11103

Tibetan	སྐྱེས་བུ་ཆེན་པོའི་མཚན་སོ་གཉིས།
Tibetan Alternate
Tibetan Definition	ཁག་བཞི་པ། དཔལ་རྡོ་རྗེ་སྙིང་པོ་ཅན་ཅེས་བྱ་བའི་རྒྱུད་ཀྱི་རྒྱལ་པོ་ལས་བྱུང་བ་སྟེ། 1.ཕྱག་དང་ཞབས་ཀྱི་མཐིལ་འཁོར་ལོས་མཚན་པ་ཉིད་དེ། འདི་ཡི་ཕྱག་དང་ཞབས་ཀྱི་མཐིལ་དག་ལ་འཁོར་ལོ་རྩིབས་སྟོང་ཅན་ལྟེ་བ་དང་བཅས་པ། མུ་ཁྱུད་དང་བཅས་པ་རྣམ་པ་ཐམས་ཅད་ཡོངས་སུ་རྫོགས་པའོ། ། 2.ཕྱག་དང་ཞབས་ཀྱི་མཐིལ་ལེགས་པར་གནས་པ་སྟེ། ཞབས་ཀྱི་ཐམས་ཅད་ཀྱིས་ས་གཞི་ལ་རེག་ཅིང་དེ་ཡང་འདིའི་མཐོ་བ་ནི། དམའ་བ་དང་། དམའ་བ་ནི་མཐོ་བའོ། ། ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུ་དྲོ་བས་འབྲེལ་པ་སྟེ། དེ་བཞིན་གཤེགས་པ་རྣམས་ཀྱི་ཕྱག་དག་དང་ཞབས་དེ་དག་གསེར་གྱི་མདོག་ཅན་གྱི་རི་མོའི་ཕྲེང་བ་རྣམས་ཀྱིས་རྐང་པ་བརྒྱུད་པ་བཞིན་དུ་མཛེས་པའོ། ། 3.ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཉིད་དེ། བཅོམ་ལྡན་འདས་འདིའི་ཕྱག་དང་ཞབས་དག་རས་བལ་འཇམ་པོ་བཞིན་དང་སྐྱེས་ནས་ཟླ་བ་ལོན་པའི་བྱིས་པ་བཞིན་དུ་གཞོན་ཤ་ཅན་དང་། ཀཱ་ཙ་ལིན་ད་ལྟར་འཇམ་པ། རེག་ན་བདེ་བའོ། ། 4.བདུན་མཐོ་བར་གྱུར་ཏེ་ཕྱག་གཉིས་དག་དང་། ཞབས་གཉིས་དག་དང་། ཕྲག་གོང་དག་དང་། མགྲིན་པའི་ཕྱོགས་གཅིག་གོ ། 5.སོར་མོ་རིང་བ་སྟེ། འདི་ཡི་ཞབས་ཀྱི་སོར་མོ་རྣམས་རིམ་གྱིས་རིང་བ་ཉིད་དོ། ། 6.རྟིང་པ་ཡངས་པ་སྟེ། འདིའི་རྟིང་པ་ཆེ་ཞིང་ཞབས་ཀྱི་རྗེས་སུ་འཚམ་པར་ཡངས་པར་འགྱུར་རོ། ། 7.སྐུ་ཆེ་ཞིང་དྲང་བ་ཉིད་དེ། འཕྱེ་བོ་མ་ཡིན་ཞིང་། ཞོམ་པ་མ་ཡིན། མ་ཚང་བ་མ་ཡིན། འཐུས་པ་མ་ཡིན། ལེགས་པར་སྐྱེས་པ། རྣམ་པ་ཐམས་ཅད་པ། བདུན་དང་ལྡན་པའི་སྐུ་སྟེ། མཐོ་བ་འདིའི་སྲིད་དང་རྗེས་སུ་འཚམ་པའི་ཞིང་དུ་འགྱུར་རོ། ། 8.ཞབས་འབུར་མི་མངོན་པ་ཉིད་དེ། འདིའི་པུས་མོ་དང་ལོང་བུ་མཐོ་བར་འགྱུར་རོ། ། 9.བ་སྤུའི་རྩེ་མོ་གྱེན་དུ་ཕྱོགས་པ་སྟེ། འདིའི་བ་སྤུ་རྣམས་རྩེ་མོ་གྱེན་དུ་ཕྱོགས་པར་འགྱུར་ཞིང་། བ་སྤུ་རྣམས་གཡས་ཕྱོགས་སུ་འཁྱིལ་ལ་འཁོར་བ་མིག་སྨན་གྱི་མདོག་ཅན་རྣམས་ཏེ། དེ་རྣམས་ཀྱིས་གསེར་གྱི་མདོག་ཅན་གྱི་སྐུ་མངོན་པར་གསལ་བར་བྱེད་དོ། ། 10.