11078

Tibetan	སྤང་ལྟུང་སུམ་ཅུ།
Tibetan Alternate
Tibetan Definition	ཁག་གཉིས་པ། སྤང་ལྟུང་གི་སྡོམ་ལས་བཅུ་ཚན་དང་པོའི་སྡོམ་ནི། འཆང་བ་བྲལ་བ་འཇོག་པ་དང་། ། འཁྲུར་འཇུག་པ་དང་ལེན་པ་དང་། ། སློང་དང་སྟོད་གཡོགས་སྨད་གཡོགས་བཅས། ། རིན་ཐང་སོ་སོར་བསྐུར་བའོ། ། ཞེས་དང་། བཅུ་ཚན་གཉིས་པའི་སྡོམ་ནི། སྲིན་བལ་བལ་ནག་ཆ་གཉིས་དང་། ། དྲུག་དང་མཐོ་གང་ལམ་དང་ནི། ། འཁྲུ་བ་དང་ནི་གསེར་དངུལ་ལེན། ། མངོན་ཚན་ཅན་དང་ཉོ་ཚོང་ངོ་། ། བཅུ་ཚན་གསུམ་པའི་སྡོམ་ནི། ལྷུང་བཟེད་གཉིས་དང་ཐ་ག་གཉིས། ། བྱིན་འཕྲོག་སྟོན་ཟླ་ཐ་ཆུང་དང་། ། དགོན་པ་བ་དང་རས་ཆེན་དང་། ། བསྔོས་པ་དང་ནི་གསོག་འཇོག་གོ ། ཞེས་གསུངས་པ་ཞིབ་པར་བཀྲལ་ན། 1.གོས་ལྷག་འཆང་བའི་སྤང་བ། 2.འབྲལ་བའི་སྤང་བ། 3.ཟླ་འཇོག་གི་སྤང་བ། 4.ཆོས་གོས་འཁྲུར་འཇུག་པའི་སྤང་བ། 5.གོས་ལེན་པའི་སྤང་བ། 6.སློང་བའི་སྤང་བ། 7.སྟོད་གཡོགས་སྨད་གཡོགས་བཅས་པའི་སྤང་བ། 8.རིན་ཐང་གི་སྤང་བ། 9.སོ་སོ་བའི་སྤང་བ། 10.བསྐུར་བའི་སྤང་བ་བཅས་ནི་བཅུ་ཚན་དང་པོའོ། ། 11.སྲིན་བལ་གྱི་སྟན་སྤང་བ། 12.བལ་ནག་གི་སྟན་སྤང་བ། 13.ཆ་གཉིས་བསྲེས་པའི་སྟན་སྤང་བ། 14.ལོ་དྲུག་གི་སྤང་བ། 15.མཐོ་གང་གི་སྤང་བ། 16.ལམ་དུ་བལ་ཐོགས་པའི་སྤང་བ། ། 17.བལ་འཁྲུར་འཇུག་པའི་སྤང་བ། 18.གསེར་དངུལ་ལེན་པའི་སྤང་བ། 19.མངོན་ཚན་ཅན་གྱི་སྤང་བ། 20.ཉོ་ཚོང་བྱེད་པའི་སྤང་བ་དང་ཉི་ཤུའོ། ། བཅུ་ཚན་གསུམ་པ་ནི། 21.ལྷུང་བཟེད་འཆང་བའི་སྤང་བ། 22.ལྷུང་བཟེད་ལྷག་པོ་འཚོལ་བའི་སྤང་བ། 23.བལ་འཐག་ཏུ་འཇུག་པའི་སྤང་བ། 24.འཐག་པ་བསྐྱེད་པའི་སྤང་བ། 25.བྱིན་འཕྲོག་གི་སྤང་བ། 26.སྟོན་ཟླ་ཐ་ཆུང་ལ་ཐལ་བའི་སྤང་བ། 27.དགོན་པ་བའི་སྤང་བ། 28.དབྱར་གྱི་རས་ཆེན་དུས་མ་ཡིན་པར་འཚོལ་བ་དང་འཆང་བའི་སྤང་བ། 29.བསྔོས་པ་གཞན་དུ་བསྒྱུར་བའི་སྤང་བ། 30.གསོག་འཇོག་གི་སྤང་བ་བཅས་སོ།
Tibetan Source	《ཀློང་རྡོལ་གསུང་འབུམ་》གླེགས་བམ་དང་པོ་ཤ་501.12ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number