11108

Tibetan	རྒྱལ་པོ་ཟས་གཙང་མའི་སྐྱེད་མོས་ཚལ་དུ་བྱུང་བའི་སྔ་ལྟས་སུམ་ཅུ་སོ་གཉིས།
Tibetan Alternate
Tibetan Definition	དེ་ཡང་། མདོ་རྒྱ་ཆེར་རོལ་པ་ལས་བྱུང་བ་སྟེ། 1.མེ་ཏོག་ཐམས་ཅད་ཁ་འབུས་ནས་རྒྱས་པར་གྱུར་པ། 2.རྫིང་དག་ན་མེ་ཏོག་ཨུཏྤ་ལ་དང་། པདྨ་དང་། ཀུ་མུ་ད་དང་། པདྨ་དཀར་པོ་ཡོད་པ་དག་ཀྱང་ཁ་འབུས་ནས་རྒྱས་པར་གྱུར་པ། 3.མེ་ཏོག་དང་འབྲས་བུའི་ཤིང་ལྗོན་པ་གསར་པ་དག་ཀྱང་སལསཐོན་ཏེ་ཁ་འབུས་ནས་པར་གྱུར་པ། 4.རིན་པོ་ཆེའི་ཤིང་ལྗོན་པ་བརྒྱད་བྱུང་བ། 5.གཏེར་ཆེན་པོ་ཉི་ཁྲི་འབུས་ཏེ་བྱུང་ནས་གནས་པར་སྣང་བ། 6.ཁྱིམ་གྱི་ནང་དུའང་རིན་པོ་ཆེའི་མྱུ་གུ་ཐོན་པ། 7.སྤོས་ཆུའི་དཔལ་གྱི་ཝ་འབྲུ་མར་དྲི་ཞིམ་པོས་སྦགས་པ་རྣམས་ཀྱང་ཟག་པར་གྱུར་པ། 8.གངས་ཀྱི་རིའི་ངོས་ལས་སེངྒེའི་ཕྲུག་གུ་དག་འོངས་ཏེ་དགའ་བར་རྩེ་ཞིང་སེར་སྐྱའི་གྲོང་ཁྱེར་དམ་པ་ལ་བསྐོར་བ་བྱས་ནས་སྒོ་ན་གནས་པར་གྱུར་ཀྱང་སེམས་ཅན་ཀུན་ལའང་འཚེ་བ་མེད་པར་གྱུར་པ། 9.གླང་པོའི་ཕྲུག་གུ་ཐལ་ཀར་ལྔ་བརྒྱ་ལྷགས་ཏེ་རྒྱལ་པོ་ཟས་གཙང་མའི་རྐང་པ་ལ་སྣའི་རྩེ་མོས་ཉུག་ཅིང་གནས་པར་གྱུར་པ། 10.ལྷའི་བྱིས་པ་རོགས་པ་སྐ་རགས་བཅིངས་པ་དག་ཀྱང་རྒྱལ་པོ་ཟས་གཙང་མའི་བཙུན་མོའི་འཁོར་གྱི་པང་པ་ནས་པང་པ་དག་ཏུ་འགྲེ་ལྡོག་པར་སྣང་བར་གྱུར་པ། 11.ཀླུའི་བུ་མོ་མཆོད་པ་སྣ་ཚོགས་ཀྱི་ཡོ་བྱད་ཐོགས་པ་དག་ཀྱང་ལུས་ཕྱེད་ཕྱུང་ཞིང་ནམ་མཁའ་ལ་རྒྱུ་བར་སྣང་བ། 12.ལྷའི་བུ་མོ་ཁྲིའང་རྨ་བྱའི་མདོངས་ལག་ན་ཐོགས་ཤིང་ནམ་མཁའ་ལ་འཁོད་པར་སྣང་བ། 13.བུམ་པ་གང་བ་ཁྲིའང་སེར་སྐྱའི་གནས་ཀྱི་གྲོང་ཁྱེར་ཆེན་པོ་ལ་བསྐོར་བ་བྱེད་པར་སྣང་བ། 14.ལྷའི་བུ་མོ་ཁྲིའང་སྤོས་ཆུའི་རིལ་བ་བྷིང་ག་ར་ཀླད་ལ་ཐོགས་ཤིང་འཁོད་པར་སྣང་བ། 15.