10953

Tibetan	སྤོབས་པ་ཉེར་བཞི།
Tibetan Alternate
Tibetan Definition	དེ་ཡང་། འཕགས་པ་ནམ་མཁའ་མཛོད་ཀྱིས་ཞུས་པའི་མདོ་ལས་བྱུང་བ་སྟེ། 1.བླ་མའི་ངག་མི་གཅོག་པས་མྱུར་བའི་སྤོབས་པར་འགྱུར་རོ། ། 2.ཚུར་ཤོག་ཅེས་བྱ་བ་དང་སོང་ཞེས་བྱ་བ་ལ་གཡོ་མེད་པས་སྤོབས་པ་མགྱོགས་པར་འགྱུར་རོ། ། 3.ཉོན་མོངས་པ་ཐམས་ཅད་ལ་ཆགས་པ་མེད་པས་སྤོབས་པ་ཐོགས་པ་མེད་པར་འགྱུར་རོ། ། 4.དེ་ལ་མ་ཆགས་པར་གནས་པས་སྤོབས་པ་རྒྱུན་མི་ཆད་པར་འགྱུར་རོ། ། 5.ཕྲ་མའི་ཚིག་མེད་པས་ཤིན་ཏུ་ངེས་པའི་ཚིག་ལ་སྤོབས་པར་འགྱུར་རོ། ། 6.རྟེན་ཅིང་འབྲེལ་བར་འབྱུང་བ་རྟོགས་པས་ཟབ་མོ་ལ་སྤོབས་པར་འགྱུར་རོ། ། 7.སྦྱིན་པ་སྣ་ཚོགས་བསགས་པས་སྣ་ཚོགས་ལ་སྤོབས་པར་འགྱུར་རོ། ། 8.ཆུང་མ་ལེགས་པར་བརྒྱན་ཏེ་རབ་ཏུ་བྱིན་པས་ལེགས་པར་བརྒྱན་པའི་སྤོབས་པར་འགྱུར་རོ། ། 9.བྱང་ཆུབ་ཀྱི་སེམས་ལས་མི་ཉམས་པས་ཞུམ་པ་མེད་པའི་སྤོབས་པར་འགྱུར་རོ། ། 10.ཚུལ་ཁྲིམས་ཀྱི་ཕུང་པོ་ལེགས་པར་ཀུན་ཏུ་བསྲུངས་པས་འཇིགས་པ་མེད་པའི་སྤོབས་པར་འགྱུར་རོ། ། 11.གདུགས་དང་། རྒྱལ་མཚན་དང་། བ་དན་དང་། དྲིལ་བུ་སྣ་ཚོགས་བྱིན་པས་ཚིགས་སུ་བཅད་པ་སྣ་ཚོགས་བསྟན་པའི་ངེས་པའི་ཚིག་ལ་སྤོབས་པར་འགྱུར་རོ། ། 12.སྦྱིན་པ་དང་ལྡན་པ་དང་། རིམ་གྲོ་བྱེད་པ་དང་། བསྙེན་བཀུར་བྱེད་པ་སྔོན་དུ་འགྲོ་བས་མདོ་དང་། རྟོགས་པ་བརྗོད་པ་དང་། སྔོན་བྱུང་བ་ལ་སྤྱོབས་པར་འགྱུར་རོ། ། 13.སྡུལ་བསྔལ་བ་དང་། དབུལ་བ་དང་། མགོན་མེད་པ་ལ་མི་བརྙས་པས་མི་ཐུལ་བའི་སྤོབས་པར་འགྱུར་རོ། ། 14.གཏེར་མི་ཟད་པ་སྦྱིན་པ་དང་། ཕ་རོལ་ཆོས་ལ་སྦྱོར་བས་ཚིག་རབ་ཏུ་དབྱེ་བ་བསྟན་པ་མི་ཟད་པ་ལ་སྤོབས་པར་འགྱུར་རོ། ། 15.ཚིག་བདེན་པ་དང་། ཐ་བ་མེད་པ་དང་། ངག་རྩུབ་པོ་མེད་པའི་ངག་གི་ལས་དང་ལྡན་པས་སྤོབས་པ་ཤིན་ཏུ་གསལ་ཞིང་ཤིན་ཏུ་མཛེས་པར་འགྱུར་རོ། ། 16.བླ་མའི་ཚིག་ཁྱད་དུ་མི་གསོད་པ་དང་། གཞན་གྱི་ཚིག་མི་གཅོད་པས་ཚིག་བཙུན་ཞིང་གཟུང་བའི་སྤོབས་པར་འགྱུར་རོ། ། 17.རང་གི་ཡོན་ཏན་གྱི་ཆོས་སྒྲུབ་པས་ཆོས་སྟོན་པའི་འབྲས་བུ་ཡོད་པའི་སྤོབས་པརའགྱུར་རོ། ། 18.