11010

Tibetan	རྒྱུ་སྐར་གང་ལ་སྐྱེས་པའམ། དེའི་ནད་དང་།
Tibetan Alternate
Tibetan Definition	བཅོས་ཐབས་བསྟན་པ་ཉེར་དྲུག དེ་ཡང་། སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། 1.སྨིན་དྲུག་ལ་སྐྱེས་པའམ། བུད་མེད་ནད་ཀྱིས་བཏབ་པ་ཞག་བཞི་ནས་སོས་པར་བསྟན་ནོ། ། དེའི་ལྷ་ནི་མེ་ལྷ་ཡིན་པས་ཞོའི་གཏོར་མ་བཏང་ན། གཏོར་མ་དེས་ནད་ལས་ལྡང་བར་བཤད་དོ། ། 2.སྣར་མ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་ལྔའི་བར་དུ་ན་བར་འགྱུར་རོ། ། དེ་ནས་སོས་པར་འགྱུར་རོ། ། དེའི་ལྷ་ནི་སྐྱེ་དགུའི་བདག་པོ་ཡིན་པས་མེ་ཏོག་གི་ཕྲེང་བ་གཙང་མའི་གཏོར་མ་བཏང་བས་གཏོར་མའི་ལས་དེས་ནད་ལས་ལྡང་བར་འགྱུར་རོ། ། 3.མགོ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་བརྒྱུད་ནས་ནད་དེ་ལས་སོས་པར་འགྱུར་རོ། ། དེའི་ལྷ་ནི་ཟླ་བ་ཡིན་པས་སྲན་སྔོན་གྱི་འཁུར་བའི་གཏོར་མ་གཏང་ན། གཏོར་མ་དེས་ནད་ལས་ལྡང་བར་འགྱུར་རོ། ། 4.ལག་ལ་སྐྱེས་པའམ། ། བུད་མེད་ནད་ཀྱིས་བཏབ་ན་ནི་ཞག་བཅུའི་བར་དུ་ན་བར་འགྱུར་ཞིང་དེ་ནས་སོས་པར་འགྱུར་རོ། ། དེའི་ལྷ་ནི་དྲག་པོ་ཡིན་པས་འབྲས་དང་། འོ་ཐུག་གི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 5.ནབས་སོ་ལ་སྐྱེས་པའམ་བུད་མེད་ནད་ཀྱིས་བཏབ་པ་ནི་ཞག་བརྒྱད་ཀྱི་བར་དུ་ན་བར་འགྱུར་ཞིང་དེ་ནས་སོས་པར་འགྱུར་རོ། ། དེའི་ལྷ་ནི་ཉི་མ་ཡིན་པས་སྤོས་དང་། བྱུག་པའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 6.རྒྱལ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་ལྔའི་བར་དུ་ན་ཞིང་དེ་ནས་སོས་པར་འགྱུར་རོ། ། དེའི་ལྷ་ནི་ཕུར་བུ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 7.སྐག་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་སྨན་གྱི་གསོ་བས་མི་སོས་ཏེ། ལྷ་ནི་སྦྲུལ་ཡིན་པའི་ཕྱིར་རོ། ། 8.མཆུ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་བརྒྱད་ཀྱི་བར་དུ་ན་ཞིང་། དེ་ནས་སོས་པར་འགྱུར་ཏེ། དེའི་ལྷ་ནི་མཚུན་ཡིན་པས་འབྲུ་དང་ཏིལ་བཏགས་པའི་རི་ལུའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 9.གྲེ་ལ་སྐྱེས་པའམ། བུད་མེད་ནད་ཀྱིས་བཏབ་པ་ཞག་བདུན་ན་བར་འགྱུར་ཞིང་དེ་ནས་ནད་དེ་ལས་སོས་པར་འགྱུར་ཏེ། དེའི་ལྷ་ནི་ཀླུ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 10.