10922

Tibetan	ས་མཚམས་ཀྱི་དབྱེ་བའི་དཔེ་དོན་ཉི་ཤུ་རྩ་གཉིས།
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་དང་པོ་མདོ་རྒྱུད་རིན་པོ་ཆེའི་མཛོད་ཀྱི་འབྲུ་འགྲེལ་ལས་བྱུང་བ་སྟེ། དང་པོ་དཔེ་ནི། ས། གསེར། ཟླ་བ། མེ། གཏེར། ། རིན་ཆེན་འབྱུང་གནས། མཚོ། རྡོ་རྗེ། རི། སྨན། བཤེས་གཉེན། ཡིད་བཞིན་ནོར་བུ། ཉི་མ། གླུ། རྒྱལ་པོ། མཛོད། ལམ་པོ་ཆེ། བཞོན་པ། བཀོད་མའི་ཆུ། སྒྲ་སྙན། ཆུ་བོ། སྤྲིན་དང་ཉི་ཤུ་རྩ་གཉིས་སོ། ། གཉིས་པ་དོན་ནི། 1.འདུན་པ་ས་ལྟ་བུ། 2.བསམ་པ་གསེར་ལྟ་བུ། 3.ལྷག་པའི་བསམ་པ་ཟླ་བ་ཚེས་པ་ལྟ་བུ་གསུམ་ནི་རིམ་པ་བཞིན་ཚོགས་ལམ་ཆུང་འབྲིང་ཆེ་གསུམ་གྱི་སེམས་བསྐྱེད་ལ་དེ་སྐད་ཅེས་བཏགས་སོ། ། 4.སྦྱོར་བ་མེ་ལྟ་བུ་ནི་སྦྱོར་ལམ་བཞིའི་སེམས་བསྐྱེད་དོ། ། 5.སྦྱིན་པ་གཏེར་ལྟ་བུ། 6.ཚུལ་ཁྲིམས་རིན་པོ་ཆེའི་རིན་ཆེན་འབྱུང་གནས་ལྟ་བུ། 7.བཟོད་པ་མཚོ་ལྟ་བུ། 8.བརྩོན་འགྲུས་རྡོ་རྗེ་ལྟ་བུ། 9.བསམ་གཏན་རི་ལྟ་བུ། 10.ཤེས་རབ་སྨན་ལྟ་བུ། 11.ཐབས་ལ་མཁས་པ་བཤེས་གཉེན་ལྟ་བུ། 12.སྨོན་ལམ་ཡིད་བཞིན་ནོར་བུ་ལྟ་བུ། 13.སྟོབས་ཉི་མ་ལྟ་བུ། 14.ཡེ་ཤེས་ཀྱི་ཕ་རོལ་ཏུ་ཕྱིན་པ་ཀླུ་དབྱངས་སྙན་པོ་ལྟ་བུ་ནི་ས་དང་པོ་ནས་བཅུ་པའི་བར་ལ་རིམ་པ་བཞིན་ནོ། 15.མངོན་ཤེས་རྒྱལ་པོ་ལྟ་བུ། 16.ཚོགས་གཉིས་མཛོད་ཁང་ལྟ་བུ། 17.བྱང་ཆུབ་ཀྱི་ཕྱོགས་དང་མཐུན་པའི་ཆོས་ལམ་པོ་ཆེ་ལྟ་བུ། 18.སྙིང་རྗེ་ལྷག་མཐོང་གཉིས་བཞོན་པ་བཟང་པོ་ལྟ་བུ། 19.གཟུངས་སྤོབས་གཉིས་བཀོད་མའི་ཆུ་མིག་ལྟ་བུ་ནི་ས་བརྒྱད་པ་དགུ་པ་བཅུ་པ་གསུམ་ཀ་ལ་ཁྱབ་པར་ཡོད་དོ། ། 20.ཆོས་ཀྱི་དགའ་སྟོན་སྒྲ་སྙན་ལྟ་བུ། 21.བགྲོད་པ་གཅིག་པའི་ལམ་ཆུ་བོ་ལྟ་བུ། 22.ཆོས་ཀྱི་སྐུ་དང་མཚུངས་པར་ལྡན་པ་སྤྲིན་ལྟ་བུ་ནི་ས་བཅུ་པ་ལ་ཡོད་དེ་ཡེ་ཤེས་དང་ཕྲིན་ལས་ཆེན་པོས་སེམས་ཅན་གྱི་དོན་བྱེད་པའོ། །
Tibetan Source	《མདོ་རྒྱུད་མཛོད་ག་པ་》ཤ་219.6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number