ་གཞན་གང་གིས་ཀྱང་བཟའ་བའི་ཐུག་མི་ཐུབ་ཀྱི། སེང་གེ་ཉིད་ཀྱི་སྤུ་ལས་སྲིན་བུར་གྱུར་ཏེ་ ཟོས་པ་དང་འདྲའོ། ། 17.སྤྲེའུ་མང་པོ་འདུས་ནས་སྤྲེའུ་གཅིག་རྒྱལ་པོར་བསྐོས་པ་ནི་དགེ་སློང་ཚུལ་ཁྲིམས་འཆལ་བ་མང་པོ་འཚོགས་ནས་བདག་ཅག་དང་མཐུན་པའི་ཕྱོགས་གཅིག་དཔོན་པོར་བསྐོ་བར་བྱའོ་ཞེས་སྡིག་ཅན་དཔོན་དུ་བསྐོ་བའི་རྟགས་སོ། ། 18.སྤྲེའུ་གཅིག་གིས་གཅིག་ལ་མི་གཙང་བ་སྐུད་པ་ནི་དགེ་སློང་དག་གཅིག་གིས་གཅིག་ལ་གླེང་སྐུར་དང་། གཡོ་སྐྱོན་འདོགས་པར་འགྱུར་བའི་རྟགས་སོ། །
Tibetan Source	《དཔལ་བརྩེགས་ཆོས་ཀྱི་རྣམ་གྲངས་ཀྱི་བརྗེད་བྱང་》ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number