10693

Tibetan	གདོན་ཆེན་བཅོ་བརྒྱུད་ཀྱི་ནད་བཅོ་བརྒྱད།
Tibetan Alternate
Tibetan Definition	1.ལྷ་ཡི་གདོན། 2.ལྷ་མིན་གྱི་གདོན། 3.དྲི་ཟའི་གདོན། 4.ཀླུ་ཡི་གདོན། 5.གནོད་སྦྱིན་གྱི་གདོན། 6.ཚངས་པའི་གདོན། 7.སྲིན་པོའི་གདོན། 8.ཤ་ཟའི་གདོན། 9.ཡི་དྭགས་ཀྱི་གདོན། 10.གྲུལ་བུམ་གྱི་གདོན། 11.བྱད་སྟེམས་ཀྱི་གདོན། 12.གཡེང་བྱེད་ཀྱི་གདོན། 13.རོ་ལངས་ཀྱི་གདོན། 14.མཚུན་བླའི་གདོན། 15.བླ་མའི་གདོན། 16.དྲང་སྲོང་གི་གདོན། 17.རྒན་པོའི་གདོན། 18.གྲུབ་པའི་གདོན་ཏེ་དེ་ལྟར་གདོན་ཆེན་བཅོ་བརྒྱད་དམ་ཤིན་ཏུ་ལྐོག་གྱུར་ཅན་ནམ་ངོ་མཚར་ཅན་གྱི་ནད་རིགས་མི་འདྲ་བ་རྣམ་པ་བཅས་སོ། ། གདོན་ཆེན་བཅོ་བརྒྱད་ནད་ཀྱི་རྒྱུ་རྐྱེན་གཞི་མཐུན་དུ་བསྟན་པ་ནི། ལུས་ངག་ཡིད་གསུམ་གྱིས་སྡིག་པ་མི་དགེ་བའི་ལས་མང་དུ་སྤྱད་པ་དང་། གྲོགས་མེད་པའི་གནས་འཇིགས་སྐྲག་ཅན་ཡ་ང་སར་གཅིག་པུར་བློ་མི་བདེ་བཞིན་དུ་བསྡད་པ་དང་། ཡ་ག་ཅན་ཞེས་གདུག་རྩུབ་ཅན་གྱི་ལྷ་སྲིན་སོགས་ཕན་དུ་རེ་བའི་ནུས་ལྡན་རྣམས་ལ་འབགས་པའམ་གཙང་སྦྲ་མི་ལྡན་པར་བཙོག་པ་བྱས་པ། ཡང་ན་གཙེས་ཏེ་གནོད་པ་བསྐྱལ་བ། མཆོག་གསུམ་ཆོས་སྐྱོང་ལ་མ་བཀུར་བརྙས་བཅོས་སུ་ཕྱིན་པ་དང་། རང་གི་རྒྱུན་གཏན་གོང་དུ་བཀུར་སྟི་དང་མཆོད་འོས་པའི་མཆོད་པ་དག་ཆག་པ་སོགས་ཕྱིན་ཅི་ ལོག་པའི་སྤྱོད་པས་དྲེགས་ཅན་དེ་རྣམས་ཀྱི་ཐུགས་ཁྲོས་ཏེ། ནམ་ཞིག་གོ་སྐབས་འཚོལ་ནས་གནོད་པ་སྐྱེལ་བར་བྱེད་སྙམ་པའི་རྣམ་རྟོག་གི་འཕྲུལ་ཤེས་ལྡན་པ། གཞན་ཡང་སེམས་མྱ་ངན་གྱིས་གདུང་བ། རྟེན་སོགས་ཀྱི་དྲུང་དུ་གཅེར་བུར་བྱུང་བ་སོགས་དང་མི་འཚམ་པ་སྟེ་རྩིང་པོར་སྤྱོད་པ་སྟེ་ཕ་མ་སློབ་དཔོན་ལ་རྡུང་འབོག་བྱེད་པ། གཏམ་གྱིས་སྨོད་བསྡིགས་བྱེད་པ། ཚུལ་མིན་གྱིས་སྤྱོད་པའམ་བག་མེད་པའི་སྤྱོད་པ་སོགས་ལུས་ངག་འགལ་བ་ལས་འབྱུང་པོའི་གདོན་ནད་དེ་ཉིད་འཇུག་པར་འགྱུར་བ་ཡིན་ནོ། །
Tibetan Source	《རྒྱུད་བཞིའི་འགྲེལ་ཆེན་དྲང་སྲོང་ཞལ་ལུང་》དེབ་གསུམ་པ་ཤ་310.14ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number