11267

Tibetan	སྲོག་སྡོམ་གཟེར་བཞིའི་མན་ངག་གི་གནད་བཞི་བཅུ།
Tibetan Alternate
Tibetan Definition	དེ་ཡང་། སྲོག་སྡོམ་གཟེར་བཞིའི་དམིགས་པའི་གནད་འགགས་པ་ཁམས་གསུམ་རོལ་པའི་ཚངས་པའི་སྒྲ་དབྱངས་ལས་བྱུང་བ་སྟེ། དང་པོ་དགོངས་པ་མི་འགྱུར་བའི་གཟེར་ནི། ། 1.འཁོར་འདས་མཉམ་ཉིད་ཀྱི་ཤེས་པས་པས་སྤང་བླང་གཞི་ནས་དག་པའི་གནད། 2.རོ་མཉམ་སྟོང་པ་ཉིད་ཤེས་པས་དངོས་འཛིན་བདེན་ཞེན་འཇིག་པའི་གནད། 3.སྣང་སྟོང་ཟུང་འཇུག་ཏུ་ཤེས་པས་ཚོགས་གཉིས་མཉམ་དུ་རྫོགས་པའི་གནད། 4.ལྟ་བའི་རྩིས་ཟིན་པས་བསྐྱེད་རྫོགས་ཁ་བྲལ་དུ་མི་འགྱུར་བའི་གནད། 5.དགོངས་པའི་ངང་ལས་མི་གཡོ་བས་ལྟ་ཐོག་ཏུ་སྒོམ་པ་འཁྱོལ་བའི་གནད། ། 6.གྱ་ནོམ་ལྷར་ཞེན་ལས་གྲོལ་བས་བསྐྱེད་རིམ་གྱི་གོལ་ས་སྤོང་བའི་གནད། ། 7.སྣང་སྲིད་གཞི་བཞེངས་སུ་རྫོགས་པས་བདག་གཞན་གྱི་གཉིས་འཛིན་མེད་པའི་གནད། ། 8.ཡེ་སྲོལ་གཞི་རྫོགས་སུ་རྟོགས་པས་དུག་ལྔ་གོལ་ས་མེད་པའི་གནད། 9.ཆོས་སྐུའི་དགོངས་པ་བརྙེས་པས་སྐུ་གསུམ་རང་ལ་རྫོགས་པའི་གནད། 10.གཞི་འབྲས་རོ་གཅིག་ཏུ་ཤེས་པས་ས་ལམ་གྱི་རྩོལ་བསྒྲུབ་མི་དགོས་པའི་གནད། 11.སྒོམ་པ་འབྲས་བུར་འཁྱོལ་བས་སངས་རྒྱས་གཞན་ནས་མི་ཚོལ་བའི་གནད། 12.འབྲས་བུ་གཞི་ལ་འཁྱོལ་བས་ཐོབ་བྱའི་ཞེན་འཛིན་གྲོལ་བའི་གནད། 13.ཆོས་ཉིད་ཀློང་དུ་གཅིག་པས་དམ་ཡེའི་འཛིན་པ་དགུ་བའི་གནད། ། 14.རིགས་བརྒྱའི་ཁྱབ་བདག་རྟོགས་པས་ལྷ་གཅིག་བསྒྲུབ་པས་ཐམས་ཅད་འགྲུབ་པའི་གནད། 15.མཆོག་གི་དངོས་གྲུབ་བརྙེས་པས་དོན་གཉིས་ལྷུན་གྱིས་གྲུབ་པའི་གནད། 16.བཟང་ངན་སྤང་བླང་ལས་འདས་པས་གཙང་སྦྲ་ཀུན་སྤྱོད་ལ་མ་ལྟོས་པའི་གནད། 17.བྱར་མེད་ཡེ་ཟིན་ཏུ་ཤེས་པས་ཆོ་གའི་ཁྲིགས་རིམ་མི་དགོས་པའི་གནད། 18.གྲུབ་མཐའི་འཛིན་པ་དག་པས་ཐེག་པའི་རྩེ་མོར་ཕྱིན་པའི་གནད་དེ་ཆེན་པོ་བཅོ་བརྒྱད་དང་ད་དུང་ཡང་དུ་མ་ལྡན་པས་ན་འདི་ནི་སྲོག་གི་སྲོག་སྟེ་སྲོག་གཞན་གསུམ་གྱི་སྲོག་ཀྱང་འདིའི་སྡོམ་པས་མེད་ཐབས་མེད་པ་ཉིད་དུ་དང་པོར་བཞག་གོ ། གཉིས་པ་བསྐྱེད་རིམ་ལྷའི་གཟེར་ནི། 1.སྣང་ཆ་ལྷ་རུ་གསལ་བས་སྟོང་པ་ཕྱོགས་གཅིག་ཏུ་མི་གོལ་བའི་གནད། 2.