11109

Tibetan	མངལ་ནས་བྱུང་ནས་ཞག་བདུན་ལོན་རྗེས་ལུས་ལས་སྐྱེས་པའི་སྲིན་བུའི་རིགས་ཆིག་སྟོང་བརྒྱད་ཅུ་ལུས་ལ་གནས་པའི་གནས་སོ་གཉིས།
Tibetan Alternate
Tibetan Definition	དེ་ཡང་། དཀོན་བརྩེགས་ལེའུ་བཅུ་གསུམ་པ་མངལ་དུ་འཇུག་པ་བསྟན་པའི་ལེའུ་ལས་བྱུང་བ་སྟེ། 1.དེ་ལ་སྐྲ་ལ་ཟ་བ་ཞེས་བྱ་བའི་སྲིན་བུའི་རིགས་གཉིས་ཡོད་དེ། སྐྲ་ལ་གནས་ནས་སྐྲ་ལ་ཟ་བར་བྱེད་དོ། ། 2.སྲིན་བུའི་རིགས་གཉིས་ནི། མིག་ལ་གནས་ནས་མིག་ལ་ཟ་བར་བྱེད་དོ། ། 3.སྲིན་བུའི་རིགས་བ་ཧ་ན་དང་། རྐན་ལྡན་དང་། ནད་སློང་དང་། ཡོངས་སུ་རྫོགས་པ་ཞེས་བྱ་བ་བཞི་ཡོད་དེ། ཀླད་པ་ལ་གནས་ནས་ཀླད་པ་ལ་ཟ་བར་བྱེད་དོ། ། 4.སྲིན་བུའི་རིགས་སཱ་ལུ་ནག་པོའི་ལོ་མ་ཞེས་བྱ་བ་ཞིག་ཡོད་དེ། རྣ་བ་ལ་གནས་ནས་རྣ་བ་ལ་ཟ་བར་བྱེད་དོ། ། 5.སྲིན་བུའི་རིགས་མཛོད་སྒོ་ཞེས་བྱ་བ་ཞིག་ཡོད་དེ། སྣ་ལ་གནས་ནས་སྣ་ལ་ཟ་བར་བྱེད་དོ། ། 6.སྲིན་བུའི་རིགས་འཕེན་པ་དང་། ཀུན་ཏུ་འཕེན་པ་ཞེས་བྱ་བ་གཉིས་ཡོད་དེ། མཆུ་ལ་གནས་ནས་མཆུ་ལ་ཟ་བར་བྱེད་དོ། ། 7.སྲིན་བུའི་རིགས་ཁབ་མཆུ་ཞེས་བྱ་བ་ཞིག་ཡོད་དེ། ལྕེ་ལ་གནས་ནས་ལྕེ་ལ་ཟ་བར་བྱེད་དོ། ། 8.སྲིན་བུའི་རིགས་ཁ་རྣོ་ཞེས་བྱ་བ་ཞིག་ཡོད་དེ། ལྕེའི་དྲུང་ལ་གནས་ནས་ལྕེའི་དྲུང་ལ་ཟ་བར་བྱེད་དོ། ། 9.སྲིན་བུའི་རིགས་ལག་རྫོགས་ཞེས་བྱ་བ་ཞིག་ཡོད་དེ། རྐན་ལ་གནས་ནས་རྐན་ལ་ཟ་བར་བྱེད་དོ། ། 10.སྲིན་བུའི་རིགས་ལག་པ་དྲ་བ་ཅན་དང་། ཕྱེང་གྱུར་ཞེས་བྱ་བ་གཉིས་ཡོད་དེ། ལག་མཐིལ་ལ་གནས་ནས་ལག་མཐིལ་ལ་ཟ་བར་བྱེད་དོ། ། 11.སྲིན་བུའི་རིགས་དཔུང་པ་དང་། ཉེ་བའི་དཔུང་པ་ཞེས་བྱ་བ་གཉིས་ཡོད་དེ། དཔུང་པ་ལ་གནས་ནས་དཔུང་པ་ལ་ཟ་བར་བྱེད་དོ། ། 12.