11047
| Tibetan | སྣ་ཚོགས་རིན་པོ་ཆེའི་དཔེ་ཉི་ཤུ་རྩ་བརྒྱད། |
|---|---|
| Tibetan Alternate | |
| Tibetan Definition | དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་གཉིས་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་ལས་སྐབས་གཉིས་པ་ཆོས་འཆད་ཉན་སྐོར་ལས་བྱུང་བ་སྟེ།
1.སྟག་མོའི་མཆོངས་སྟབས་ཤེས་རབ་ཀྱིས། ། དོན་གྱི་ས་ཆེན་བཅད་དེ་བཤད། ། 2.ཁྱུང་ཆེན་མཁའ་ལྡིང་ལྟ་བུའི་བློས། ། དོན་གྱི་ཁོག་རྣམས་ཕུབ་སྟེ་བཤད། ། 3.སེང་གེའི་གདངས་སྐད་ལྟ་བུའི་བློས། ། ཐེག་དམན་ཟིལ་གྱིས་མནན་ཏེ་བཤད། ། 4.རུས་སྦལ་ནུར་འགྲོས་ལྟ་བུའི་བློས། ། ཡི་གེའི་འབྲུ་རྣམས་ཚོམས་པར་བཤད། ། 5.ཕོ་རོག་སོར་རྟོག་(སོ་ཏོག་)ལྟ་བུའི་བློས། ། གོལ་སྒྲིབ་གདར་ཤ་བཅད་དེ་བཤད། ། 6.གྱད་ཀྱི་དོར་ཐབས་ལྟ་བུའི་བློས། ། རྒྱས་པ་དོན་ལ་བསྡུས་ཏེ་བཤད། ། 7.གླང་ཆེན་ཉལ་བ་ལྟ་བུའི་བློས། ། ལྟ་བ་དམིགས་ལ་བཙུད་དེ་བཤད། ། 8.མཁའ་ལྡིང་རྒུམ་མཐུ་ལྟ་བུའི་བློས། ། དོན་གྱི་དམིགས་རྣམས་བཙལ་ཏེ་བཤད། ། 9.གླག་མོ་གཟན་འཛུམས་ལྟ་བུའི་བློས། ། དོན་ལ་ཐེ་ཚོམ་མེད་པར་བཤད། ། 10.གནའ་ཕྲུག་བྲག་འཛེག་ལྟ་བུའི་བློས། ། མི་འཚམས་པ་དང་འཚམས་པར་བཤད། ། 11.མུ་ཏིག་སྟར་བརྒྱུས་ལྟ་བུའི་བློས། ། མན་ངག་དོན་དུ་བསྡེབས་ཏེ་བཤད། ། 12.དུས་ཀྱི་འབྲུག་ཆར་ལྟ་བུའི་བློས། ། ཕ་རོལ་སུན་རྣམས་ཕྱུང་སྟེ་བཤད། 13.མཚན་མ་བུད་པ་ལྟ་བུའི་བློས། ། སྒོ་མོ་ཀུན་དང་བསྡུར་ཏེ་བཤད། ། 14.དཔག་བསམ་ལྗོན་ཤིང་ལྟ་བུའི་བློས། ཤིན་ཏུ་རྒྱས་པ་ཆེན་པོར་བཤད། ། 15.མཁའ་གསལ་ཉི་མ་ལྟ་བུའི་བློས། ། ཐམས་ཅད་ཡོངས་སུ་ཁྱབ་པར་བཤད། ། 16.གཏིང་གསལ་ཟླ་བ་ལྟ་བུའི་བློས། ། འཁོར་བ་མྱ་ངན་འདས་པར་བཤད། ། 17.སེང་གེ་བཞུགས་ཚུལ་ལྟ་བུའི་བློས། ། སྒོམ་པའི་དོན་དང་བསྟུན་ཏེ་བཤད། ། 18.ངང་མོ་མཐུན་འགྲོས་ལྟ་བུའི་བློས། ། དོན་གྱི་ཁོག་ཕུབ་བསྡེབས་ཏེ་བཤད། ། 19.བར་སྣང་འཇའ་ཚོན་ལྟ་བུའི་བློས། ། ཆོས་དབྱིངས་རྒྱན་དངབཅས་པར་བཤད། ། 20.སྤུ་གྲི་སོ་འདེབས་ལྟ་བུའི་བློས། ། ལྟ་བ་ལ་ཤན་ཕྱེ་སྟེ་བཤད། ། 21.མེ་ལོང་དཀྱིལ་འཁོར་ལྟ་བུའི་བློས། ། རྒྱུ་རྐྱེན་གཉིས་དང་བཅས་ཏེ་བཤད། ། 22.བར་སྣང་གློག་འགྱུ་ལྟ་བུའི་བློས། ། ཚིག་རེ་དོན་རེས་མྱུར་བར་བཤད། ། 23.ནམ་མཁའ་སྟོང་པ་ལྟ་བུའི་བློས། ། རྒྱ་ཆེ་ཐུག་པ་མེད་པར་བཤད། ། 24.ཟུག་པ་རྩ་བ་ལྟ་བུའི་བློས། ། རིག་པའི་ངོ་བོ་བསྟན་ཏེ་བཤད། ། 25.འདྲིལ་བ་སྡོང་པོ་ལྟ་བུའི་བློས། ། ཆོས་རྣམས་དོན་ལ་དྲིལ་ཏེ་བཤད། ། 26.གྱེས་པ་ཡལ་ག་ལྟ་བུའི་བློས། ། གདམས་ངག་དོན་གྱིས་བཏབ་ཏེ་བཤད། ། 27.རྒྱས་པ་ལོ་འདབ་ལྟ་བུའི་བློས། ། ཉི་ཤུ་རྩ་གཅིག་ལྟ་བུར་བཤད། ། 28.གསལ་བ་མེ་ལོང་ལྟ་བུའི་བློས། ། སྒྲོན་མ་རྣམ་པ་གཉིས་ལྟར་བཤད། ། 29.སྨིན་པ་འབྲས་བུ་ལྟ་བུའི་བློས། ། འབྲས་བུ་འགྱུར་མི་ལྡོག་པར་བཤད། ། དེ་ལ་སོགས་པའི་བཤད་ཐབས་རྣམས། ། རིམ་པ་བཞིན་དུ་ཤེས་པར་བྱ། ། ཞེས་སོ། ། (སྐབས་འདིར་གཅིག་འཕར་བ་དཔྱད།།) |
| Tibetan Source | 《མདོ་རྒྱུད་མཛོད་ཆ་པ་》ཤ་61.12ལས་བཏུས། ། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |