11019

Tibetan	གཉའ་ཁྲི་བཙན་པོའི་གཤེགས་རབས་ཉི་ཤུ་རྩ་བདུན།
Tibetan Alternate
Tibetan Definition	1.ཕ་བ་ཐག་རིང་རྩེ་དགུ་ལ་དགུ། འཚེ་མིས་འཚེ་བཙུགས། དུང་འཕར་པོ་འཕར་ཆུང་གིས་སྒྲ་བསྒྲགས་གླུ་འབྲང་ཟངས་ཡག་ལ་ཕྱག་འཇུས། རྨུ་སྐས་རིམ་དགུ་ལ་ཞབས་བརྟེན་ནས། ནམ་མཁའ་འཕྲུལ་ཙམ་དུ་གཤེགས། ། 2.དེ་ནས་གནམ་གྱི་མཐོངས་ཕྱེ། སྤྲིན་གྱི་གོ་བསལ་ནས་ས་དོག་མོ་ལ་གཟིགས་པས། རི་གཟིགས་ཀྱི་ནང་ནས་ལྷ་རི་གྱང་དོ་ལས་མཐོ་ཞིང་བཙན་པ་མ་མཆིས། ཐང་གཟིགས་ཀྱི་ནང་ནས། ཀོང་ཡུལ་སེ་མོ་གྲུ་བཞི་ལས་རྒྱ་ཆེ་ཞིང་བཤམས་ལེགས་པ་མ་གཟིགས། ཡུལ་གཟིགས་ནང་ནས་ཡར་མོ་རྣམ་བཞི་ལས་བཟང་ཞིང་གཤིན་པ་མ་གཟིགས། འབྲོག་གཟིགས་ནང་ནས་ཡམ་འབྲོག་རྣམ་གསུམ་ལས་བཟང་བ་མ་གཟིགས། ཆབ་གཟིགས་ཀྱི་ནང་ནས་གཙང་ཆབ་སྔོན་མོ་དང་ཤམ་ཆུ་ལས་གཙང་བ་མ་མཆིས་པར་གཟིགས་ནས། གཡུ་ཡུལ་གཡམ་ཁང་དུ་གཤེགས། 3.དེ་ས་གཡུ་ཡུལ་དྲང་བར་གཤེགས། 4.དེ་ནས་གཡུ་ཡུལ་བར་དོར་གཤེགས། 5.དེ་ནས་ཤར་ཕྱོགས་ལ་དོར་གཤེགས། 6.དེ་ནས་གྱང་ཐོག་ཐོག་ཡངས་སུ་གཤེགས། 7.དེ་ནས་བླ་འབྲུམ་གྱང་མདོར་གཤེགས། 8.དེ་ནས་ནགས་མ་བྱ་ཚང་ཅན་དུ་གཤེགས། 9.དེ་ནས་ཤིང་མུ་ལེ་གྲུམ་ཤིང་གི་རྩེར་གཤེགས། 10.དེ་ནས་མི་ཡུལ་གྱི་འཐིང་དུ་གཤེགས། 11.དེ་ནས་མཚོ་དང་སྒོའི་འགྲམ་དུ་གཤེགས། 12.དེ་ནས་བྲག་གི་བྲག་དམར་པོར་གཤེགས། 13.དེ་ནས་བླ་མ་དྭངས་མ་འབྲིང་བཅུར་གཤེགས། 14.དེ་ནས་དོགས་མོ་དོག་མོ་དོག་ཉེན་དུ་གཤེགས། 15.དེ་ནས་ཉག་ཉི་རྒྱབ་དམར་དུ་གཤེགས། 16.དེ་ནས་དྭགས་ཡེན་མཁར་དུ་གཤེགས། 17.དེ་ནས་ང་ལ་གཡའ་མ་གོང་དུ་གཤེགས། 18.དེ་ནས་དྭགསས་ཡུལ་ཤིང་ནག་ཏུ་གཤེགས། 19.དེ་ནས་བྲ་ལ་སྒོ་དྲུག་ཏུ་གཤེགས། 20.དེ་ནས་ཤར་ལ་འབྲིང་ལུང་དུ་གཤེགས། 21.དེ་ནས་དྲི་ང་བྲམ་སྣར་གཤེགས། 22.དེ་ནས་ལྷ་ལུང་སྟག་པར་གཤེགས། 23.དེ་ནས་ཀླུ་མོ་སྦྱང་པར་གཤེགས། 24.དེ་ནས་ཡར་ཁྱིམ་སོག་ཁར་གཤེགས། 25.དེ་ནས་ཁྱིམ་བུ་གོར་གོར་དུ་གཤེགས། 26.དེ་ནས་རྩང་ཐུད་གསུམ་དུ་གཤེགས། 27.དེ་ནས་ཙན་དང་སྒོ་བཞིར་གཤེགས། དེ་ནས་འཕར་པོ་ཟོ་བྲང་དུ་གཤེགས་སོ། ། དེ་ནས་སྐུ་མཁར་ཡུན་བུ་བླ་སྒྲུང་བརྩིགས་ཏེ། སུམ་པ་ཤང་གི་རྒྱལ་པོ་བཏུལ་ཏེ་རྫུ་འཕྲུལ་དང་ལྡན་ནོ། ། དེ་ལྟར་གཤེགས་རབས་ཉི་ཤུ་རྩ་བདུན་གྱིས་བྱོན་ཏེ། དེ་ནི་ཡོ་ག་ལྷ་གྱེས་ཅན་གྱི་ལོ་རྒྱུས་རྫོགས་ཏེ་སྟོད་ལྷ་རབས་སོ། ། ཞེས་སོ། །
Tibetan Source	《ལྡེའུ་ཆོས་འབྱུང་》དེབ་ཤ་235.8ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number