11173

Tibetan	བརྩོན་འགྲུས་སོ་གསུམ།
Tibetan Alternate
Tibetan Definition	དེ་ཡང་། འཕགས་པ་བློ་གྲོས་རྒྱ་མཚོས་ཞུས་པའི་མདོ་ལས་བྱུང་བ་སྟེ། 1.བརྩོན་འགྲུས་དེ་ནི། གང་ལུས་དང་། སེམས་ཡོངས་སུ་སྦྱངས་པའོ། ། 2.བརྩོན་འགྲུས་དེ་ནི། གང་རྒྱུ་དང་། ལྟ་བ་དང་བྲལ་པའོ། ། 3.བརྩོན་འགྲུས་དེ་ནི། གང་མིང་དང་། གཟུགས་ཡོངས་སུ་ཤེས་པའོ། ། 4.བརྩོན་འགྲུས་དེ་ནི། གང་ངར་འཛིན་པ་དང་། ང་ཡིར་འཛིན་པ་འགོག་པའོ། ། 5.བརྩོན་འགྲུས་དེ་ནི། གང་འཛིན་པ་དང་། འཆིང་བ་འདོར་བའོ། ། 6.བརྩོན་འགྲུས་དེ་ནི། གང་སྒྲིབ་པ་རྣམས་དང་། ཀུན་ནས་ལྡང་བ་རྣམས་རྣམ་པར་སེལ་བའོ། ། 7.བརྩོན་འགྲུས་དེ་ནི། གང་འགྱོད་པ་དང་། ཐེ་ཚོམ་སྤོང་བའོ། ། 8.བརྩོན་འགྲུས་དེ་ནི། གང་མདུད་པ་རྣམས་དང་། ཟུག་རྔུ་རྣམས་ཡང་དག་པར་སེལ་བའོ། ། 9.བརྩོན་འགྲུས་དེ་ནི། གང་དམིགས་པ་དང་། རྒྱུན་ཆད་པ་ལས་ཤིན་ཏུ་འདའ་བའོ། ། 10.བརྩོན་འགྲུས་དེ་ནི། གང་ང་རྒྱལ་དང་། མངོན་པའི་ང་རྒྱལ་རྣམ་པར་སྤོང་བའོ། ། 11.བརྩོན་འགྲུས་དེ་ནི། གཞི་དང་། གནས་ལས་ཤིན་ཏུ་འདའ་བའོ། ། 12.བརྩོན་འགྲུས་དེ་ནི། གང་རྗེས་སུ་ཆགས་པ་དང་། ཁོང་ཁྲོ་བ་སྤོང་བའོ། ། 13.བརྩོན་འགྲུས་དེ་ནི། གང་མ་རིག་པ་དང་། སྲིད་པའི་སྲེད་པ་རབ་ཏུ་སྦྱངས་པའོ། ། 14.བརྩོན་འགྲུས་དེ་ནི། གང་ཆགས་པ་དང་། ཞེ་སྡང་ཀུན་ཏུ་མི་རྒྱུ་བའོ། ། 15.བརྩོན་འགྲུས་དེ་ནི། གང་གཏི་མུག་དང་། སོ་སོར་མི་རྟོག་པ་དང་བྲལ་བའོ། ། 16.བརྩོན་འགྲུས་དེ་ནི། གང་ནང་དང་། ཕྱིའི་སྐྱེ་མཆེད་རྣམས་ཡོངས་སུ་ཤེས་པའོ། ། 17.བརྩོན་འགྲུས་དེ་ནི། གང་ཕུང་པོ་དང་། ཁམས་རྣམས་གདོད་མ་ནས་སྐྱེ་བ་མེད་པའོ། ། 18.བརྩོན་འགྲུས་དེ་ནི། གང་སེམས་ཞི་བ་དང་། རབ་ཏུ་ཞི་བ་དང་། ཉེ་བར་ཞི་བའོ། ། 19.བརྩོན་འགྲུས་དེ་ནི། གང་རྣམ་པར་བསམ་ན་ཆོས་ཐམས་ཅད་མི་དམིགས་པའོ། ། 20.བརྩོན་འགྲུས་དེ་ནི། གང་གཉིས་སུ་མེད་ཅིང་གཉིས་སུ་དབྱེར་མེད་པའོ། ། 21.བརྩོན་འགྲུས་དེ་ནི། གང་ཆོས་ཉིད་གནས་པར་ཤེས་པའོ། ། 22.བརྩོན་འགྲུས་དེ་ནི། གང་འཕྲོ་བ་མེད་ཅིང་མི་འཕྲོ་བ་མེད་པའོ། ། 23.བརྩོན་འགྲུས་དེ་ནི། གང་ལེན་པ་མེད་ཅིང་འདོར་བ་མེད་པའོ། ། 24.བརྩོན་འགྲུས་དེ་ནི། གང་བྱེད་པ་མེད་ཅིང་བྱེད་པ་དང་བྲལ་བ་མ་ཡིན་པའོ། ། 25.བརྩོན་འགྲུས་དེ་ནི། གང་གདེག་པ་མེད་ཅིང་གཞག་པ་མེད་པའོ། ། 26.བརྩོན་འགྲུས་དེ་ནི། གང་བླང་བ་མེད་ཅིང་དོར་བ་མེད་པའོ། ། 27.བརྩོན་འགྲུས་དེ་ནི། གང་ལ་བཅིངས་པ་མེད་ཅིང་གྲོལ་བ་མེད་པའོ། ། 28.བརྩོན་འགྲུས་དེ་ནི། གང་ལ་གནོད་པ་མེད་པ་དང་། ཕ་རོལ་གནོན་པ་མེད་པའོ། ། 29.བརྩོན་འགྲུས་དེ་ནི། གང་ལ་རྒྱུགས་པ་མེད་པ་དང་། བག་མེད་པ་མ་ཡིན་པའོ། ། 30.བརྩོན་འགྲུས་དེ་ནི། གང་ལ་བྱ་བ་མེད་ཅིང་བྱེད་པ་པོ་མེད་པའོ། ། 31.བརྩོན་འགྲུས་དེ་ནི། གང་ལྟ་བར་མི་བྱེད་པ་དང་། རྣམ་པར་ལྟ་བར་མི་བྱེད་པའོ། ། 32.བརྩོན་འགྲུས་དེ་ནི། གང་ཞི་བར་མི་བྱེད་པ་དང་། རབ་ཏུ་ཞི་བར་མི་བྱེད་པའོ། ། 33.བརྩོན་འགྲུས་དེ་ནི། གང་སྲུང་བར་མི་བྱེད་པ་དང་། སྲུང་བ་དང་བྲལ་བ་མ་ཡིན་ནོ། ། 34.བརྩོན་འགྲུས་དེ་ནི། གང་ཀུན་ཏུ་མི་འོང་བ་དང་། འོང་བ་དང་བྲལ་བ་མ་ཡིན་པའོ། ། (སྐབས་འདིར་བརྩོན་འགྲུས་གཅིག་ལྷག་པ་དཔྱད།)
Tibetan Source	《མདོ་ན་པ་》ཤ་66ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number