1114

Tibetan	ཆོས་ཀྱི་ཕུང་པོའི་ཚད་གསུམ།
Tibetan Alternate
Tibetan Definition	དེ་ཡང་། ཉན་ཐོས་ཀྱི་འདོད་ཚུལ་ཏེ། 1.སྡེ་པ་ཁ་ཅིག་གིས་ནི་བྱེ་སྨྲས་བཀའ་དང་། མདོ་སྡེ་པས་བསྟན་བཅོས་སུ་འདོད་པའི་མངོན་པ་སྡེ་བདུན་གྱི་ནང་ཚན། ཆོས་ཀྱི་ཕུང་པོ་ཤཱ་རིའི་བུས། ཞེས་བཤད་པ་དེ་ལ་གཞུང་ཚད་ཤོ་ལོ་ཁ་དྲུག་སྟོང་ཡོད་པས། དེ་ཆོས་ཕུང་གཅིག་གི་ཚད་ཡིན་ཅིང་བརྒྱད་ཁྲིའི་ནང་ནས་དེ་ཙམ་ཞིག་ལུས་ཀྱི་གཞན་ནི་ནུབ་བོ་ཞེས་ཟེར་རོ། ། 2.སྡེ་པ་ཁ་ཅིག་གིས་ནི། ཕུང་པོ་ཁམས་དང་སྐྱེ་མཆེད་དང་། རྟེན་འབྲེལ་ལ་སོགས་པའི་རྣམ་གྲངས་རེ་རེའི་བགཏམ་རྫོགས་པ་ནི་ཆོས་ཕུང་རེ་རེའི་ཚད་དུ་འགྱུར་ཞིང་དབྱེ་བའང་དེ་ལྟར་བྱས་པར་འདོད་དོ། ། 3.ཡང་ཁ་ཅིག་ཉོན་མོངས་པ་འདོད་ཆགས་དང་། ཞེ་སྡང་། གཏི་མུག ང་རྒྱལ། ལོག་ལྟ། ཐེ་ཚོམ་རྣམས་ནང་གསེས་སུ་དབྱེ་བ་དང་། ཕན་ཚུན་སྦྱོར་བ་སོགས་ཀྱིས་བརྒྱད་ཁྲིར་འགྱུར་ལ། དེ་དག་རེ་རེའི་གཉེན་པོར་ཆོས་ཕུང་རེ་རེ་བསྟན་ཅིང་། རང་རང་གི་གཉེན་པོའི་བྱ་བ་ཡོངས་སུ་རྫོགས་པར་སྟོན་པའི་གཏམ་ནི་དེའི་ཚད་དུ་འདོད་དོ། ། གཞན་དག་གླང་པོ་ཆེ་རབ་བརྟན་རྒྱབ་ཚད་བཞེད། དེ་ལས་གཞན་དག་ཐེག་པ་ཆེན་པོ་དག་གི་དབང་དུ་བྱས་ཏེ། ནཱ་ག་བོདྷི་ལ་སོགས་པ་ནི། ཆོས་གང་ཞིག་གི་མིང་ཚིག་ལྷའི་གོས་ལྟར་སྲབ་པའི་གྲོ་གའམ་ཏཱ་ལར། སྐྲའི་རྩེ་མོའི་ཆ་ཤས་ཀྱིས་མཐའ་རྒྱགས་མེད་པར་བྲིས་པ། གླང་པོ་ཆེ་དར་མའི་རྒྱབ་ནོན་པའི་ཚད་ལ་ཕུང་པོ་གཅིག་ཏུ་བཞེད་ཅིང་། ཚིག་གསལ་ལས་ཐེག་པ་བླ་ན་མེད་པའི་དབང་དུ་བྱས་ཏེ་དབང་པོའི་གླང་པོ་ཆེ་རབ་བརྟན་གྱིས་བཀུར་བར་འོས་པའི་སྣག་ཚས་ནི་ཆོས་ཀྱི་ཕུང་པོ་གཅིག་འབྲི་བར་ནུས་སོ་ཞེས་གསུངས་ཏེ། དེ་ལྟར་བྱས་ན་མདོ་གང་དག་ལས་འཕགས་པ་ལྷས་བྱིན་གྱིས་གླང་པོ་ཆེ་ལྔ་སྟོང་གིས་བཀུར་བར་བྱ་བའི་གླེགས་བམ་རྣམས་ཁ་ཏོན་དུ་རྗོད་པར་བྱེད་དོ་ཞེས་གསུངས་པ་འདི་ཡང་རིགས་པར་བྱའོ། ། ཞེས་བཤད་ཅིང་མདོ་གང་དག་ལས་ཞེས་པའི་མདོ་ནི་དྲིན་ལན་བསབ་མདོར་གྲགས་པ་དེ་ཉིད་དོ། ། ཞེས་སོ། །
Tibetan Source	《ཤེས་བྱ་ཀུན་ཁྱབ་》དེབ་སྟོད་ཆ་ཤ365.3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number