11153

Tibetan	བཟོད་པའི་ཕ་རོལ་ཏུ་ཕྱིན་པ་ཡོངས་སུ་དག་པ་རྣམ་པ་སོ་གཉིས།
Tibetan Alternate
Tibetan Definition	དེ་ཡང་། འཕགས་པ་མིའམ་ཅིའི་རྒྱལ་པོ་སྡོང་པོས་ཞུས་པའི་མདོ་ལས་བྱུང་བ་སྟེ། 1.ལུས་ལ་མི་ལྟ་བས་བཟོད་པར་བལྟ་བ། 2.སྲོག་ལ་མི་ཆགས་པས་བཟོད་པར་བལྟ་བ། 3.ཞེ་སྡང་བའི་སེམས་མེད་པས་བཟོད་པར་བལྟ་བ། 4.ཉེས་པར་སྨྲས་པའི་ཚིག་དང་དུ་ལེན་པས་བཟོད་པར་བལྟ་བ། 5.ཉམ་ཆུང་བའི་སེམས་ཅན་ལ་སྙིང་རྗེ་སྐྱེད་པས་བཟོད་པར་བལྟ་བ། 6.མ་བསླབ་པ་ལ་མི་བརྙས་པས་བཟོད་པར་བལྟ་བ། 7.གནོད་པ་བྱེད་པ་རྣམས་ལ་ལན་གླན་པའི་མཐུ་ཡོད་ཀྱང་ལན་མི་ལྡོག་པས་བཟོད་པར་བལྟ་བ། 8.ཡན་ལག་དང་ཉིང་ལག་ཐམས་ཅད་བཅད་ཀྱང་མི་འཁྲུགས་ཤིང་གནོད་སེམས་མེད་པས་བཟོད་པར་བལྟ་བ། 9.བརླང་བ་མེད་པས་བཟོད་པར་བལྟ་བ། 10.གཤེ་བ་ལ་སླར་མི་གཤེ་བས་བཟོད་པར་བལྟ་བ། 11.བསམ་པ་དག་པས་བཟོད་པར་བལྟ་བ། 12.རྙོག་པའི་སེམས་མེད་པས་བཟོད་པར་བལྟ་བ། 13.དཀྲུགས་པའི་སེམས་མེད་པས་བཟོད་པར་བལྟ་བ། 14.གཞན་གྱི་སེམས་སྲུང་བས་བཟོད་པར་བལྟ་བ། 15.སེམས་ཅན་ཐམས་ཅད་ལ་ཕན་པའི་དངོས་པོས་བཟོད་པར་བལྟ་བ། 16.སྙིང་རྗེའི་བློ་དང་ལྡན་པས་བཟོད་པར་བལྟ་བ། 17.ང་རྒྱལ་མེད་པས་བཟོད་པར་བལྟ་བ། 18.སེམས་ཅན་ཐམས་ཅད་ལ་བརྙས་ཐབས་མེད་ཅིང་འདུད་པས་བཟོད་པར་བལྟ་བ། 19.འབར་བ་མེད་པས་བཟོད་པར་བལྟ་བ། 20.ཉེ་བར་ཞི་བས་བཟོད་པར་བལྟ་བ། 21.ངེས་པར་སེམས་པས་བཟོད་པར་བལྟ་བ། 22.བདག་གི་འཁྲུལ་པ་ལ་སོ་སོར་རྟོག་པས་བཟོད་པར་བལྟ་བ། 23.གཞན་གྱི་འཁྲུལ་པའི་སྐྱོན་ལ་མི་ལྟ་བས་བཟོད་པར་བལྟ་བ། 24.སངས་རྒྱས་རྗེས་སུ་དྲན་པ་བསྒོམས་པས་བཟོད་པར་བལྟ་བ། 25.ཆོས་ལ་སེམས་སྦྱོར་བས་བཟོད་པར་བལྟ་བ། 26.དད་པའི་དངོས་པོས་བཟོད་པར་བལྟ་བ། 27.སེམས་ལ་གདུད་བ་མེད་པས་བཟོད་པར་བལྟ་བ། 28.བཞིན་འཛུམ་ཞིང་ཁྲོ་གཉེར་མེད་པས་བཟོད་པར་བལྟ་བ། 29.གསོང་པོར་སྨྲ་བས་བཟོད་པར་བལྟ་བ། 30.རྣམ་པར་ཐར་པའི་སྒོ་གསུམ་ལ་དང་བ་མེད་པས་བཟོད་པར་བལྟ་བ། 31.མ་སྐྱེས་པ་དང་མ་བྱུང་བ་ལ་མོས་པས་བཟོད་པར་བལྟ་བ། 32.མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པས་བཟོད་པར་བལྟ་བ། རྣམ་པ་འདི་དག་གིས་བྱང་ཆུབ་སེམས་དཔའ་རྣམས་ཀྱི་བཟོད་པའི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །
Tibetan Source	《མདོ་ན་པ་》ཤ་425བ་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number