11175

Tibetan	ཡེ་ཤེས་འཁོར་དང་བཅས་པ་ཁོང་དུ་རྣམ་པ་སུམ་ཅུ་རྩ་གསུམ།
Tibetan Alternate
Tibetan Definition	དེ་ཡང་། ཆོས་མངོན་པ་མཛོད་ཀྱི་རྣམ་བཤད་དོན་གསལ་མཛོད་གནས་གཉིས་པ་ལས་བྱུང་བ་སྟེ། 1.སེམས་རྣམ་པར་དག་པས་ལམ་རྣམ་པར་དག་པ། 2.ལམ་རྣམ་པར་དག་པས་སེམས་རྣམ་པར་དག་པ། 3.ཡང་དག་པའི་མཐའ་ནི་ལམ་དང་ཡེ་ཤེས་ཀྱི་དམིགས་པ་ཉིད་གཅིག་པུ་སྟེ། གནས་ཡིན་ཞིང་གཅིག་ལ་གཅིག་བརྟེན་པ། 4.ཡང་དག་པའི་མཐའི་ཡེ་ཤེས་ལ་གནས་ཏེ་གནས་འགྱུར་བ། 5.གནས་གྱུར་པས་ཡེ་ཤེས་ཤིན་ཏུ་རྣམ་པར་དག་པར་འགྱུར་བ། 6.ཕན་ཚུན་བྱ་བ་བྱས་པར་གནས་པ། 7.ཤེས་བྱའི་དངོས་པོ་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ། 8.ཐོག་མ་མེད་པའི་འཁོར་དང་ལྡན་པའི་སེམས་ཅན་རྣམས་ཀྱི་ཐར་པའི་ས་བོན་དང་མཐུན་པ་ཡོངས་སུ་ཤེས་པ། 9.ལས་སྣ་ཚོགས་ཀྱི་རྣམ་པར་སྨིན་པ་དེ་དང་མཐུན་པ་ཡོངས་སུ་ཤེས་པ། 10.བདག་ལ་ཕན་པ་དང་གཞན་ལ་ཕན་པ་དང་མཐུན་པར་ཡོངས་སུ་ཤེས་པ། 11.དགེ་བའི་རྩ་བ་ཆུང་ངུ་ཡང་ཚད་མེད་པར་བྱེད་པ། 12.དགེ་བ་དང་མི་དགེ་བ་ལ་རྣམ་པར་སྤྱོད་པ། 13.རྣམ་པ་སྣ་ཚོགས་ཀྱི་འབྱུང་བ་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ། 14.དགེ་བ་དང་མི་དགེ་བའི་ཆོས་འཛུད་པ་དང་འབྱིན་པ། 15.དུས་དང་དུས་མ་ཡིན་པ་ལ་ཡོངས་སུ་རྟོག་པ། 16.མཐའ་གཉིས་སྤངས་ནས་ནང་ལ་བརྟེན་པ། 17.ལུས་དང་ངག་དང་ཡིད་ཀྱིས་ཉེས་པར་སྤྱོད་པ་དང་བྲལ་བའི་ཕྱིར་བརྩོན་འགྲུས་བརྩམས་པ། 18.གཞན་དག་ཀྱང་བསླབ་པ་དེ་ཉིད་ལ་འགོད་པ། 19.བསྒོམ་པ་ལ་བརྟེན་ནས་རྗེས་སུ་ཆགས་པ། 20.ཁོང་ཁྲོ་བ་བོར་བ། 21.འཁོར་མ་རུངས་པ་མ་ཡིན་པ་གདམས་པ། 22.མ་ནོར་བར་ཐོས་པ་ཡོངས་སུ་བཙལ་བ། 23.ཆོས་ཐམས་ཅད་ལ་དབང་བསྒྱུར་བ། 24.བསམ་པ་དང་བག་ལ་ཉལ་ཤེས་ནས་ཇི་ལྟར་མཐུན་པར་ཆོས་སྟོན་པ། 25.དེ་ཁོ་ན་ཁོང་དུ་ཆུད་པར་བྱ་བ། ། 26.སེམས་ལ་ཡང་དག་པ་དང་ཡང་དག་པ་མ་ཡིན་པར་འཛིན་པ་རྣམ་པར་སྤོང་བ། ། 27.བྱང་ཆུབ་ཀྱི་ཚོགས་ཡོངས་སུ་རྫོགས་པ། ། 28.སེམས་ཅན་ཡོངས་སུ་སྨིན་པར་བྱེད་པ། ། 29.ཆོས་རྣམས་ཀྱི་འབྱུང་བ་དང་འཇིག་པ་ལ་ཡོངས་སུ་རྟོག་པ། 30.ཆོས་ཐམས་ཅད་ལ་མཁས་པ་དང་། མྱ་ངན་ལས་འདས་པ་ལ་འདོད་པ་མེད་པ། ། 31.མི་འཇིགས་པ་བཞི་ཐོབ་པ། 32.ཆོས་ཐམས་ཅད་ལ་ལྷུན་གྱིས་གྲུབ་པའི་ཡེ་ཤེས་ཐོབ་པ། 33.ཆོས་ཐམས་ཅད་ལ་ཐེ་ཚོམ་མེད་པ་དང་། དོན་དམ་པའི་ཚུལ་ལ་འཇུག་པས་མངོན་པར་ཞེན་པ་མེད་པ་བཅས་སོ། །
Tibetan Source	《བསྟན་འགྱུར་མངོན་པ་གུ་པ་》ཤ་75ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number