11025

Tibetan	བླ་གཉན་ནད་ཉི་ཤུ་རྩ་བདུན།
Tibetan Alternate
Tibetan Definition	དེ་ཡང་། རྩ་བར། གཅིག་གི་གནས་སུ་ནད་གཞན་ཞུགས་པ་དང་། ། རང་མ་ཞི་བར་གཞན་དུ་ལོག་པ་དང་། ། ནད་སྣ་གཉིས་སུ་འཐབ་པས་དགུ་ཚན་གསུམ། ། ཞེས་པའི་ཉེས་པ་གསུམ་པོ་གང་རུང་གཅིག་གི་གནས་སུ་ནད་གཞན་ཞུགས་པ་ནི། ། 1.རླུང་གི་གནས་སུ་མཁྲིས་པ་ཞུགས་པ། 2.རླུང་གི་གནས་སུ་བད་ཀན་ཞུགས་པ། 3.རླུང་གི་གནས་སུ་དེ་གཉིས་ཀ་ཞུགས་པ། 4.མཁྲིས་པའི་གནས་སུ་རླུང་ཞུགས་པ། 5.མཁྲིས་པའི་གནས་སུ་བད་ཀན་ཞུགས་པ། 6.མཁྲིས་པའི་གནས་སུ་དེ་གཉིས་ཀ་ཞུགས་པ། 7.བད་ཀན་གྱི་གནས་སུ་རླུང་ཞུགས་པ། 8.བད་ཀན་གྱི་གནས་སུ་མཁྲིས་པ་ཞུགས་པ། 9.བད་ཀན་གྱི་གནས་སུ་དེ་གཉིས་ཀ་ཞུགས་པ་དང་དགུའོ། ། སྔ་མའི་ནད་དེ་རང་མ་ཞི་བར་ཕྱི་མ་གཞན་གཅིག་གི་སྟོབས་སུ་གྱུར་པ་གཞན་དུ་ལྡོག་པ་སྟེ། 1.རླུང་མ་ཞི་བར་མཁྲིས་པར་ལྡོག་པ། 2.རླུང་མ་ཞི་བར་བད་ཀན་དུ་ལྡོག་པ། 3.རླུང་མ་ཞི་བར་དེ་གཉིས་ཀར་ལྡོག་པ། 4.མཁྲིས་པ་མ་ཞི་བར་རླུང་དུ་ལྡོག་པ། 5.མཁྲིས་པ་མ་ཞི་བར་དེ་གཉིས་ཀར་ལྡོག་པ། 6.མཁྲིས་པ་མ་ཞི་བར་བད་ཀན་དུ་ལྡོག་པ། 7.བད་ཀན་མ་ཞི་བར་མཁྲིས་པར་ལྡོག་པ། 8.བད་ཀན་མ་ཞི་བར་རླུང་དུ་ལྡོག་པ། 9.བད་ཀན་མ་ཞི་བར་དེ་གཉིས་ཀར་ལྡོག་པ་དང་དགུའོ། ། མཚན་ཉིད་མི་མཐུན་པའི་ནད་སྣ་གཉིས་སུ་འདོམ་ནས་འཐབ་པ་ནི། 1.རླུང་གིས་མཁྲིས་ཡུལ་འཕྲོག་ནས་བོད་ཀན་དང་འཐབ་པ། 2.རླུང་གིས་བད་ཀན་གྱི་ཡུལ་འཕྲོག་ནས་མཁྲིས་པ་དང་འཐབ་པ། 3.རླུང་རང་ཡུལ་བཟུང་ནས་དེ་གཉིས་ཀ་དང་འཐབ་པ། 4.མཁྲིས་པས་རླུང་ཡུལ་འཕྲོག་ནས་བད་ཀན་དང་འཐབ་པ། 5.མཁྲིས་པས་བད་ཡུལ་འཕྲོག་ནས་རླུང་དང་འཐབ་པ། 6.མཁྲིས་པས་རང་ཡུལ་བཟུང་ནས་དེ་གཉིས་ཀ་དང་འཐབ་པ། 7.བད་ཀན་གྱིས་རླུང་ཡུལ་འཕྲོག་ནས་མཁྲིས་པ་དང་འཐབ་པ། 8.བད་ཀན་གྱིས་མཁྲིས་ཡུལ་འཕྲོག་ནས་རླུང་དང་འཐབ་པ། 9.བད་ཀན་གྱིས་རང་ཡུལ་བཟུང་ནས་དེ་གཉིས་ཀ་དང་འཐབ་པ་དང་དགུ་བཅས་སོ། ། དེ་ལྟར་ཞུགས་པ་དགུ་དང་། ལྡོག་པ་དགུ་འདོམ་པ་དགུ་བཅས་སོ། །
Tibetan Source	《རྒྱུད་བཞིའི་འགྲེལ་ཆེན་དྲང་སྲོང་ཞལ་ལུང་》དེབ་དང་པོ་ཤ280.3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number