སྲིན་བུའི་རིགས་ལྕགས་ཅན་དང་། ཉེ་བའི་ལྕགས་ཅན་ཞེས་བྱ་བ་གཉིས་ཡོད་དེ། མིད་པ་ལ་གནས་ནས་མིད་པ་ལ་ཟ་བར་བྱེད་དོ། ། 13.སྲིན་བུའི་རིགས་རྡོ་རྗེ་དང་། རྡོ་རྗེ་ཆེན་པོ་ཞེས་བྱ་བ་གཉིས་ཡོད་དེ། སྙིང་ལ་གནས་ནས་སྙིང་ལ་ཟ་བར་བྱེད་དོ། ། 14.སྲིན་བུའི་རིགས་དམན་པ་དང་། དམན་པའི་ཁ་ཞེས་བྱ་བ་གཉིས་ཡོད་དེ། ཤ་ལ་གནས་ནས་ཤ་ལ་ཟ་བར་བྱེད་དོ། ། 15.སྲིན་བུའི་རིགས་དཔའ་བོ་དང་། དྲི་གཏོང་ཞེས་བྱ་བ་གཉིས་ཡོད་དེ། ཆུ་བ་ལ་གནས་ནས་ཆུ་བ་ལ་ཟ་བར་བྱེད་དོ། ། 16.སྲིན་བུའི་རིགས་མི་མཐོ་བ་དང་། ཁས་རྔུབ་ཅེས་བྱ་བ་གཉིས་ཡོད་དེ། རྒྱབ་ཀྱི་སྒལ་ཚིགས་ལ་གནས་ནས་རྒྱབ་ཀྱི་སྒལ་ཚིགས་ལ་ཟ་བར་བྱེད་དོ། ། 17.སྲིན་བུའི་རིགས་ཚིལ་གྱི་ཁ་དོག་ཅེས་བྱ་བ་ཞིག་ཡོད་དེ། ཚིལ་ལ་གནས་ནས་ཚིལ་ལ་ཟ་བར་བྱེད་དོ། ། 18.སྲིན་བུའི་རིགས་མཁྲིས་པའི་ཁ་དོག་ཅེས་བྱ་བ་ཞིག་ཡོད་དེ། མཁྲིས་པ་ལ་གནས་ནས་མཁྲིས་པ་ལ་ཟ་བར་བྱེད་དོ། ། 19.སྲིན་བུའི་རིགས་མུ་ཏིག་ཅེས་བྱ་བ་ཞིག་ཡོད་དེ། མཆིན་པ་ལ་གནས་ནས་མཆིན་པ་ལ་ཟ་བར་བྱེད་དོ། ། 20.སྲིན་བུའི་རིགས་འདམ་བུ་ཞེས་བྱ་བ་ཞིག་ཡོད་དེ། མཚེར་པ་ལ་གནས་ནས་མཚེར་པ་ལ་ཟ་བར་བྱེད་དོ། ། 21.སྲིན་བུའི་རིགས་ལྔ་བརྒྱ་ཡོད་དེ། རིགས་བརྒྱ་ནི། ཟླ་བ་ཞེས་བྱའོ། ། རིགས་བརྒྱ་ནི་ཟླ་བའི་ཁ་ཞེས་བྱའོ། ། རིགས་བརྒྱ་ནི། བསིལ་བྱེད་ཅེས་བྱའོ། ། རིགས་བརྒྱ་ནི། བསིལ་བྱེད་གཏོང་ཞེས་བྱའོ། ། རིགས་བརྒྱུ་ནི། ཡངས་པ་ཞེས་བྱ་སྟེ། རྩིབ་ལོགས་གཡོན་པ་ལ་གནས་ནས་རྩིབ་ལོགས་གཡོན་པ་ལ་ཟ་བར་བྱེད་དོ། ། 22.གཞན་ཡང་སྲིན་བུའི་རིགས་ལྔ་བརྒྱ་ཡོད་པ་ཡང་མིང་གོང་མ་དང་མཐུན་ཏེ། རྩིབ་ལོགས་གཡས་པ་ལ་གནས་ནས་རྩིབ་ལོགས་གཡས་པ་ལ་ཟ་བར་བྱེད་དོ། ། 23.