བྱིན་པ་རི་དྭགས་ཨེ་ན་ཡའི་ལྟ་བུ་སྟེ། བཅོམ་ལྡན་འདས་ཀྱི་བྱིན་པོ་དག་ཟླུམ་པ་རི་དྭགས་ཨེ་ན་ཡ་རྣམས་ཀྱི་ལྟ་བུའོ། ། 11.ཕྱག་རིང་ཞིང་མཛེས་པ་སྟེ། རྒྱས་ཤིང་མ་བཏུད་པ་ཉིད་དུ་ཕྱག་མཐིལ་དག་གིས་རང་གི་པུས་མོའི་ལྷ་ང་ལ་རེག་པའོ། ། 12.འདོམས་ཀྱི་སྦ་བ་སྤུབས་སུ་ནུབ་པ་སྟེ། སྤུབས་ཀྱིས་རབ་ཏུ་གཡོགས་པ་གླང་པོ་ཆེའི་གསང་གནས་ལྟ་བུར་འགྱུར་རོ། ། 13.སྐུ་མདོག་གསེར་འདྲ་བ་སྟེ། འདིའི་ཁ་དོག་གསེར་ལྟ་བུར་འགྱུར་རོ། ། 14.པགས་པ་སྲབ་པ་སྟེ། ཤིན་ཏུ་འཇམ་པ་གསེར་ཤོག་ལྟར་འཇམ་པའི་པགས་པ་ཅན་དུ་འགྱུར་ཞིང་རྡུལ་མེད་པའི་ན་བཟའ་འཛིན་པའོ། ། 15.སྤུ་རེ་རེ་ནས་སྐྱེས་པ་སྟེ། འདིའི་བ་སྤུའི་ཁུང་བུར་སྤུ་རྣམས་རེ་རེར་འགྱུར་རོ། ། 16.སྨིན་མའི་དབུས་ན་མཛོད་སྤུ་ཅན་ཏེ། འདིའི་སྨིན་མ་དག་གི་དབུས་ན་རས་སྐུད་ལེགས་པ་ལྟ་བུ་དུང་བཅག་པའི་མདོག་ཅན་གཡས་ཕྱོགས་སུ་འཁྱིལ་བར་འགྱུར་ཏེ། མཛོད་སྤུ་ཉིད་ཀྱིས་ཞལ་གསེར་གྱི་ཁ་དོག་ལྟ་བུ་ཤིན་ཏུ་གསལ་བར་བྱེད་དོ། ། 17.རོ་སྟོད་སེངྒེ་ལྟ་བུ་སྟེ། འདི་ཡི་སྐུ་སྟོད་དུ་ཡངས་པ་སེང་གེའི་ལྟ་བུར་འགྱུར་རོ། ། 18.དཔུང་མགོ་ཟླུམ་པ་སྟེ། ཡོངས་སུ་ཟླུམ་པའི་མགྲིན་པ་ཅན་དུ་འགྱུར་རོ། ། 19.ཐལ་གོང་རྒྱས་པ་སྟེ། འདིའི་ཉེ་བར་རྒྱས་པར་འགྱུར་ཞིང་གསེར་ཤོག་བཞིན་ དུ་རྣམ་པར་གསལ་བའི་མགྲིན་པ་ཅན་ནོ། ། 20.ཡན་ལག་སོ་སོ་རྣམས་མྱོང་བར་བྱེད་དོ། ། ཞེས་པས་ན། རོ་བྲོ་བའི་མཆོག་དང་ལྡན་པ་ཉིད་དེ། རྩ་རྣམས་ཡིན་ལ། དེ་རྣམས་ཀྱི་མཆོག་ཏུ་རླུང་དང་། མཁྲིས་པ་དང་། བད་ཀན་ལ་སོགས་པ་རྣམས་ཀྱིས་མ་དཀྲུགས་པ་ཉིད་ཀྱི་ཕྱིར་ཡང་དག་པར་གསལ་བའོ། ། 21.ཤིང་ནྱ་གྲོ་དྷ་ལྟར་ཆུ་ཞེང་གབ་པ་སྐྱེས་བུ་ཆེན་པོའི་ཆུ་དང་ཞེང་མཉམ་པའོ། ། 22.དབུ་གཅུག་ཏོར་དང་ལྡན་པ་སྟེ། དབུ་ཟླུམ་པར་འགྱུར་ཞིང་གཙུག་ཏོར་གདུགས་ལྟ་བས་ཡས་བཀག་པ་གཙུག་ཏོར་ཡང་ཤིན་ཏུ་མཐོ་བའོ། ། 23.ལྗགས་རིང་བ་སྟེ། སྙན་གྱི་མཐའི་བར་དུ་ལྗགས་ཀྱི་རྩེ་མས་རེག་པར་བྱེད་ཅིང་། དབུ་སྐྲའི་མཐར་ཐུག་པར་ཡང་དཔྲལ་པའི་མཐར་ལྗགས་ཀྱིས་ཁེབས་པའོ། ། 24.