1089

Tibetan	བཅོམ་ལྡན་འདས་རི་ག་ཡའི་རྩེ་མོར་གནས་པའི་ཚེ་སྔོན་མ་ཐོས་པ་དང་། སྔོན་མི་ཤེས་པའི་དཔེ་མངོན་དུ་འགྱུར་བ་གསུམ།
Tibetan Alternate
Tibetan Definition	དེ་ཡང་། འཇམ་དཔལ་རྣམ་པར་འཕྲུལ་པའི་མདོ་ལས་བྱུང་བ་སྟེ། 1.དགེ་སྦྱོང་དང་བྲམ་ཟེ་གང་ལ་ལ་འདོད་པ་དག་ལས་ལུས་དབེན་པར་མི་གནས། འདོད་པ་དག་ལས་སེམས་དབེན་པར་མི་གནས་ཤིང་། དེ་དག་གི་འདོད་པ་ལ་དགའ་བ་དང་། འདོད་པ་ལ་ཆགས་པ་དང་། འདོད་པ་ལ་འདུན་པ་དང་། འདོད་པ་ལ་སྐོམ་པ་དང་། འདོད་པ་ལ་ཡོངས་སུ་གདུང་བ་དང་། འདོད་པ་ལ་ཞེན་པ་གང་ཡིན་པ་དེ་ནི་ཉེ་བར་ཞི་བ་མ་ཡིན་ལ། དེ་དག་བདག་ཉིད་ཀྱིས་གནོད་པར་བྱེད་ཅིང་ལུས་ལ་གདུང་བར་བྱེད་པས་སྡུག་བསྔལ་གྱི་ཚོར་བ་དྲག་པོ་མི་བཟད་པ་ཚ་བ་མྱོང་སྟེ། འོན་ཀྱང་དེ་དག་མིའི་ཆོས་བླ་མ་ལས་མཆོག་ཏུ་གྱུར་པ། འཕགས་པ་ཡེ་ཤེས་མཐོང་བའི་ཁྱད་པར་མངོན་དུ་བྱེད་མི་ནུས་སོ། ། དཔེར་ན། སྐྱེས་བུ་ཞིག་མེ་འདོད་ལ་ཤིང་རློན་པའི་གཙུབ་སྟན་དང་། ཤིང་རློན་པའི་གཙུབ་ཤིང་ཐོགས་ལོ་ཆུར་བཅུག་སྟེ་གཙུབས་ན། དེས་མེ་འབྱིན་པར་མི་ནུས་སོ། ། དེ་བཞིན་དུ་དགེ་སྦྱོང་དང་། བྲམ་ཟེ་དེ་དག་འདོད་པ་རྣམས་ལས་ལུས་དབེན་པར་མི་གནས། འདོད་པ་རྣམས་ལས་སེམས་དབེན་པར་མི་གནས་ཏེ། དེ་དག་གི་འདོད་པ་ལ་དགའ་བ་དང་། འདོད་པ་ལ་སྲེད་པ་དང་། འདོད་པ་ལ་འདུན་པ་དང་། འདོད་པ་ལ་སྐོམ་པ་དང་། འདོད་པ་ལ་ཡོངས་སུ་གདུང་བ་དང་། འདོད་པ་ལ་བརྒྱལ་བ་དང་། འདོད་པ་ལ་ཞེན་པ་གང་ཡིན་པ་དེ་ནི་ཉེ་བར་ཞི་བ་མ་ཡིན་གྱི། དེ་དག་བདག་ཉིད་ཀྱིས་གནོད་པར་བྱེད་ཅིང་། ལུས་ལ་གདུང་བར་བྱེད་པས་སྡུག་བསྔལ་གྱི་ཚོར་བ་དྲག་པོ་མི་བཟད་པ་ཚ་བ་མྱོང་མོད་ཀྱི། འོན་ཀྱང་དེ་དག་མིའི་ཆོས་བླ་མ་ལས་མཆོག་ཏུ་གྱུར་པ། འཕགས་པ་ཡེ་ཤེས་མཐོང་བའི་ཁྱད་པར་མངོན་དུ་བྱེད་མི་ནུས་སོ་སྙམ་སྟེ། འདི་ནི་བྱང་ཆུབ་སེམས་དཔའ་ལ་དཔེ་མངོན་དུ་གྱུར་པ་དང་པོའོ། ། 2.