11131
| Tibetan | བུད་མེད་ཀྱི་སྒྱུ་མ་རྣམ་པ་སུམ་ཅུ་སོ་གཉིས། |
|---|---|
| Tibetan Alternate | |
| Tibetan Definition | དེ་ཡང་། མདོ་རྒྱ་ཆེར་རོལ་པ་ལས་བྱུང་བ་སྟེ།
1.བུད་མེད་དེ་དག་གི་ནང་ནས་ཁ་ཅིག་ནི་བཞིན་ཕྱེད་འགེབས་པ། 2.ཁ་ཅིག་ནི་ནུ་མ་མཁྲང་ཞིང་འབུར་བ་སྟོན་པ། 3.ཁ་ཅིག་ནི་ཅུང་ཟད་འཛུམ་པས་སོ་ཕྲེང་སྟོན་པ། 4.ཁ་ཅིག་ནི་ལག་པ་བརྐྱང་སྟེ་བྱ་རྨྱང་བྱེད་ཅིང་མཆན་ཁུང་སྟོན་པ། 5.ཁ་ཅིག་ནི་བིམྤ་ལྟར་དམར་བའི་མཆུ་སྟོན་པ། 6.ཁ་ཅིག་ནི་མིག་ཕྱེད་བཙུམ་སྟེ་བྱང་ཆུབ་སེམས་དཔའ་ལ་ལྟ་ཞིང་བལྟས་ནས་མྱུར་བ་མྱུར་བར་འཛུམ་པ། 7.ཁ་ཅིག་ནི་ནུ་མ་ཕྱེད་གཡོགས་ཏེ་སྟོན་པ། 8.ཁ་ཅིག་ནི་གོས་སྙིལ་བར་བྱས་ཏེ། གསེར་གྱི་ཕག་སྐ་དང་བཅས་པའི་རྐེད་པ་སྟོན་པ། 9.ཁ་ཅིག་ནི་གོས་དྲུ་ཀུ་ལ་སྲབ་མོ་གྱོན་ཏེ། གསེར་གྱི་ཕག་སྐ་དང་བཅས་པའི་རྐེད་པ་སྟོན་པ། 10.ཁ་ཅིག་ནི་རྐང་གདུབ་སྒྲ་སིལ་སིལ་འབྱིན་པ། 11.ཁ་ཅིག་ནི་ནུ་མའི་བར་ནས་ཕྲེང་བ་གཅིག་ཉེ་བར་སྟོན་པ། 12.ཁ་ཅིག་ནི་བརླ་ཕྱེད་ཙམ་བརྗེས་པ་སྟོན་པ། 13.ཁ་ཅིག་ནི་མགོ་དང་ཕྲག་པ་དག་ལ་བྱ་འདབ་སྦེད་དང་། ནེ་ཙོ་དང་། རི་སྐེགས་འདུག་པ་ཉེ་བར་སྟོན་པ། 14.ཁ་ཅིག་ནི་བྱང་ཆུབ་སེམས་དཔའ་ལ་མིག་ཟུར་གྱིས་ལྟ་བ། 15.ཁ་ཅིག་ནི་གོས་ལེགས་པར་བགོས་ཀྱང་བགོ་མ་ལེགས་པ་ལྟ་བུར་བཅོས་པ། 16.ཁ་ཅིག་ནི་རྐེད་པ་དང་གསེར་གྱི་ཕག་སྐུ་བསྐྱོད་པ། 17.ཁ་ཅིག་ནི་འཁྲུལ་བ་ལྟར་འཆོས་ཤིང་སྒེག་སྟེ་ཕན་ཚུན་འཆག་པ། 18.ཁ་ཅིག་ནི་གར་བྱེད་པ། 19.ཁ་ཅིག་ནི་གླུ་ལེན་པ། 20.ཁ་ཅིག་ནི་སྒེགས་ཤིང་ངོ་ཚ་བ་ལྟར་ཡང་འཆོས་པ། 21.ཁ་ཅིག་ནི་ཆུ་ཤིང་རླུང་གིས་བསྐྱོད་པ་ལྟར་བརླ་སྒུལ་བ། 22.ཁ་ཅིག་ནི་བརྗིད་པའི་སྒྲ་འབྱིན་པ། 23.ཁ་ཅིག་ནི་སེང་རས་བགོས་ཏེ་གསེར་གྱི་ཕག་སྐུ་དྲིལ་བུ་ཅན་བཅིངས་ནས་དགོད་ཅིང་འཆག་པ། 24.ཁ་ཅིག་ནི་གོས་དང་རྒྱན་རྣམས་ལ་འདོར་ཞིང་ངོ་ཚ་བ་ལྟར་སླར་ཡང་ལེན་པ། 25.ཁ་ཅིག་ནི་གསོད་པ་དང་། གསལ་བའི་རྒྱན་ཐམས་ཅད་ཉེ་བར་སྟོན་པ། 26.ལག་པ་སྤོས་ཀྱིས་བསྐུས་པར་སྟོན་པ། 27.ཁ་ཅིག་ནི་མཁུར་བ་བསྐུས་ཤིང་རྣ་ཆའང་སྟོན་པ། 28.ཁ་ཅིག་ནི་མགོའང་གཡོགས་ཤིང་བཞིན་ཡང་གཡོགས་ལ་སྐད་ཅིག་ཙམ་གྱིས་སྟོན་པ། 29.ཁ་ཅིག་ནི་སྔོན་རྒོད་རྒོད་པ་དང་། དགའ་དགའ་དང་། རྩེ་རྩེ་བ་ཕན་ཚུན་དྲན་པར་བྱེད་ཅིང་ཡང་ངོ་ཚ་བ་ལྟར་འདུག་པ། 30.ཁ་ཅིག་ནི་གཞོན་ནུའི་གཟུགས་དང་། བུ་མ་བཙས་པའི་གཟུགས་དང་། ན་ཆུང་ཚད་ལ་བབ་པའི་གཟུགས་སྟོན་པ། 31.ཁ་ཅིག་ནི་འདོད་པ་དང་ལྡན་པས་བྱང་ཆུབ་སེམས་དཔའ་སྒུགས་པ། 32.ཁ་ཅིག་ནི་བྱང་ཆུབ་སེམས་དཔའ་ལ་མེ་ཏོག་སིལ་མས་འཐོར་བ་དག་བཅས་སོ། ། |
| Tibetan Source | 《མདོ་ཁ་པ་》ཤ་256བ་6ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |