11294

Tibetan	དགེ་སློང་གསང་སྟོན་མའི་དྲི་བ་ཞེ་བརྒྱད།
Tibetan Alternate
Tibetan Definition	དེ་ཡང་། འདུལ་བ་ཕྲན་ཚེགས་ཀྱི་གཞི་ལས་བྱུང་བ་སྟེ། 1.ཁྱོད་བུད་མེད་དམ། 2.བུད་མེད་ཀྱི་དབང་པོ་དང་ལྡན་ནམ། 3.ཁྱིམ་ན་གནས་པ་ལོ་བཅུ་གཉིས་པའམ། གཞོན་ནུ་མ་ལོ་ཉི་ཤུ་ཚང་ངམ། 4.ཆོས་གོས་ལྔ་དང་། ལྷུང་བཟེད་རྣམས་དང་ལྡན་ནམ། 5.ཕ་མ་དང་། ཁྱིམ་ཐབ་རྣམས་གསོན་ནམ། 6.ཕ་དང་མ་དང་ཁྱོ་རྣམས་ཀྱིས་གནང་ངམ། 7.བྲན་མོ་མ་ཡིན་ནམ། 8.ཕྲོགས་པ་མ་ཡིན་ནམ། 9.བརྐུས་པ་མ་ཡིན་ནམ། 10.བཙོང་བ་མ་ཡིན་ནམ། 11.རྙེད་བཙོན་མ་ཡིན་ནམ། 12.གཞན་གྱིས་ཆགས་པ་མེད་དམ། 13.སྤྲུལ་པ་མ་ཡིན་ནམ། 14.དུད་འགྲོ་མ་ཡིན་ནམ། 15.རྒྱལ་པོ་ལ་གཙེས་པ་མ་ཡིན་ནམ། 16.རྒྱལ་པོ་དང་འཁོན་པ་མ་ཡིན་ནམ། 17.རྒྱལ་པོ་ལ་གནོད་པའི་ལས་བྱས་སམ། བྱེད་དུ་བཅུག་པ་མ་ཡིན་ནམ། 18.མི་སྲུན་པ་མ་ཡིན་ནམ། 19.མྱ་ངན་གྱིས་གདུངས་པ་མ་ཡིན་ནམ། 20.སྦྲུམ་མ་མ་ཡིན་ནམ། 21.མཚན་མེད་པ་མ་ཡིན་ནམ། 22.མཚན་གཉིས་པ་མ་ཡིན་ནམ། 23.སླེ་འདམས་པ་མ་ཡིན་ནམ། 24.རྟག་ཏུ་ཁྲག་འཛག་པ་མ་ཡིན་ནམ། 25.ཁྲག་མེད་པ་མ་ཡིན་ནམ། 26.མཚན་མ་ཙམ་ཡོད་པ་མ་ཡིན་ནམ། 27.དགེ་སློང་བསླུས་པ་མ་ཡིན་ནམ། 28.ཕ་བསད་པ་མ་ཡིན་ནམ། 29.མ་བསད་པ་མ་ཡིན་ནམ། 30.དགྲ་བཅོམ་པ་བསད་པ་མ་ཡིན་ནམ། 31.དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ། 32.མུ་སྟེགས་ཅན་མ་ཡིན་ནམ། 33.མུ་སྟེགས་ཅན་དུ་འགྲོ་བ་མ་ཡིན་ནམ། 34.རྐུན་པོའི་རྒྱལ་མཚན་ཅན་མ་ཡིན་ནམ། 35.རྐུ་ཐབས་སུ་གནས་པ་མ་ཡིན་ནམ། 36.སོ་སོར་གནས་པ་མ་ཡིན་ནམ། 37.མི་གནས་པ་མ་ཡིན་ནམ། 38.ཅི་ཁྱོད་སྔོན་རབ་ཏུ་བྱུང་བ་མ་ཡིན་ནམ། དེ་སྟེ་རབ་ཏུ་བྱུང་བའོ་ཞེས་སྨྲ་ན། འོ་ན་སླར་སོང་ཞིག་ཅེས་སྨོས་ཤིག དེ་སྟེ་རབ་ཏུ་མ་བྱུང་ངོ་ཞེས་སྨྲ་ན། ཅི་ཁྱོད་ཀྱིས་ད་ལྟར་རབ་ཏུ་བྱུང་ངམ། བྱུང་ངོ་། ། 39.ཅི་ཁྱོད་ཀྱིས་ཚངས་པར་སྤྱོད་པ་ཡང་དག་པར་སྤྱད་དམ། སྤྱད་དོ། ། 40.ཁྱོད་ཀྱིས་དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང་། རྗེས་སུ་འབྲང་བའི་ཆོས་དྲུག་གི་བསླབ་པ་གསོལ་ཏམ། གསོལ་ཏོ། ། 41.