དབོ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་གསོ་བའི་སྨན་གྱིས་སོས་པར་མི་འགྱུར་ཏེ། དེའི་ལྷ་ནི་གཤིན་རྗེ་ཡིན་པའི་ཕྱིར་རོ། ། 11.མེ་བཞི་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་ལྔ་ན་བར་འགྱུར་ཞིང་། དེ་ནས་སོས་པར་འགྱུར་ཏེ། དེའི་ལྷ་ནི་ཉི་མ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 12.ནག་པ་ལ་སྐྱེས་པའམ། བུད་མེད་ནད་ཀྱིས་བཏབ་པ་སོས་པར་འགྱུར་ཏེ། དེའི་ལྷ་ནི་དྲི་ཟ་ཡིན་པས་ནས་ཀྱི་ལྗང་བུའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 13.ས་རི་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཟུག་ཟེར་ཆེ་ལ་ཞག་ཉི་ཤུ་རྩ་བརྒྱུད་ཀྱི་བར་དུ་ན་བར་འགྱུར་ཞིང་དེའི་ལྷ་ནི་རླུང་ལྷ་ཡིན་པས་སྣ་ཚོགས་ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 14.ས་ག་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ནད་ལྕི་ཞིང་ཞག་ཉི་ཤུ་རྩ་གཅིག་གི་བར་དུ་ན་བར་འགྱུར་ཞིང་དེ་ནས་སོས་པར་འགྱུར་རོ། ། དེའི་ལྷ་ནི་མེ་ལྷ་དང་། དབང་པོ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 15.ལྷ་མཚམས་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཟླ་བ་ཕྱེད་ཀྱི་བར་དུ་ན་བར་འགྱུར་ཞིང་། དེ་ནས་སོས་པར་འགྱུར་ཏེ་དེའི་ལྷ་ཉི་མ་ཡིན་པས་མར་གྱིས་གང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 16.སྣོན་ལ་སྐྱེས་པའམ། ། བུད་མེད་ནད་ཀྱིས་བཏབ་པ་ནི་ནད་ཚབས་ཆེ་ཞིང་ཞག་བཅུ་གསུམ་ན་བར་འགྱུར་ཞིང་དེ་ནས་སོས་པར་འགྱུར་ཏེ། དེའི་ལྷ་ནི་དབང་པོ་ཡིན་ཏེ། བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 17.སྒྲུབས་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཟླ་བ་གཅིག་ན་བར་འགྱུར་ཞིང་། དེ་ནས་སོས་པར་འགྱུར་ཏེ། དེའི་ལྷ་ནི་དམངས་རིགས་ཡིན་པས་ ཤའི་གཏོར་མ་བཏང་ན་གཏོར་མ་དེས་ནད་དེ་ལས་ལྡང་བར་འགྱུར་རོ། ། 18.ཆུ་སྟོད་ལ་སྐྱེས་པའམ། ། བུད་མེད་ནད་ཀྱིས་བཏབ་པ་ནི་ནད་ཚབས་ཆེ་ཞིང་ཟླ་བ་བརྒྱད་ཀྱི་བར་དུ་ན་བར་འགྱུར་ཞིང་དེ་ནས་སོས་པར་འགྱུར་ཏེ། དེའི་ལྷ་ནི་ཆུ་ལྷ་ཡིན་པས་འབྲས་དང་། ཏིལ་བཏགས་པའི་གཏོར་མ་བཏང་ན། གཏོར་མ་དེས་ནད་དེ་སོས་པར་འགྱུར་རོ། ། 19.