11286

Tibetan	ཡི་གེ་ཞེ་དྲུག
Tibetan Alternate
Tibetan Definition	དེ་ཡང་། མདོ་རྒྱ་ཆེར་རོལ་པ་ལས་བྱུང་བ་སྟེ། 1.ཨ་ཞེས་བརྗོད་པ་དེའི་ཚེ་འདུ་བྱེད་ཐམས་ཅད་མི་རྟག་པའི་སྒྲ་བྱུང་ངོ་། ། 2.ཨཱ་ཞེས་བརྗོད་པ་དང་བདག་མེད་པའི་སྒྲ་བྱུང་ངོ་། ། 3.ཨི་ཞེས་བརྗོད་པ་དང་དབང་པོ་ཤིན་ཏུ་ཡངས་པའི་སྒྲ་བྱུང་ངོ་། ། 4.ཨཱི་ཞེས་བརྗོད་པ་དང་འགྲོ་བ་ནི་ཡམས་ཀྱི་ནད་མང་བ་ཞེས་བྱ་བའི་སྒྲ་བྱུང་ངོ་། ། 5.ཨུ་ཞེས་བརྗོད་པ་དང་འགྲོ་བ་ནི་འཚེ་བ་མང་ངོ་ཞེས་བྱ་བའི་སྒྲ་བྱུང་ངོ་། ། 6.ཨུ་ཞེས་བརྗོད་པ་དང་འགྲོ་བ་ནི་དམའ་བའོ་ཞེས་བྱ་བའི་སྒྲ་བྱུང་ངོ་། ། 7.ཨེ་ཞེས་བརྗོད་པ་དང་ཉེས་པ་ནི་བཙལ་བ་ལས་བྱུང་ངོ་ཞེས་བྱ་བའི་སྒྲ་བྱུང་ངོ་། ། 8.ཨི་ཞེས་བརྗོད་པ་དང་འཕགས་པའི་ལམ་ནི་དགེའོ་ཞེས་བྱ་བའི་སྒྲ་བྱུང་ངོ་། ། 9.ཨོ་ཞེས་བརྗོད་པ་དང་ཆུ་བོ་ལས་རྒལ་བའི་སྒྲ་བྱུང་ངོ་། ། 10.ཨོ་ཞེས་བརྗོད་པ་དང་རྔུབ་པའི་སྒྲ་བྱུང་ངོ་། ། 11.ཨོཾ་ཞེས་བརྗོད་པ་དང་བདག་གི་བ་མི་འབྱུང་ཞེས་བྱ་བའི་སྒྲ་བྱུང་ངོ་། ། 12.ཨཿ ཞེས་བརྗོད་པ་དང་ནུབ་པ་ཞེས་བྱ་བའི་སྒྲ་བྱུང་ངོ་། ། 13.ཀ་ཞེས་བརྗོད་པ་དང་ལས་ཀྱི་རྣམ་པར་སྨིན་པ་ལ་འཇུག་པ་ཞེས་བྱ་བའི་སྒྲ་བྱུང་ངོ་། ། 14.ཁ་ཞེས་བརྗོད་པ་དང་ཆོས་ཐམས་ཅད་ནམ་མཁའ་དང་མཉམ་ཞེས་བྱ་བའི་སྒྲ་བྱུང་ངོ་། ། 15.ག་ཞེས་བརྗོད་པ་དང་ཆོས་ཟབ་ཅེས་བྱ་བའི་སྒྲ་བྱུང་ངོ་། ། 16.གྷ་ཞེས་བརྗོད་པ་དང་མ་རིག་པ་དང་། གཏི་མུག་གི་མུན་པ་དང་། ལིང་ཏོག་སྟུག་པོ་བསལ་ཞེས་བྱ་བའི་སྒྲ་བྱུང་ངོ་། ། 17.ང་ཞེས་བརྗོད་པ་དང་ཡིན་ལག་རྣམ་པར་དག་པ་ཞེས་བྱ་བའི་སྒྲ་བྱུང་ངོ་། ། 18.ཙ་ཞེས་བརྗོད་པ་དང་འཕགས་པའི་བདེན་པ་བཞིའི་སྒྲ་བྱུང་ངོ་། ། 19.ཚ་ཞེས་བརྗོད་པ་དང་འདོད་པའི་འདོད་ཆགས་སྤངས་པའི་སྒྲ་བྱུང་ངོ་། ། 20.ཛ་ཞེས་བརྗོད་པ་དང་རྒ་ཤི་ལས་ཡང་དག་པར་འདས་པའི་སྒྲ་བྱུང་ངོ་། ། 21.ཛྷ་ཞེས་བརྗོད་པ་དང་འཚེ་བྱེད་ཀྱི་རྒྱལ་མཚན་ཅན་གྱི་དཔུང་ཚར་བཅད་པའི་སྒྲ་བྱུང་ངོ་། ། 22.ཉ་ཞེས་བརྗོད་པ་དང་ཤེས་པར་བྱེད་པའི་སྒྲ་བྱུང་ངོ་། ། 23.ཊ་ཞེས་བརྗོད་པ་དང་ལམ་ཤིན་ཏུ་ཆད་པའི་སྒྲ་བྱུང་ངོ་། ། 24.ཋ་ཞེས་བརྗོད་པ་དང་དྲི་བ་བཞག་པའི་སྒྲ་བྱུང་ངོ་། ། 25.