ཚངས་པའི་དབྱངས་ཏེ། འཁོར་སྟོང་ཕྲག་དུ་མར་དབྱངས་ནང་དུ་ཇི་ལྟ་བ་དེ་ལྟར་ཕྱི་རོལ་དུའང་ཐོས་ཤིང་། བྱ་ཀ་ལ་པིངྐའི་བཞིན་དུ་སྙན་པ་ཉིད་དུ་འགྱུར་རོ། ། 25.འགྲམ་པ་སེང་གེ་ལྟ་བུ་སྟེ། འགྲམ་པ་དག་སེང་གེའི་བཞིན་དུ་ཟླུམ་པོར་འགྱུར་རོ། ། 26.ཚེམས་དཀར་བ་སྟེ། དུང་དང་། ཀུན་ད་དང་། ཟླ་བའི་ཁ་དོག་ཅན་གྱི་ཚེམས་རྣམས་སོ། ། 27.ཚེམས་མཉམ་པ་སྟེ། ཧ་ཅང་དམའ་བ་མ་ཡིན། མཐོ་བ་མ་ཡིན། མི་མཉམ་པ་མ་ཡིན་པའི་རྩེ་མོ་ཅན་གྱི་ཆོས་རྣམས་སུ་འགྱུར་རོ། ། 28.ཚིམས་ཐགས་བཟང་བ་སྟེ། ཚེམས་རྣམས་བར་མེད་པའོ། ། 29.ཚེམས་བཞི་བཅུ་མངའ་བ་སྟེ། ཚེམས་འོག་ཏུ་ཉི་ཤུ་དང་། སྟེང་དུ་ཚེམས་ཉི་ཤུའོ། ། 30.སྤྱན་མཐོན་མཐིང་སྟེ། སྤྱན་དག་གི་སྔོན་པོ་གང་ཡིན་པ་དེ་ཤིན་ཏུ་རྣམ་པར་དག་པར་འགྱུར་ཏེ། རི་མོ་དམར་མོ་རྣམས་དང་མ་འདྲེས་པ་ཉིད་ཀྱི་ཕྱིར་ལ། གང་དཀར་པོ་ཡིན་པ་དཀར་པོ་ཁོ་ན་ཤིན་ཏུ་རྣམ་པར་དག་པར་འགྱུར་རོ། ། 31.རྫི་མ་བའི་ལྟ་བུ་སྟེ། སྤྱན་གྱི་རྫི་མ་རྣམས་ཁྱུ་མཆོག་གི་བཞིན་དུ་གང་འོག་མ་ཡིན་པ་དེ་རྣམས་འོག་ཁོ་ན་དང་། གང་སྟེང་མ་ཡིན་པ་དེ་རྣམས་སྟེང་ཁོ་ནར་གནས་པ། མ་འཛིངས་པ། ལེགས་པར་གཞོལ་པའོ། ། 32.སེམས་ཅན་འགའ་ཞིག་རྣམས་ཀྱིས་དེ་བཞིན་གཤེགས་པ་གསེར་གྱི་མདོག་ཅན་དུ་མཐོང་བ། འགའ་ཞིག་རྣམས་ཀྱིས་ཤེལ་གྱི་མདོག་ཅན་དུ་མཐོང་བ། འགའ་ཞིག་གིས་པདྨ་རཱ་གའི་ཁ་དོག་དང་། འགའ་ཞིག་གིས་ཨིནྡྲ་ནི་ལའི་ཁ་དོག་ཅན་དང་། འགའ་ཞིག་གིས་མུ་ཏིག་དམར་པོའི་ཁ་དོག་ཅན་དང་། འགའ་ཞིག་གིས་དུང་དང་ཀུན་ད་དང་ཟླ་བ་ལྟར་དཀར་བ། འགའ་ཞིག་གིས་ཁ་དོག་སྣ་ཚོགས་པ། འགའ་ཞིག་གིས་ནམ་མཁའི་མདོག་ཅན། འགའ་ཞིག་གིས་ཁྲུ་ཕྱེད་དང་བཅུ་གསུམ་པའི་ཚད་དང་།་ཇི་སྲིད་དུ་དཔག་ཚད་འབུམ་གྱི་ཚད་དམ། དཔག་ཚད་བྱེ་བའི་ཚད་དང་། ཇི་སྲིད་དུ་འཇིག་རྟེན་གྱི་ཁམས་རབ་འབྱམས་རྒྱ་མཚོའི་སྤྲིན་མཐའ་ཡས་པ་རྣམས་སུ་སྣང་བར་མཛད་པའི་འོད་ཀྱི་དཀྱིལ་འཁོར་ཅན་ལ་སོགས་པ་སྣང་བར་བྱས་ནས་སེམས་ཅན་རྣམས་ལ་ཕན་འདོགས་ཤིང་། ཕན་བཏགས་ནས་བྱང་ཆུབ་ཆེན་པོ་ལ་རབ་ཏུ་འགོད་པར་མཛད་དོ། །
Tibetan Source	《རྒྱུད་ཉ་པ་》ཤ་112བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number