ལྷའི་བུ་མོ་ཁྲིའང་གདུགས་དང་། རྒྱལ་མཚན་དང་། བ་དན་ཐོགས་ཤིང་འཁོད་པར་སྣང་བ། 16.ལྷའི་བུ་མོ་བརྒྱ་སྟོང་མང་པོ་དག་ཀྱང་དུང་དང་། རྔ་དང་། རྫ་རྔ་དང་། འཁར་རྔ་མགུལ་ནས་དཔྱངས་ཏེ་སྡོད་ཅིང་འཁོད་པར་སྣང་བ། 17.རླུང་ཐམས་ཅད་ཀྱང་མི་ལྡང་བར་གནས་པར་གྱུར་པ། 18.ཆུ་ཀླུང་དང་ཆུ་བྲན་ཐམས་ཅད་ཀྱང་མི་འགུལ་ཞིང་མི་འབབ་པར་གྱུར་པ། 19.ཉི་ཟླ་དང་། གཞལ་མེད་ཁང་དང་། རྒྱུ་སྐར་དང་། སྐར་མའི་ཚོགས་རྣམས་ཀྱང་མི་རྒྱུ་བར་གྱུར་པ། 20.སྐར་མ་རྒྱལ་དང་ཡང་ལྡན་པར་གྱུར་པ། 21.རྒྱལ་པོ་ཟས་གཙང་མའི་ཁྱིམ་ཡང་རིན་པོ་ཆེའི་དྲ་བས་ཡོག་པོར་གྱུར་པ། 22.མེའང་མི་འབར་བར་གྱུར་པ། 23.ཁང་པ་བརྩེགས་པ། ཁང་བཟང་དང་། ཡང་ཐོག་དང་། རྟ་བབས་དག་ལའང་ནོར་བུ་དང་། རིན་པོ་ཆེ་དག་འཕྱང་བར་སྣང་བར་གྱུར་པ། 24.རས་བཅོས་བུའི་མཛོད་དང་། རིན་པོ་ཆེ་སྣ་ཚོགས་ཀྱི་མཛོད་རྣམས་ཀྱང་སྒོ་བྱེ་བར་སྣང་བ། 25.བྱ་རོག་དང་། འུག་པ་དང་། བྱ་རྒོད་དང་། སྤྱང་ཀི་དང་། ཝའི་སྒྲ་དག་ཀྱང་མེད་པར་གྱུར་པ། 26.སྒྲ་སྐད་སྙན་པའི་སྒྲ་དག་ཀྱང་བྱུང་བར་གྱུར་པ། 27.སྐྱེ་བོ་ཐམས་ཅད་ཀྱི་ལས་ཀྱི་མཐའ་ཡང་རྒྱུན་ཆད་པར་གྱུར་པ། 28.སའི་ཕྱོགས་མཐོན་དམན་དུ་འདུག་པ་རྣམས་ཀྱང་མཉམ་པར་གནས་པར་གྱུར་པ། 29.ལམ་གྱི་བཞི་མདོ་དང་། སུམ་མདོ་དང་། སྲང་ངང་། ཚོང་འདུས་ཀྱི་འཁོར་ཀྱང་ལག་མཐིལ་ལྟར་མཉམ་ཞིང་འཇམ་ལ་མེ་ཏོག་སིལ་མས་གང་སྟེ་མཛེས་པར་སྣང་བ། 30.སྦྲུམ་པ་ཐམས་ཅད་ཀྱང་བདེ་བ། 31.ལེགས་པར་བཙའ་བོར་གྱུར་པ། 32.ཤིང་སཱ་ལའི་ནགས་ཚལ་གྱི་ལྷ་ཐམས་ཅད་ཀྱང་ཤིང་གི་ལོ་མའི་ནང་ལུས་ཕྱེད་ཕྱུང་སྟེ་ཕྱག་འཚལ་ཞིང་གནས་པར་སྣང་སྟེ། སྔ་ལྟས་སུམ་ཅུ་རྩ་གཉིས་པོ་དེ་དག་བྱུང་བར་གྱུར་པའོ། །
Tibetan Source	《 མདོ་ཁ་པ་》ཤ་68བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number