ང་ཞེས་བརྗོད་པ་དང་དཀྲུགས་མ་དང་བདུད་ཚར་གཅད་པའི་སྒྲ་བྱུང་ངོ་། ། 26.རྟ་ཞེས་བརྗོད་པ་དང་ཡུལ་མི་གཙང་བའི་སྒྲ་བྱུང་ངོ་། ། 27.ཎ་ཞེས་བརྗོད་པ་དང་ཉོན་མོངས་པ་ནི་ཕྲ་བ་ཞེས་བྱ་བའི་སྒྲ་བྱུང་ངོ་། ། 28.ཏ་ཞེས་བརྗོད་པ་དང་དེ་བཞིན་ཉིད་ནི་འདྲེས་པ་མེད་ཅེས་བྱ་བའི་སྒྲ་བྱུང་ངོ་། 29.ཐ་ཞེས་བརྗོད་པ་དང་མཐུ་སྟོབས་དང་། ཤུགས་དང་། མི་འཇིགས་པའི་སྒྲ་བྱུང་ངོ་། ། 30.ད་ཞེས་བརྗོད་པ་དང་སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། ངེས་པའི་སྒྲ་བྱུང་ངོ་། ། 31.དྷ་ཞེས་བརྗོད་པ་དང་འཕགས་པ་རྣམས་ཀྱི་ནོར་ནི་རྣམ་པ་བདུན་ནོ་ཞེས་བྱ་བའི་སྒྲ་བྱུང་ངོ་། ། 32.ན་ཞེས་བརྗོད་པ་དང་མིང་དང་གཟུགས་ཡོངས་སུ་ཤེས་པར་བྱ་བའི་སྒྲ་བྱུང་ངོ་། ། 33.པ་ཞེས་བརྗོད་པ་དང་དོན་དམ་པའི་སྒྲ་བྱུང་ངོ་། ། 34.ཕ་ཞེས་བརྗོད་པ་དང་འབྲས་བུ་རྙེད་པ་མངོན་དུ་བྱ་བའི་སྒྲ་བྱུང་ངོ་། ། 35.བ་ཞེས་བརྗོད་པ་དང་བཅིངས་པ་ལས་རྣམ་པར་ཐར་བའི་སྒྲ་བྱུང་ངོ་། ། 36.བྷ་ཞེས་བརྗོད་པ་དང་སྲིད་པ་འཇིགས་བའི་སྒྲ་བྱུང་ངོ་། ། ། 37.མ་ཞེས་བརྗོད་པ་དང་ང་རྒྱལ་དང་རྒྱགས་པ་ཞི་བར་བྱ་བའི་སྒྲ་བྱུང་ངོ་། ། 38.ཡ་ཞེས་བརྗོད་པ་དང་ཆོས་ཇི་ལྟ་བ་བཞིན་དུ་རྟོགས་པར་བྱ་བའི་སྒྲ་བྱུང་ངོ་། ། 39.ར་ཞེས་བརྗོད་པ་དང་དགའ་བ་ལ་དགའ་བ་མེད་པ་ནི། དོན་དམ་པར་དགའ་བ་ཞེས་བྱ་བའི་སྒྲ་བྱུང་ངོ་། ། 40.ལ་ཞེས་བརྗོད་པ་དང་འཁྲི་ཤིང་ཆད་པའི་སྒྲ་བྱུང་ངོ་། ། 41.ལ་ཞེས་བརྗོད་པ་དང་ཐེག་པ་མཆོག་གི་སྒྲ་བྱུང་ངོ་། ། 42.ཤ་ཞེས་བརྗོད་པ་དང་ཞི་གནས་དང་ལྷག་མཐོང་གི་སྒྲ་བྱུང་ངོ་། ། 43.འ་ཞེས་བརྗོད་པ་དང་སྐྱེ་མཆེད་དྲུག་གཞོན་ཞིང་མངོན་པར་ཤེས་པ་དྲུག་དང་ཡེ་ཤེས་ཐོབ་པའི་སྒྲ་བྱུང་ངོ་། ། 44.ས་ཞེས་བརྗོད་པ་དང་ཐམས་ཅད་མཁྱེན་པའི་ཡེ་ཤེས་མངོན་པར་རྫོགས་པར་བྱང་ཆུབ་པར་བྱ་བའི་སྒྲ་བྱུང་ངོ་། ། 45.ཧ་ཞེས་བརྗོད་པ་དང་ཉོན་མོངས་པ་བཅོམ་ཞིང་འདོད་ཆགས་དང་བྲལ་བའི་སྒྲ་བྱུང་ངོ་། ། 46.གླ་ཞེས་བརྗོད་པ་དང་ཡི་གེའི་མཐར་ཕྱིན་ཏེ། ཆོས་ཐམས་ཅད་བརྗོད་དུ་མེད་པའོ་ཞེས་བྱ་བའི་སྒྲ་བྱུང་ངོ་། །
Tibetan Source	《མདོ་ཁ་པ་》ཤ་108བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number