11117

Tibetan	ཐུགས་རྗེ་ཆེན་པོ་ལ་འཇུག་པ་སོ་གཉིས།
Tibetan Alternate
Tibetan Definition	དེ་ཡང་། འཕགས་པ་བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། 1.གཏི་མུག་གི་མུན་པར་ཞུགས་པའི་འཇིག་རྟེན་གནས་པ་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 2.མ་རིག་པ་ཆེན་པོ་སྒོ་ངའི་སྦུབས་སུ་ཆུད་པའི་འཇིག་རྟེན་གནས་པ་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 3.འཁོར་བ་ཆེན་པོར་ལྷུང་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 4.རྟག་ཏུ་གཡེན་སྤྱོ་ཞིང་མ་ཞི་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 5.ཉོན་མོངས་པའི་ཆུ་བོ་ཆེན་པོས་ཁྱེར་བའི་སེམས་ཅན་རྒྱུན་གྱི་རྗེས་སུ་འགྲོ་བ་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 6.གཡང་ས་ཆེན་པོ་ནས་ལྷུང་ཞིང་སྡུག་བསྔལ་ཆེན་པོ་མྱོང་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 7.ལམ་ངན་པར་ཞུགས་པའི་སེམས་ཅན་འཕགས་པའི་ལམ་དང་བྲལ་བ་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 8.ཉོན་མོངས་པ་ཆེན་པོའི་བཅིང་བས་བཅིངས་པ། རྟག་ཏུ་དཀྲི་བས་དཀྲིས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 9.ཡུན་རིང་པོར་ཡུལ་གྱིས་དགང་དཀའ་ཞིང་ངོམས་མི་ཤེས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 10.སྲེད་པས་འཁོལ་ཅིང་རྟག་ཏུ་གཞན་གྱི་དབང་དུ་གྱུར་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 11.རྒ་ཤིས་ཡོངས་སུ་མནར་ཞིང་ཤིན་ཏུ་ཉོན་མོངས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 12.ནད་སྣ་ཚོགས་མང་པོས་ཡོངས་སུ་མནར་ཞིང་རྟག་ཏུ་ནད་པར་གྱུར་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 13.མེ་གསུམ་རབ་ཏུ་འབར་ཞིང་རྟག་ཏུ་སྲེག་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 14.དམན་ཞིང་ཡོངས་སུ་མ་དག་ལ་འཁོར་བ་རྣམ་པར་འཕེལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 15.རྟག་ཏུ་སྐྲག་ཅིང་རྟག་ཏུ་ཡིད་སྐྲག་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 16.རོ་བྲོ་བ་ཆུང་བ་ལ་ཆགས་ཤིང་ཉེས་དམིགས་མ་མཐོང་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 17.དྲེགས་པ་སྣ་ཚོགས་མང་པོས་སྨྱོས་ཤིང་ཡུན་རིང་པོར་གཉིད་ཀྱིས་ལོག་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 18.དགོན་པ་ཆེན་པོའི་ལམ་དུ་ཞུགས་ཤིང་གསོད་པ་རྟག་ཏུ་ཕྱི་བཞིན་འབྲང་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 19.རྟག་ཏུ་གནོད་པར་གྱུར་ཅིང་དུས་ཐམས་ཅད་དུ་ འཇུག་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 20.མ་རིག་པས་ལོང་བར་གྱུར་ཅིང་རྟག་ཏུ་རབ་རིབ་ཀྱིས་བསྒྲིབས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 21.ཐགས་འཁྲུགས་པ་ལྟ་བུར་གྱུར་ཅིང་དུ་བུ་འཛིངས་པ་ལྟ་བུར་གྱུར་ལ་རྩྭ་མུན་ཛ་དང་བལ་པ་ཛ་ལྟ་བུར་གྱུར་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 22.གནོད་པ་དང་ལྡན་ཞིང་གནོད་པ་མ་མཆིས་པ་དང་བྲལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 23.མི་ཁོམ་པ་དང་ལྡན་པར་གྱུར་ཅིང་དོལ་བ་དང་བྲལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 24.ཐེ་ཚོམ་ཅན་དུ་གྱུར་ཅིང་ལོག་པར་ལྟ་བར་ཞུགས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། ། 25.ཤིང་བལ་གྱི་འདབ་མ་ལྟར་གྱུར་ཅིང་ལྟ་བ་སྣ་ཚོགས་ལ་བརྟེན་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 26.འདུ་ཤེས་དང་སེམས་ཕྱིན་ཅི་ལོག་ཏུ་གྱུར་ཅིང་མི་རྟག་པ་ལ་རྟག་པར་འདུ་ཤེས་པ་དང་། སྡུག་བསྔལ་ལ་བདེ་བར་འདུ་ཤེས་པ་དང་། མི་སྡུག་པ་ལ་སྡུག་པར་འདུ་ཤེས་པ་དང་། དངོས་པོ་མ་མཆིས་པ་ལ་དངོས་པོ་མཆིས་པར་འདུ་ཤེས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 27.ཁུར་གྱིས་གཟིར་ཅིང་ཡུན་རིང་པོ་ནས་དུབ་སྟེ་སྡུག་བསྔལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 28.མཐུ་ཆུང་བ་ལ་བརྟེན་ཅིང་སྙིང་པོ་མ་མཆིས་པ་སྙིང་པོར་འདུ་ཤེས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 29.རྟག་ཏུ་ཉེ་བར་ཉོན་མོངས་པ་དང་ལྡན་པར་གྱུར་ ཅིང་དྲི་མས་གོས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 30.སྲིད་པའི་འདོད་ཆགས་ཀྱིས་བརླགས་ཤིང་ཡིད་ཞུམ་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 31.རྙེད་པ་དང་བཀུར་སྟིའི་ཟིལ་གྱིས་ནོན་ཅིང་རྟག་ཏུ་རྙེད་པ་ཚོལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་འཇུག་པ། 32.མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམ་པ་མང་པོས་གཟིར་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གོ་ཏ་མའི་ཐུགས་རྗེ་ཆེན་པོ་སྐྱེ་བ་སྟེ། དགེ་སྦྱོང་གོ་ཏ་མ་དེ་ནི། རྣམ་པ་སུམ་ཅུ་རྩ་གཉིས་པོ་དེ་དང་ལྡན་པའི་ཐུགས་རྗེ་ཆེན་པོ་དང་ལྡན་པའོ། །
Tibetan Source	《མདོ་ད་པ་》ཤ་122བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number