11032

Tibetan	ཨ་ཏིའི་དམ་ཚིག་ཉི་ཤུ་རྩ་བདུན།
Tibetan Alternate
Tibetan Definition	དེ་ཡང་། རྩ་བ་སྐུ་གསུང་ཐུགས་ཀྱི་དམ་ཚིག་གསུམ་ལ། ཕྱི་ནང་གསང་བ་གསུམ་གསུམ། དེ་རེ་རེ་ལའང་གསུམ་རེར་དབྱེ་བ་སྟེ། དང་པོ་སྐུའི་དམ་ཚིག་གསུམ་ཚན་སུམ་གྱི་ཕྱིའི་གསུམ་ནི། 1.རིམ་པར་མ་བྱིན་ལེན། 2.མི་ཚངས་སྤྱོད། 3.སྲོག་གཅོད་པ་དང་གསུམ་སྤང་བའོ། ། ནང་གི་གསུམ་ནི། ། 1.ཕ་མོ་རྡོ་རྗེ་སྤུན་སྲིང་དང་རང་ལུས་ལ་སྨོད་པ། 2.ཆོས་དང་གང་ཟག་ལ་སྨོད་པ། 3.རང་ལུས་ལ་རྡེག་འཚོག་དང་དཀའ་ཐུབ་ཀྱིས་བརྙས་ཤིང་གདུང་བ་རྣམས་སྤོང་བའོ། ། གསང་བའི་གསུམ་ནི། 1.རྡོ་རྗེ་སྤུན་སྲིང་གི་ལུས་ལ་རྡེག་པར་གཟས་ཤིང་རྒྱུན་ལ་སྨོད་པ། 2.རྡོ་རྗེ་མཆེད་ལྕམ་ལ་རྡེག་པ་དང་བླ་མའི་ཡུམ་ལ་པགཙེས་པ། 3.བླ་མའི་གྲིབ་མར་འགོང་བ་དང་སྤྱན་སྔར་ལུས་ངག་གི་སྤྱོད་པ་བག་མེད་རྣམས་སྤོང་བའོ། ། གཉིས་པ་གསུང་གི་དམ་ཚིག་གསུམ་ཚན་གསུམ་གྱི་ཕྱིའི་གསུམ་ནི། 1.རྫུན་ཚིག 2.ཕྲ་མ། 3.གཞན་གྱི་ཞེར་འདེབས་པའི་ཚིག་སྨྲ་བ་རྣམས་སྤང་བའོ། ། 4.ནང་གི་གསུམ་ནི། 1.ཆོས་ཀྱི་ཚིག་སྨྲ་བ། 2.དོན་ཡིད་ལ་བསམ་པ། 3.གནས་ལུགས་སྒོམ་པར་བྱེད་པ་རྣམས་ལ་གཤེ་སྐུར་འདེབས་པའོ། ། གསང་བའི་གསུམ་ནི། 1.རྡོ་རྗེ་སྤུན་སྲིང་གི་ཚིག 2.བླ་མའི་ཕྱག་རྒྱ་དང་ཉེ་འཁོར་གྱི་ཚིག 3.བླ་མའི་གསུང་རྣམས་ལ་བརྙེས་ཤིང་གཅོག་པ་རྣམས་སོ། ། གསུམ་པ་ཐུགས་ཀྱི་དམ་ཚིག་སུམ་ཚན་གསུམ་གྱི་ཕྱིའི་གསུམ་ནི། 1.གནོད་སེམས། 2.བརྣབ་སེམས། 3.ལོག་ལྟ་གསུམ་སྤང་བའོ། ། ནང་གི་གསུམ་ནི། 1.སྤྱོད་པ་ལོག་པ་བག་མེད། 2.སྒོམ་པ་ལོག་པ་བྱིང་རྒོད་དང་གོལ་སྒྲིབ། 3.ལྟ་བ་ལོག་པ་རྟག་ཆད་མཐར་འཛིན་རྣམས་སྤང་བའོ། ། གསང་བའི་གསུམ་ནི། 1.ཉིན་ཞག་གི་ཐུན་རེ་རེ་བཞིན་ལྟ་སྒོམ་སྤྱོད་གསུམ་ཡིད་ལ་མ་བྱས་པ། 2.ཡི་དམ་གྱི་ལྷ་ཡིད་ལ་མ་བྱས་པ། 3.བླ་མའི་རྣལ་འབྱོར་དང་མཆེད་ལྕམ་ལ་བརྩེ་གདུང་ཡིད་ལ་མ་བྱས་པ་རྣམས་སྤང་བའོ། ། དེ་དག་ནི་ཨ་ཏིའི་དམ་ཚིག་སྤྱི་ཡིན་ནོ། །
Tibetan Source	《ཤེས་བྱ་ཀུན་ཁྱབ་》དེབ་བར་ཆ་ཤ་193.9ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number