ཆུ་སྨད་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ཞག་བདུན་གྱི་བར་དུ་ན་ཞིང་དེ་ནས་སོས་པར་འགྱུར་ཏེ། དེའི་ལྷ་ནི་སྣ་ཚོགས་པ་ཡིན་པས་འབྲས་དང་། འོ་ཐུག་གི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 20.གྲོ་བཞིན་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ནད་ལྕི་ཞིང་ལོ་གཅིག་གི་བར་དུ་ན་བར་འགྱུར་ཏེ། དེའི་ལྷ་ནི་ཁྱབ་འཇུག་ཡིན་པས་བྱུག་པ་དང་། ཕྲེང་བའི་གཏོར་མ་གཏང་ན། གཏོར་མ་དེས་ནད་དེ་ལས་སོས་པར་འགྱུར་རོ། ། 21.མོན་གྲེ་ལ་སྐྱེས་པའམ། བུད་མེད་ནད་ཀྱིས་བཏབ་པ་ནི་ནད་ལྕི་ཞིང་ཟླ་བ་བཅུ་གསུམ་གྱི་བར་དུ་ན་བར་འགྱུར་ཏེ། དེའི་ལྷ་ནི་བ་སུ་དེ་བ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 22.མོན་གྲུ་ལ་སྐྱེས་པའམ། བུད་མེད་ནད་ཀྱིས་བཏབ་ན་ཞག་བཅུ་བདུན་གྱི་བར་དུ་ན་བར་འགྱུར་ཞིང་དེ་ནས་ སོས་པར་འགྱུར་ཏེ། དེའི་ལྷ་ནི་ཆུ་ལྷ་ཡིན་པས་འབྲས་དང་། འོ་ཐུག་གི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 23.ཁྲུམས་སྟོད་ལ་སྐྱེས་པའམ། ། བུད་མེད་ནད་ཀྱིས་བཏབ་པར་གྱུར་ན། ཞག་བདུན་ན་བར་འགྱུར་ཞིང་དེ་ནས་སོས་པར་འགྱུར་ཏེ། དེའི་ལྷ་ནི་ཀླུ་ཡིན་པས་བྱུག་པ་དང་། ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 24.ནམ་གྲུ་ལ་སྐྱེས་པའམ། བུད་མེད་ནད་ཀྱིས་བཏབ་ན་ནད་ཡང་ཞིང་ཞག་ཉི་ཤུ་རྩ་བརྒྱད་ན་བར་འགྱུར་ཞིང་དེ་ནས་སོས་པར་འགྱུར་ཏེ། དེའི་ལྷ་ནི་རྒྱལ་ཡིན་པས་སྤོས་དང་། མེ་ཏོག་གི་ཕྲེང་བའི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 25.ཐ་སྐར་ལ་སྐྱེས་པའམ། བུད་མེད་ནད་ཀྱིས་བཏབ་པར་འགྱུར་ན་ཟུག་ཟེར་ཆེ་ལ་ཞག་ཉི་ཤུ་རྩ་བརྒྱད་ཀྱི་བར་དུ་ན་བར་འགྱུར་ལ། དེའི་ལྷ་ནི་ཉི་མ་ཡིན་པས་མར་དང་སྲན་སྔོན་གྱི་གཏོར་མ་བཏང་ན། གཏོར་མ་དེས་ནད་དེ་ལས་ལྡང་བར་འགྱུར་རོ། ། 26.བྲ་ཉེ་ལ་སྐྱེས་པའམ། བུད་མེད་གང་ནད་ཀྱིས་བཏབ་པར་གྱུར་ན་སྨན་གྱིས་མི་འཚོ་སྟེ། དེའི་ལྷ་ནི་གཤིན་རྗེ་ཡིན་པའི་ཕྱིར་རོ། ། མཁས་པས་ཚུལ་ཁྲིམས་ལ་སྦྱར་བར་བྱ་སྟེ། དེས་མཐོ་རིས་སུ་འགྲོ་བར་འགྱུར་རོ། ། དེ་ནི་ནད་ཀུན་ནས་འབྱུང་བ་ཞེས་བྱ་བའི་ལེའུ་ཡིན་ནོ། །
Tibetan Source	《མདོ་ཨ་པ་》ཤ་426ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number