གང་དགེ་སྦྱོང་དང་། བྲམ་ཟེ་འདི་དག་འདོད་པ་རྣམས་ལས་ལུས་དང་སེམས་དབེན་པར་གནས་ཀྱང་དེ་དག་གི་འདོད་པ་དགའ་བ་ཞེས་བྱ་བ་ནས་མེ་ཚོལ་བ་ཞེས་བྱ་བའི་བར་དུ་ཐམས་ཅད་སྔ་མ་བཞིན་དུ་སྦྱར་ཏེ། དེས་ཤིང་རློན་པའི་གཙུག་སྟན་ཐོགས་ལ་ཐང་ལ་བཞག་སྟེ་ཤིང་རློན་པའི་གཙུབ་ཤིང་གིས་གཙུབས་ན། དེས་མེ་འབྱིན་པར་མི་ནུས་སོ། ། དེ་བཞིན་དུ་གང་དགེ་སྦྱོང་དང་བྲམ་ཟེ་འདི་དག་ཅེས་བྱ་བ་ནས་ཐམས་ཅད་སྔ་མ་བཞིན་དུ་སྦྱར་ཏེ། མིའི་ཆོས་བླ་མ་ལས་མཆོག་ཏུ་གྱུར་པ་འཕགས་པ་ཡེ་ཤེས་མཐོང་བའི་ཁྱད་པར་མངོན་དུ་བྱ་བར་མི་ནུས་སོ་སྙམ་སྟེ། འདི་ནི་སྔོན་མ་ཐོས་ཤིང་མི་ཤེས་པའི་དཔེ་མངོན་དུ་གྱུར་པ་གཉིས་པའོ། ། 3.གཞན་ཡང་གང་དགེ་སྦྱོང་དང་། བྲམ་ཟེ་འདི་དག་འདོད་པ་རྣམས་ལས་ལུས་དང་སེམས་དབེན་པར་གནས་ཤིང་། དེ་དག་གི་འདོད་པ་དགའ་བ་ཞེས་བྱ་བ་ནས་ཐམས་ཅད་དེ་བཞིན་དུ་སྦྱར་ཏེ་དེ་དག་གི་དེ་ནི་ཉེ་བར་ཞི་བ་ཡིན་ཏེ། དེ་དག་བདག་ཉིད་ཀྱིས་གནོད་པ་བྱེད་ཅིང་ལུས་ལ་གདུང་བར་བྱེད་པས་སྡུག་བསྔལ་གྱི་ཚོར་བ་དྲག་པོ་མི་བཟད་པ་མྱོང་མོད་ཀྱི། འོན་ཀྱང་དེ་དག་མིའི་ཆོས་བླ་མ་ལས་མཆོག་ཏུ་གྱུར་པ། འཕགས་པ་ཡེ་ཤེས་མངོན་དུ་མཐོང་བའི་ཁྱད་པར་མངོན་དུ་བྱ་བར་ནུས་སོ། ། དཔེར་ན། སྐྱེས་བུ་ཞིག་མེ་འདོད་ཅིང་འོད་འདོད་པ་དང་། འོད་ཚོལ་བར་གྱུར་ལ། དེས་ཤིང་སྐམ་པོའི་གཙུབ་སྟན་དང་། གཙུབ་ཤིང་ཐོགས་ཤིང་ཐང་ལ་བཞག་སྟེ་གཙུབས་ན་དེས་མེ་དབྱུང་བ་དང་འོད་འབར་བར་བྱེད་ནུས་སོ། ། དེ་བཞིན་དུ་གང་དགེ་སྦྱོང་བྲམ་ཟེ་འདི་དག་ཅེས་བྱ་བ་ནས་ཚོར་བ་མྱོང་ཞེས་བྱ་བའི་བར་དུ་སྔ་མ་བཞིན་ཏེ། འོན་ཀྱང་དེ་དག་མིའི་ཆོས་བླ་མ་ལས་མཆོག་ཏུ་གྱུར་པ། འཕགས་པ་ཡེ་ཤེས་མཐོང་བའི་ཁྱད་པར་མངོན་དུ་བྱ་བར་ནུས་སོ་སྙམ་སྟེ། འདི་ནི་སྔོན་མ་ཐོས་ཤིང་སྔོན་མི་ཤེས་པའི་དཔེ་གསུམ་པའོ། །
Tibetan Source	《མདོ་ཁ་པ་》ཤ་198བ་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number