ཁྱོད་ཀྱིས་ལོ་གཉིས་སུ་ཆོས་དྲུག་དང་། རྗེས་སུ་འབྲང་བའི་ཆོས་དྲུག་གི་བསླབ་པ་བསླབས་སམ། བསླབས་སོ། ། 42.ཁྱོད་ལ་དགེ་སློང་མའི་དགེ་འདུན་གྱིས་ཚངས་པར་སྤྱད་པ་སྐྱེད་པའི་སྡོམ་པ་ཕོག་གམ། ཕོག་གོ། ། 43.ཁྱོད་ལ་དགེ་སློང་མའི་འདུན་གྱིས་སྔར་བྱ་བའི་ལས་རྣམས་བྱས་སམ། བགྱིས་སོ། ། 44.ཁྱོད་ཀྱིས་དགེ་སློང་མའི་དགེ་འདུན་རྣམས་ཀྱི་སེམས་གུས་པར་བྱས་སམ། གུས་པར་བགྱིས་སོ། ། 45.བར་ཆད་ཀྱི་ཆོས་རྣམས་ཡོངས་སུ་དག་གམ། ཡོངས་སུ་དག་གོ ། 46.ཁྱོད་ལ་གཞན་གྱི་བུ་ལོན་མང་ཡང་རུང་། ཉུང་ཡང་རུང་ཆགས་པ་མེད་དམ། མེད་དོ། ། 47.ཁྱོད་ཀྱི་མིང་ཅི། ཁྱོད་ཀྱི་མཁན་མོའི་མིང་ཅི། བདག་གི་མིང་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ། མཁན་མོའི་མིང་འདི་ཞེས་བགྱིའོ། ། 48.ཁྱོད་མིང་འདི་ཞེས་བགྱི་བ་ཉོན་ཅིག བུད་མེད་ཀྱི་ལུས་ལ་གནོད་པར་འགྱུར་བ་ལུས་ཀྱི་ནད་འདི་འདྲ་བ་ཡོད་དེ། དེ་འདི་ལྟ་སྟེ། མཛེ་དང་། འབྲས་དང་། ཤུ་བ་དང་། ཚད་པ་དང་། ཤ་བཀྲ་དང་། རྐང་བ་དང་། ཕོལ་མིག་དང་། གློག་པ་དང་། རབ་ཏུ་གཡའ་བ་དང་། སྐྱིགས་བུ་དང་། སྐྱུགས་པ་དང་། གཞང་འབྲུམ་དང་། རིམས་དང་། ཟ་ངད་དང་། མྱོས་པ་དང་། ཆུ་བགགས་པ་དང་། ངལ་བ་དང་། རྨོང་བུ་དང་། དབུགས་མི་བདེ་བ་དང་། ལུད་པ་དང་། སྐེམ་པ་དང་། རྗེད་བྱེད་དང་། འཇས་པ་དང་། དཀར་པོའི་ནད་དང་། རྐང་འབམ་དང་། མཚན་པར་རྡོལ་བ་དང་། སྐྲན་དང་། ཁྲག་ནད་དང་། མཁྲིས་པ་དང་། རྐུ་བ་འབྲུམ་དང་། ལྷོག་པ་དང་། ཡན་ལག་ཚ་བ་དང་། རྩིབ་ལོག་ཚ་བ་དང་། རུས་པ་ཞིག་པ་དང་། རིམས་དྲག་པོ་དང་། རིམས་ཞག་གཅིག་པ་དང་། རིམས་ཞིག་གཉིས་པ་དང་། རིམས་ཞག་གསུམ་པ་དང། ཞག་བཞི་པ་དང་། རིམས་ཉིན་རེ་དང་། འདུས་པའི་རིམས་དང་། རིམས་ལྡང་དུབ་པ་དང་། ། ཁྱོད་ཀྱི་ཚུས་ལ་འདི་ལྟ་བུའི་ལུས་ཀྱི་ནད་དང་། གཞན་དག་མེད་དམ། དེ་སྟེ་གཙང་བར་གྱུར་ན། གསང་སྟེ་སྟོན་པས་ཇི་ལྟར་བདག གིས་ཁྱོད་ལ་དྲིས་པ་དེ་བཞིན་དུ། དགེ་འདུན་གྱི་ནང་དུ་སྨྱོས་ཤིག་ཅེས་བསྒོའོ། །
Tibetan Source	《འདུལ་བ་ད་པ་》ཤ་168བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number