11051

Tibetan	ལུས་ཀྱི་གྲུབ་སྟངས་ཉེར་བརྒྱད།
Tibetan Alternate
Tibetan Definition	དེ་ཡང་། དཀོན་བརྩེགས་འཕགས་པ་ཁྱིམ་བདག་དཔལ་བྱིན་གྱིས་ཞུས་པའི་མདོ་ལས་བྱུང་བ་སྟེ། 1.ལུས་ཞེས་བྱ་བ་འདི་ནི་རུས་པ་སུམ་བརྒྱ་དྲུག་ཅུས་ཁོག་པ་བསླང་བ། 2.ཤིང་ངན་པའི་ཁྱིམ་ལྟར་ཚིགས་སུམ་བརྒྱས་སྦྱར་བ། 3.རྩའི་དྲ་བ་བཞི་བརྒྱས་ཀླགས་པ། 4.ཤ་སྤར་ཚད་ལྔ་བརྒྱས་གཡོས་པ། 5.སྡོམ་རྩ་དྲུག་གིས་ཁེབས་པ། 6.རྩ་བདུན་བརྒྱས་གང་བ། 7.རྒྱུས་པ་བདུན་བརྒྱས་སྦྲེལ་བ། 8.ཆུ་བོ་བཅུ་དྲུག་གིས་བརྟན་པ། 9.ཆུ་བ་གཉིས་ཀྱིས་ཁྱབ་པར་དཀྲིས་པ། 10.རྒྱུ་མ་འདོམ་ཕྱེད་དང་བཞིས་ནང་ཁྲོལ་བྱས་པ། 11.ལོང་ཀ་དང་། ཕོ་བ་དང་འབྲེལ་བའི་གཉེར་མ་རིམ་པ་བཅུ་དྲུག་ཏུ་འཁྱིལ་བ། 12.རྩ་ཕྲན་ཉིས་སྟོང་ལྔ་བརྒྱས་སྐར་ཁུང་བྱས་པ། 13.གཤིས་བརྒྱ་རྩ་བདུན་གྱིས་སྣོད་ཆག་པ་ལྟར་ཤིག་ཤིག་པོར་གྱུར་པ། 14.སྤུའི་ཁུང་བུ་བྱེ་བ་བརྒྱ་སྟོང་ཕྲག་བརྒྱད་ཅུས་རྩྭ་ལྟར་ཁེབས་པ། 15.དབང་པོ་ལྔའི་བུ་ག་དགུ་ཡོད་པ། 16.གནས་བདུན་དང་ལྡན་པ་མི་གཙང་བས་ཡོངས་སུ་གང་བ། 17.ཀླད་པ་སྙིམ་པ་གང་། 18.ཚིལ་སྙིམ་པ་གང་། 19.ཞག་སྙིམ་པ་གསུམ། 20.བད་ཀན་སྙིམ་པ་དྲུག 21.མཁྲིས་པ་སྙིམ་པ་དྲུག 22.རླུང་གིས་མཐའ་དག་དྲངས་པ། 23.ཁྲག་བྲེ་གང་། 24.ངན་སྐྱུགས་ཕུལ་གང་། དེ་དག་ཐམས་ཅད་ཀྱིས་བང་བ་བར་བཅད་པ་ལྟར་སོ་སོར་ཡོངས་སུ་གང་བ། 25.པགས་པ་རིམ་པ་བདུན་གྱིས་ཀུན་ནས་བསྐོར་བ། 26.རོ་བྲོ་བ་དྲུག་གིས་གསོ་བ། 27.ལུས་ཀྱི་མེ་ལ་ངན་སྐྱུགས་ཀྱི་སྦྱིན་སྲེག་བྱེད་པ། 28.རྟག་ཏུ་མཐར་འཛག་པ། ལུས་ཀྱི་ཡན་ལག་དེ་དག་ཐམས་ཅད་ཀྱིས་བལྟ་ན་མི་སྡུག་པ་དྲི་ང་བ། རྣག་གི་རང་བཞིན་ཅན་ཡིན་པ་དང་ཉེར་བརྒྱད་དོ། །
Tibetan Source	《དཀོན་བརྩེགས་ཅ་པ་》ཤ་345ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number