སྲིན་བུའི་རིགས་ཅུང་ཟད་འབིགས་པ་དང་། ཆེར་འབིགས་པ་དང་། རུས་པ་འབིགས་པ་དང་། རུས་པའི་གདོང་ཞེས་བྱ་བ་བཞི་ཡོད་དེ། རུས་པ་ལ་གནས་ནས་རུས་པ་ལ་ཟ་བར་བྱེད་དོ། ། 24.སྲིན་བུའི་རིགས་ཆེར་དཀར་བ་དང་། ཅུང་ཟད་དཀར་བ་དང་། རྣམ་པའི་སྟོབས་དང་། སྟག་ལམ་ཞེས་བྱ་བ་བཞི་ཡོད་དེ། རྩ་རྒྱུས་ལ་གནས་ནས་རྩ་རྒྱུས་ལ་ཟ་བར་བྱེད་དོ། ། 25.སྲིན་བུའི་རིགས་མོས་པའི་ཡིད་དང་། སེང་གེའི་སྟོབས་དང་། རི་བོང་ལྟོ་དང་། འདོད་པ་ལ་མངོན་པར་ཞེན་པ་ཞེས་བྱ་བ་བཞི་ཡོད་དེ། མ་ཞུ་བའི་གནས་ལ་གནས་ནས་མ་ཞུ་བའི་གནས་ལ་ཟ་བར་བྱེད་དོ། ། 26.སྲིན་བུའི་རིགས་དཔའ་བོ་དང་། དཔའ་བོ་བདག་པོ་ཞེས་བྱ་བ་གཉིས་ཡོད་དེ། ཞུ་བའི་གནས་ལ་གནས་ནས་ཞུ་བའི་གནས་ལ་ཟ་བར་བྱེད་དོ། ། 27.སྲིན་བུའི་རིགས་མུ་ཀ་དང་། དྲ་བོ་ཁ་དང་། ཕུང་པོའི་ཁ་དང་། བྱེའུ་ཁ་ཞེས་བྱ་བ་བཞི་ཡོད་དེ། གཅི་བའི་ལམ་ལ་གནས་ནས་གཅི་བའི་ལམ་ལ་ཟ་བར་བྱེད་དོ། ། 28.སྲིན་བུའི་རིགས་བྱེད་པ་དང་། བྱེད་པ་ཆེན་པོ་དང་། ཕྱི་མ་དང་། པོ་ཏ་ར་ཀ་ཞེས་བྱ་བ་བཞི་ཡོད་དེ། བཤང་བའི་ལམ་ལ་གནས་ནས་བཤང་བའི་ལམ་ལ་ཟ་བར་བྱེད་དོ། ། 29.སྲིན་བུའི་རིགས་གདོང་ནག་དང་། འཇིགས་སུ་རུང་བའི་གདོང་ཞེས་བྱ་བ་གཉིས་ཡོད་དེ། བརླ་ལ་གནས་ནས་བརླ་ལ་ཟ་བར་བྱེད་དོ། ། 30.སྲིན་བུའི་རིགས་མཛེ་ཅན་དང་། མཛེ་ཅན་ཆུང་ངུ་ཞེས་བྱ་བ་དང་གཉིས་ཡོད་དེ། པུས་མོ་ལ་གནས་ནས་པུས་མོ་ལ་ཟ་བར་བྱེད་དོ། ། 31.སྲིན་བུའི་རིགས་མྱོས་པའི་རྩ་བ་ཞེས་བྱ་བ་ཞིག་ཡོད་དེ། བྱིན་པ་ལ་གནས་ནས་བྱིན་པ་ལ་ཁྲ་བར་བྱེད་དོ། ། 32.སྲིན་བུའི་རིགས་མགོ་ནག་ཅེས་བྱ་བ་ཞིག་ཡོད་དེ། རྐང་པ་ལ་གནས་ནས་རྐང་པ་ལ་ཟ་བར་བྱེད་དོ། །
Tibetan Source	《དཀོན་བརྩེགས་ག་པ་》ཤ་393བ་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number