བདག་ལ་མི་བསྟོད་པ་དང་། གཞན་ལ་མི་སྨོད་པ་དང་། ཕངས་པའི་དངོས་པོ་ཡོངས་སུ་གཏོང་བས་ལྷའི་འཁོར་གྱི་རྒྱུན་གྱི་སྤོབས་པར་འགྱུར་རོ། ། 19.ཆོས་ལ་སློབ་དཔོན་གྱི་དཔེ་མཁྱུད་མེད་པ་དང་། ཆོས་ཇི་ལྟར་ཐོས་པ་བཞིན་དུ་སྟོན་པས་ཐེ་ཚོམ་ཐམས་ཅད་གཅོད་པའི་སྤོབས་པར་འགྱུར་རོ། ། 20.བསྟན་བཅོས་ཐམས་ཅད་ཤེས་པ་དང་། གཞན་ལ་མི་གནོད་པ་དང་། ནད་པ་རྣམས་ཀྱི་ནད་གཡོག་བྱེད་པ་དང་། སྨན་རབ་ཏུ་སྦྱིན་པས་འཇིག་རྟེན་པ་དང་འཇིག་རྟེན་ལས་འདས་པའི་ཆོས་ལ་སྤོབས་པརའགྱུར་རོ། ། 21.ཕ་རོལ་ལ་འཁྲུལ་པའི་སྐབས་མི་ཚོལ་བ་དང་། གཞན་དག་གི་ལྟུང་བ་མི་གླེང་བ་དང་། འཁྲུལ་པ་ལ་མི་རྟོག་པས་འཁྲུལ་པ་མེད་པའི་སྤོབས་པར་འགྱུར་རོ། ། 22.སེམས་ཅན་ཐམས་ཅད་ལ་སེམས་སྙོམས་པ་དང་། སེམས་ཅན་ཐམས་ཅད་ལ་མཚུངས་པར་སྦྱོར་བ་དང་། མྱ་ངན་ལས་འདས་པའི་ལམ་ལ་འགོད་པ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་དོན་དུ་མི་གཉེར་བས་འཁོར་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱི་སྤོབས་པ། ། 23.བཀའ་བློ་བདེ་བ་དང་། དེས་པ་དང་། ཇི་སྐད་སྨྲས་པ་དེ་བཞིན་བྱེད་པ་དང་། སེམས་དགའ་བ་དང་། གཞན་གྱི་རྒྱུད་འཁྲུག་པར་མི་བྱེད་པས་སྐྱེ་བ་དྲན་པའི་མངོན་པར་ཤེས་པའི་སྤོབས་པར་འགྱུར་རོ། ། 24.ཐེག་པ་ཆེན་པོ་ལས་མི་ཉམས་པ་དང་། ཐེག་པ་དམན་པ་མི་འདོད་པ་དང་། སེམས་ཅན་ལ་སྙིང་རྗེ་ཆེ་བ་དང་། ཐམས་ཅད་ནན་ཏན་ལ་འགོད་པས་སངས་རྒྱས་ཀྱི་བྱིན་གྱི་རླབས་ཀྱི་བྱིན་གྱིས་བརླབས་པའི་སྤོབས་པར་འགྱུར་བ་བཅས་སོ། ། སེམས་ཅན་གཞན་ལ་གོ་བར་བྱེད་པས་དེའི་ཕྱིར་སྤོབས་པ་ཞེས་བྱའོ། ། སེམས་ཅན་གཞན་ལ་ནན་ཏན་དུ་བྱ་བ་སྟོན་པས་དེའི་ཕྱིར་སྤོབས་པ་ཞེས་བྱའོ། ། གཞན་གྱི་སེམས་ཀྱི་རྒྱུད་ཚིམ་པར་བྱེད་པས་དེའི་ཕྱིར་སྤོབས་པ་ཞེས་བྱའོ། ། སེམས་ཅན་གཞན་གྱི་སེམས་པ་དང་མཐུན་པར་སྟོན་པས་དེའི་ཕྱིར་སྤོབས་པ་ཞེས་བྱའོ། །
Tibetan Source	《མདོ་ད་པ་》ཤ་369བ་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number