ཀུན་རྫོབ་ལམ་དུ་བྱེད་པས་བདེན་གཉིས་ཟུང་དུ་འཇུག་པའི་གནད། 3.དངོས་པོའི་ཨ་འཐས་སྦྱོང་བས་ཐ་མལ་གྱི་བདེན་ཞིན་སྤོངས་པའི་གནད། 4.ཆོ་གའི་ཡན་ལག་རྫོགས་པའི་བསོད་ནམས་ཀྱི་ཚོགས་ཆེན་རྫོགས་པའི་གནད། 5.སྐུའི་རྣམ་པ་གསལ་བས་གཟུགས་སྐུའི་ཉེ་རྒྱུར་གྱུར་ པའི་གནད། 6.འབྲས་བུའི་བཞུགས་ཚུལ་དང་མཐུན་པས་སྐུ་གསུམ་ལྷུན་གྱིས་གྲུབ་པའི་གནད་དེ་ཟུག ། གསུམ་པ་སྙིང་པོ་སྔགས་ཀྱི་གཟེར་ནི། 1.གསུང་རྡོ་རྗེ་ལམ་དུ་བྱེད་པས་ངག་གི་སྒྲིབ་པ་སྦྱོང་བའི་གནད། 2.སེམས་དཔའ་སུམ་བརྩེགས་སུ་སྒོམ་པས་སྒོ་གསུམ་མཉམ་དུ་གྲོལ་བའི་གནད། 3.དམིགས་པའི་སྔགས་འཕྲེང་ལ་གཏད་པས་ཐ་མལ་གྱི་རྣམ་རྟོག་སྤོང་བའི་གནད། 4.ཟླ་བ་སྐར་འཕྲེང་ལྟར་བཟླས་པས་རང་བབས་ཀྱི་ཏིང་ངེ་འཛིན་ལ་གནས་པའི་གནད། 5.འགལ་མེའི་འཁོར་ལོ་ལྟར་བཟླས་པས་བདེ་སྟོང་གི་ཡེ་ཤེས་བསྐྱེད་པའི་གནད། 6.བུང་པ་ཚང་ཞིག་ལྟར་བཟླས་པས་སྒྲ་གྲགས་སྔགས་སུ་གྲོལ་བའི་གནད། 7.སྙིང་པོའི་སྲོག་ནས་བགྲངས་པས་ལྷ་ཡི་བྱིན་གྱིས་རློབས་པའི་གནད། 8.ངག་གི་ནུས་པ་འཕེལ་བས་ཅི་སྨྲས་གཞན་དོན་དུ་འགྱུར་བའི་གནད། 9.རིག་སྔགས་གྱི་བདེན་ཚིག་གྲུབ་བས་སྨོན་ལམ་གང་བཏབ་འགྲུབ་པའི་གནད། 10.རྒྱལ་བའི་གསུང་ལ་དབང་བས་སྣང་སྲིད་ལྷ་འདྲེས་བཀའ་བཞིན་སྒྲུབ་པའི་གནད་དེ་བཅུ། བཞི་པ་འཕྲོ་འདུ་ཕྲིན་ལས་ཀྱི་གཟེར་ནི། 1.མཆོག་གི་དངོས་གྲུབ་འགྲུབ་པས་ཐུན་མོང་ཤུགས་ཀྱི་འབྱུང་བའི་གནད། 2.དམིགས་པའི་མདེ་ཁ་བསྒྱུར་བས་ལས་ཚོགས་གཞན་ལ་མི་ལྟོས་པའི་གནད། 3.ཕྲིན་ལས་མཐའ་རུ་ཕྱིན་པས་གཞན་དོན་འབད་མེད་འབྱུང་བའི་གནད། 4.འགྲོ་དོན་ལྷུན་གྱིས་གྲུབ་པས་སངས་རྒྱས་ཀྱི་མཛད་པ་འགྲུབ་པའི་གནད། 5.སེམས་བསྐྱེད་ཀྱི་འཕེན་པས་འཕངས་པས་ཐེག་པ་ དམན་པར་མི་གོལ་བའི་གནད། 6.གདུལ་བྱ་སྨིན་ཅིང་གྲོལ་བས་གདུང་རྒྱུད་འཛིན་པའི་གནད་དེ་དྲུག་དང་ལྡན་པ་ཡིན་ལ། དེ་ལྟར་རྩ་བ་བཞི་ལས་གནད་ཀྱི་ཁྱད་ཆོས་བཞི་བཅུ་དང་ལྡན་པས་ན་གསང་སྔགས་རྡོ་རྗེ་ཐེག་པའི་ལམ་གནད་པ་བྱའི་ངོ་བོ། སྤངས་ཤིང་གྲོལ་བའི་དོན་གང་ཡིན་བརྟགས་པའོ། །
Tibetan Source	《དཔལ་སྤྲུལ་གསུང་འབུམ་ང་པ་》ཤ་6ན་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number