11112
| Tibetan | ཆོས་ཀྱི་ཚུལ་རབ་ཏུ་དབྱེ་བའི་སྒྲ་སོ་གཉིས། |
|---|---|
| Tibetan Alternate | |
| Tibetan Definition | དེ་ཡང་། འཕགས་པ་ཚངས་པ་ཁྱད་པར་སེམས་ཀྱིས་ཞུས་པའི་མདོ་ལས་བྱུང་བ་སྟེ།
1.ལྟ་བར་གྱུར་པ་ཡོངས་སུ་དག་པས་ཆོས་ཐམས་ཅད་སྟོང་པའོ། ། 2.རྟོག་པ་དང་། རྣམ་པར་རྟོག་པ་དང་བྲལ་བས་ཆོས་ཐམས་ཅད་མཚན་མ་མེད་པའོ། ། 3.ཁམས་གསུམ་ལས་ཡང་དག་པར་འདས་པས་ཆོས་ཐམས་ཅད་སྨོན་པ་མེད་པའོ། ། 4.རང་བཞིན་གྱིས་ཉེ་བོར་ཞི་བས་ཆོས་ཐམས་ཅད་འདོད་ཆགས་དང་བྲལ་བའོ། ། 5.སྨོན་པ་མེད་པའི་མཚན་ཉིད་ཀྱིས་ཆོས་ཐམས་ཅད་ཞེ་སྡང་དང་བྲལ་བའོ། ། 6.མུན་པ་མུན་ནག་དང་བྲལ་བས་ཆོས་ཐམས་ཅད་གཏི་མུག་དང་བྲལ་བའོ། ། 7.ཐོག་མ་ནས་མ་སྐྱེས་པས་ཆོས་ཐམས་ཅད་འོང་བ་མེད་པའོ། ། 8.འཕོ་བ་མེད་པའི་ཚུལ་གྱིས་ཆོས་ཐམས་ཅད་འགྲོ་བ་མེད་པའོ། ། 9.རབ་ཏུ་མི་བརྟེན་པའི་ཕྱིར་ཆོས་ཐམས་ཅད་མི་གནས་པའོ། ། 10.འདས་པ་དང་། མ་འོངས་པ་དང་། ད་ལྟར་བྱུང་བ་དང་བྲལ་བའི་ཕྱིར་ཆོས་ཐམས་ཅད་དུས་གསུམ་ལས་འདས་པའོ། ། 11.རང་བཞིན་གཅིག་པའི་ཕྱིར་ཆོས་ཐམས་ཅད་བྱེ་བྲག་མེད་པའོ། ། 12.ལས་ཀྱི་རྣམ་པར་སྨིན་པ་དང་བྲལ་བའི་ཕྱིར་ཆོས་ཐམས་ཅད་མ་སྐྱེད་པའོ། ། 13.བྱེད་པ་པོ་མི་དམིགས་པའི་ཕྱིར་ཆོས་ཐམས་ཅད་ལས་དང་། རྣམ་པར་སྨིན་པ་མེད་པའོ། ། 14.མངོན་པར་འདུ་མི་བྱེད་པའི་ཚུལ་གྱིས་ཆོས་ཐམས་ཅད་མ་བྱས་པའོ། ། 15.མངོན་པར་འདུ་མ་བྱས་པས་རབ་ཏུ་ཕྱེ་བའི་ཕྱིར་ཆོས་ཐམས་ཅད་མངོན་པར་འདུས་མ་བྱས་པའོ། ། 16.སྐྱེ་བ་དང་། འཇིག་པ་དང་བྲལ་བའི་ཕྱིར་ཆོས་ཐམས་ཅད་འདུས་མ་བྱས་པའོ། ། 17.ཡང་དག་པར་མ་བྱུང་བའི་ཕྱིར་ཆོས་ཐམས་ཅད་ཡང་དག་པ་མ་ཡིན་པའོ། ། 18.གཅིག་ཅར་མངོན་པར་རྟོགས་པའི་ཚུལ་གྱིས་ཆོས་ཐམས་ཅད་བདེན་པའོ། ། 19.སེམས་ཅན་མི་དམིགས་པའི་ཕྱིར་ཆོས་ཐམས་ཅད་བདག་མེད་པའོ། ། 20.དོན་དམ་པའི་ཕྱིར་ཆོས་ཐམས་ཅད་གང་ཟག་མེད་པའོ། ། 21.ཤེས་པར་མི་བྱེད་པའི་ཕྱིར་ཆོས་ཐམས་ཅད་སེམས་པའོ། ། 22.མཛའ་བ་དང་། ཁོང་ཁྲོ་བ་མེད་པའི་ཕྱིར་ཆོས་ཐམས་ཅད་བཏང་སྙོམས་པའོ། ། 23.ཡོངས་སུ་གཟུང་བ་མེད་པའི་ཕྱིར་ཆོས་ཐམས་ཅད་ཅིའང་མེད་པའོ། ། 24.རང་བཞིན་གྱིས་ཀུན་ནས་ཉོན་མོངས་པ་མེད་པའི་ཕྱིར་ཆོས་ཐམས་ཅད་ཉེ་བའི་ཉོན་མོངས་པ་མེད་པའོ། ། 25.དབེན་པའི་མཐའ་ཡིན་པའི་ཕྱིར་ཆོས་ཐམས་ཅད་ཚུལ་གཅིག་པའོ། ། 26.དབེན་པ་ཕུན་སུམ་ཚོགས་པས་ཆོས་ཐམས་ཅད་དབེན་པའོ། ། 27.མི་འཁྲུགས་པའི་ཕྱིར་ཆོས་ཐམས་ཅད་ཡང་དག་པའི་མཐའ་ལ་གནས་པའོ། ། 28.ཤིན་ཏུ་ཐ་མི་དད་པའི་ཕྱིར་ཆོས་ཐམས་ཅད་དེ་བཞིན་ཉིད་ལ་གནས་པའོ། ། 29.ཐམས་ཅད་དུ་རྗེས་སུ་སོང་བའི་ཕྱིར་ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པར་འདུ་བའོ། ། 30.ཕན་ཚུན་མི་འདུ་བའི་ཕྱིར་ཆོས་ཐམས་ཅད་རྐྱེན་མེད་པའོ། ། 31.མཉམ་པ་ཉིད་ཀྱིས་ཡོངས་སུ་རྒྱས་པའི་ཕྱིར་ཆོས་ཐམས་ཅད་རྟེན་ཅིང་འབྲེལ་བར་འབྱུང་བའོ། 32.ཇི་ལྟ་བ་བཞིན་དུ་མཐོང་བས་ཕྱེ་བའི་ཕྱིར་ཆོས་ཐམས་ཅད་བྱང་ཆུབ་བོ། ། ཡོངས་སུ་མ་གྲུབ་པའི་ཚུལ་གྱིས་ཆོས་ཐམས་ཅད་མྱ་ངན་ལས་འདས་པ་བཅས་སོ། ། |
| Tibetan Source | 《མདོ་པ་པ་》ཤ་88ན་5ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |