11275

Tibetan	སྤང་བར་བྱ་བའི་ས་དཔྱད་བཞི་བཅུ་རྩ་བཞི།
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་གཉིས་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་ས་ཆུ་ཤིང་གི་དཔྱད་པ་ལས་བྱུང་བ་སྟེ། སློབ་དཔོན་ཆེན་པོས་གསུངས་པ། 1.ཤར་རི་མཐོ་ན་ཚེ་བསོད་དག་གཟན༔ 2.ལྷོ་རིར་རྒྱབ་གཏད་འདྲ་ན་དགྲ་སྣ་མང་༔ 3.ནུབ་རི་ཧར་པོར་སོང་ན་བཀྲ་མི་ཤིས༔ ཆེས་ཆེར་ཧར་པོར་སོང་ན་ནད་གདོན་མང༔ 4.བྱང་རི་བརྡལ་ན་ལོངས་སྤྱོད་དབུལ་ཞིང་མུག༔ ཡིད་ཙམ་བརྡལ་ཡང་ཕྱི་ཐག་ཐུང་བ་ཡིན༔ ཉི་ཟླའི་འགྲོས་ལམ་དོག་ན་བསོད་ནམས་ཆུང༔ 5.ཕྱོགས་བཞིའི་རི་ལུང་ཤར་ནུབ་གོ་ལོག་ན༔ 6.འབངས་ཀྱིས་གྱེན་ལོག་རྗེ་ལ་བཙན་འབེབ་ཡོང༔ ནུབ་བྱང་ལམ་གྱི་སྣ་ཟུགས་དགྲ་འདྲེ་སྡང༔ རྒྱབ་རི་ཤར་ལ་གཏད་ན་སྙན་གྲགས་ཆུང༔ 8.མདུན་རི་ནུབ་ལ་བསྟན་ན་ཚེ་ཐག་ཐུང༔ 9.རྒྱབ་རིས་མནན་པ་འདྲ་ན་དཔོན་བཀུར་ལྕི༔ 10.རྒྱབ་རི་གྱེས་པ་འདྲ་ན་མགོན་སྐྱབས་ཆུང༔ 11.སྟེང་ནས་ལྷུང་ཐབས་འདྲ་བའི་བྲག་དང་རི༔ མ་ཉེས་ཁ་ཡོག་བྱུར་རྡོ་ཡིན་པས་ངན༔ 12.མཆི་རིས་ཤར་བ་འདྲ་ན་མྱ་ངན་ཆེ༔ 13.སྤར་སེན་བྲད་པ་འདྲ་ན་ཟོག་མི་སོག༔ 14.གས་པ་བརྒྱང་བ་འདྲ་ན་གོད་ཡམས་མང༔ 15.སྒོ་ཐད་རི་བྲག་ཕ་བོང་སྐེད་ཆད་དང༔ སྒོ་ཁྱིས་ཟན་སྒུག་གཅན་ཟན་ངུ་ཟུག་ཚུལ༔ སྐྱིད་སྡུག་སྒང་གཞོང་ཆེ་ཞེང་གོད་ཁ་སྡང༔ སྐྱེས་པའི་ཚེ་སྲོག་ལ་གཟན་སྤང་བར་བྱ༔ 16.ཡུགས་སའི་སྡུག་འདུག་བྱས་འདྲའི་རི་བྲག་རྣམས༔ བཟའ་མི་ཁ་དབྱེ་ཤི་ཆད་ཡོད་པས་སྤང༔ 17.ཕྱི་རུ་གས་པ་འདྲ་ན་ཟས་གཡང་ཉམས༔ 18.གཡང་ལ་ལྷུང་བ་འདྲ་ན་ནོར་གཡང་ཉམས༔ 19.ཆུ་སྲིན་འདྲ་ན་ཀླུ་ཡི་གནོད་པ་སྡང༔ 20.སྦལ་བ་འདྲ་ན་ས་བདག་གདུག་པོ་ཡོང༔ 21.མོ་མཚན་འདྲ་ན་སྲིན་མོས་ཐིག་ལེ་འཕྲོག༔ 22.བྲག་དང་གད་པ་སྦྲ་ཙམ་ས་དགྲ་ངན༔ 23.དེའུ་གླང་གི་སྣ་འདྲ་སྒོ་ཟུག་ནི༔ ཕ་རོལ་གཞན་གྱིས་ཉེར་འཚེ་ཤིན་ཏུ་མང༔ 24.བྲག་ཕུག་མ་མོ་དང་ནི་སྲིན་མོ་གནས༔ 25.ནགས་ཁྲོད་དག་ལ་ཀླུ་དང་གནོད་སྦྱིན་གནས༔ 26.དུར་ཁྲོད་དག་ན་སྡེ་བརྒྱད་ཕལ་ཆེར་འཚུབས༔ 27.ཤིང་གཅིག་པ་ལ་དབང་ཕྱུག་ཆེན་པོ་གནས༔ 28.ས་ཕུག་གད་རྡོལ་ཐེའུ་རང་དམ་སྲི་གནས༔ 29.གནམ་ས་གྲུ་གསུམ་ཤིན་ཏུ་ནོན་པར་དཀའ༔ 30.ལུང་བའི་མདོ་ཤོར་དར་རྒྱས་ཆུང་བ་ཡོང༔ 31.གངས་རི་གཏན་ཆགས་མགུར་ལྷ་དགེ་བསྙེན་གནས༔ 32.ས་བྲག་རི་ལུང་དམར་པོ་བཙན་གྱི་ཡུལ༔ 33.དེ་རྣམས་ནགས་དང་འདྲེས་ན་ཀླུ་བཙན་གནས༔ 34.བྲག་དཀར་སྤང་དང་འདྲེས་པར་དཀར་ཕྱོགས་ གནས༔ དེ་ལ་ནགས་ཚལ་རྒྱས་ན་མ་སང་གནས༔ 35.བྲག་དཀར་རིགས་ལ་སྤ་མ་ཕུག་པ་མང༔ ཀླུ་སྨན་གནས་པས་ཐབ་གཞོབ་སྤང་བར་བྱ༔ 36.བྲག་དཀར་བྲག་དམར་བྲག་ནག་གསུམ་འདྲེས་ན༔ ལྷ་བཙན་བདུད་གསུམ་ཆེ་ཆུང་གང་རིག་གནས༔ 37.མདོག་ནག་བྲག་འཁྲེབ་སྤང་དང་ཤིང་སྤུན་ཅན༔ གཞི་བདག་རྨུ་དང་བྲག་གི་སྨན་མོ་གནས༔ 38.བྲག་ནག་རི་ནག་དག་ལ་བདུད་གནས་ཤིང༔ ཤིང་དང་ནགས་ཚལ་ཅན་ལ་ཀླུ་བདུད་གནས༔ 39.གཡའ་རི་སྨུག་པོར་གཡའ་ཡི་བཙན་གནས་ཤིང༔ 40.གཡའ་རི་ཤིན་ཏུ་འཇམ་ན་གཡའ་སྨན་གནས༔ 41.རི་ལུང་རྩུབ་ཅིང་ལུང་གསུམ་འདུས་པའི་མདོར༔ སྡེ་བརྒྱད་ཕལ་ཆེར་འཚུབ་པས་ཤིན་ཏུ་གཉན༔ 42.བྲག་ནག་རི་ནག་བདུད་ཀྱི་ཕོ་བྲང་ཡིན༔ 43.དམར་ནག་རི་བྲག་ཁྲལ་ཁྲོལ་ཀླུ་སྲིན་གནས༔ ཆུ་བོ་རྣམས་ལ་ཀླུ་བཙན་གླུ་བཙན་གནས༔ རྒྱལ་རིགས་རྗེ་རིགས་བྲམ་ཟེ་གདོལ་པ་སོགས༔ ཀླུ་རིགས་རྣམས་བཞི་ཕྱོགས་བཞིའི་འབབ་ཆུར་གནས༔ 44.དགོན་གནས་ཕོ་བྲང་དག་ལ་རྒྱལ་པོ་དང༔ གྲོང་རྡལ་ཚོང་འདུས་རྣམས་སུ་སྲིན་མོ་གནས༔ ཞེས་གསུངས་སོ། །
Tibetan Source	《མདོ་རྒྱུད་མཛོད་ཧ་པ་》ཤ་657.6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number