11091

Tibetan	ལུས་ཀྱི་ནད་གསོ་བའི་མདོའི་གནས་ཀྱི་ལེའུ་སུམ་ཅུ།
Tibetan Alternate
Tibetan Definition	དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ་ལས་བྱུང་བ་སྟེ། 1.ཚེ་རིང་བར་འདོད་ན་ཉིན་རེ་ཞིང་རྟག་ཏུ་ཇི་ལྟར་བྱ་བ། 2.ལོ་གཅིག་ཅིང་དུས་ཚིགས་ཐ་དད་པ་དྲུག་ཡོད་པ་ལ་ཁ་ཟས་ལ་སོགས་པའི་ཆོ་ག་དང་དཔྱད་ཇི་ལྟར་བྱ་བ། 3.རྟག་པར་བདེ་ཞིང་ནད་མེད་པར་བྱ་བ། 4.སྐོམ་ཅི་དང་ཅི་བཏུང་བ། 5.ཁ་ཟས་སོ་སོའི་བྱེ་བྲག་ཤེས་པར་བྱ་བ། 6.ཁ་ཟས་དང་། སྐོམ་ལ་སོགས་པའི་ནང་དུ་དུག་བཏབ་པ་ཐམས་ཅད་ལ་ཚོར་ཞིང་ངོས་ཟིན་པར་བྱ་བའི་ཐབས་བསྟན་ཏེ། ཟས་བསྡམས་པར་བྱ་བ་བཤད་པ། 7.ཟས་རན་པར་བཟའ་བའི་ཚོད་གཟུང་བ་བསྟན་པ། 8.-10.སྨན་སྣ་སོ་སོའི་མཐུ་དང་ཡོན་ཏན་དང་ཞུ་བའི་རྗེས་བསྟན་པ། 11.སྨན་གྱི་ཁུ་བ་མངར་བ་དང་། སྐྱུར་བ་དང་། ཁ་བ་ལ་སོགས་པའི་བྱེ་བྲག་རོ་ལ་གནས་པ་བསྟན་པ། 12.བད་ཀན་དང་རླུང་དང་མཁྲིས་པ་ལ་སོགས་པའི་ནད་ཤེས་པར་བྱ་བ། 13.ནད་དེ་དག་གི་སོ་སོའི་བྱེ་བྲག་དབྱེ་བ། 14.ནད་སོ་སོའི་གསོ་བའི་ཐབས་གཉིས་པ་བསྟན་པ། 15.རིད་པ་དང་སྐེ་ཞིང་ཉམ་ཆུང་བ་བརྟ་བའི་ཐབས། 16.སྣུམ་བག་དཔྱད་ཀྱི་ཆོ་ག་བྱ་བ། 17.སྐྱུག་སྨན་དང་བཀྲུ་སྨན་ལ་སོགས་པའི་ནད་སྦྱང་བར་བྱ་བ། 18.དུགས་དང་ལུམ་བྱ་བ། 19.མས་བཀྲུ་ཞིང་བསལ་བ་ལ་སོགས་པས་ལུས་བརྟན་པར་བྱ་བ། 20.སྣ་ནས་བཏང་བ་དང་། སྨན་གྱི་དུད་པ་བཏང་ཞིང་བརྔུབ་པ། 21.བད་ཀན་རྒྱས་སམ་སོ་འགུལ་ལམ་ན་བ་ལྟ་བུ་ལ་ཏིལ་མར་རམ་སྨན་གྱི་ཁུ་བ་ཁར་བླུགས་ཤིང་དོར་བ། 22.མིག་སྨན་བླུགས་ཤིང་མིག་ནད་བཀྲུ་བ། 23.མིག་ནད་བཀྲུས་ནས་མིག་གསོ་བའི་སྨན་གཏང་བ། 24.མདའ་ལ་སོགས་པའི་མཚོན་གྱིས་རྨས་ཏེ་མདེའུ་ཁོང་དུ་ལུས་པ་དང་། ཚེར་མ་ཟུག་པའམ། གྲེ་བར་སྣད་པའམ། གྲ་མ་ཆག་པར་དབྱུང་བའི་ཐབས། 25.གཙགས་བུ་དང་། གཙགས་ཁབ་ལ་སོགས་པ་སྣ་ཚོགས་ཀྱི་བྱེ་བྲག 26.ཙེའི་བྱེ་བྲག 27.མཚོན་ཁོང་དུ་ལུས་པ་དབྱུང་བའི་ཆོ་ག 28.གཏར་སྦྱངས་སོ་སོས་ནད་དམིགས་གང་དང་གང་ལ་གདབ་པ། 29.ཐལ་སྨན་སྔོན་པོའི་སྨན་གྱིས་བསྐུ་བ། 30.མེ་བཙའ་གདུབ་པའི་ལས་བྱ་བ་བཅས་སོ། ། (སྐབས་འདིར་གཞུང་དུ་རྣམ་གྲངས་རྣམས་དཀྱུས་གཅིག་ཏུ་གསུངས་པས་ཁག་དབྱེ་དཀའ་ཙམ་ལ་བརྟེན་འདིར་བཀོད་པའི་རྣམ་གྲངས་ཀྱི་དབྱེ་བ་འདི་དག་དོན་ལ་གནས་མིན་དཔྱད་པར་ཞུ།)
Tibetan Source	《བསྟན་འགྱུར་གསོ་རིག་ཧེ་པ་》ཤ་340ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number