11354

Tibetan	རིགས་ཕུན་སུམ་ཚོགས་པ་དྲུག་ཅུ་རྩ་བཞི།
Tibetan Alternate
Tibetan Definition	དེ་ཡང་། མདོ་རྒྱ་ཆེར་རོལ་པ་ལས་བྱུང་བ་སྟེ། 1.རིགས་དེ་ནི་བཙུན་པ་ཡིན། 2.རིགས་དེ་ནི་ཀུན་གྱིས་མངོན་པར་ཤེས་པ་ཡིན། 3.རིགས་དེ་ནི་ཕྲན་ཚེགས་མེད་ཅིང་གནོད་པར་བྱེད་པ་མེད་པ་ཡིན། 4.རིགས་དེ་ནི་རྒྱུད་ཕུན་སུམ་ཚོགས་པ་ཡིན། 5.རིགས་དེ་ནི་ཆོ་འབྲང་ཕུན་སུམ་ཚོགས་པ་ཡིན། 6.རིགས་དེ་ནི་སྐྱེས་བུ་ཟུང་ཕུན་སུམ་ཚོགས་པ་ཡིན། 7.རིགས་དེ་ནི་སྔོན་གྱི་སྐྱེས་བུ་ཟུང་ཕུན་སུམ་ཚོགས་པ་ཡིན། 8.རིགས་དེ་ནི་བཙུན་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། 9.རིགས་དེ་ནི་ཀུན་གྱིས་མངོན་པར་ཤེས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། 10.རིགས་དེ་ནི་དབང་ཆེ་བར་གྲགས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། 11.རིགས་དེ་ནི་སྐྱེས་པ་མང་བ་ཡིན། 12.རིགས་དེ་ནི་བུད་མེད་མང་བ་ཡིན། 13.རིགས་དེ་ནི་འཇིགས་པ་མེད་པ་ཡིན། 14.རིགས་དེ་ནི་དམན་པ་མེད་ཅིང་ཞུམ་པ་མེད་པ་ཡིན། 15.རིགས་དེ་ནི་བརྐམ་པ་མེད་པ་ཡིན། 16.རིགས་དེ་ནི་ཚུལ་ཁྲིམས་དང་ལྡན་པ་ཡིན། 17.རིགས་དེ་ནི་ཤེས་རབ་དང་ལྡན་པ་ཡིན། 18.རིགས་དེ་ནི་བློན་པོས་བལྟ་ཞིང་ལོངས་སྤྱོད་ལ་སྤྱོད་པ་ཡིན། 19.རིགས་དེ་ནི་བཟོ་དོན་ཡོད་པས་བཤམས་ཤིང་ལོངས་སྤྱོད་ལ་སྤྱོད་པ་ཡིན། 20.རིགས་དེ་ནི་མཛའ་བ་བརྟན་པ་ཡིན། 21.རིགས་དེ་ནི་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་ཀྱི་སྲོག་ལ་ལྟ་བ་ཡིན། 22.རིགས་དེ་ནི་བྱས་པ་གཟོ་བ་དང་ལྡན་པ་ཡིན། 23.རིགས་དེ་ནི་བརྟུལ་ཞུགས་ཤེས་པ་ཡིན། 24.རིགས་དེ་ནི་འདུན་པས་མི་འགྲོ་བ་ཡིན། 25.རིགས་དེ་ནི་ཞེ་སྡང་གིས་མི་འགྲོ་བ་ཡིན། 26.རིགས་དེ་ནི་གཏི་མུག་གིས་མི་འགྲོ་བ་ཡིན། 27.རིགས་དེ་ནི་འཇིགས་པས་མི་འགྲོ་བ་ཡིན། 28.རིགས་དེ་ནི་ཁ་ན་མ་ཐོ་བས་འཇིགས་པ་ཡིན། 29.རིགས་དེ་ནི་གཏི་མུག་ལ་མི་གནས་པ་ཡིན། 30.རིགས་དེ་ནི་ལག་སྦབས་ཆེ་བ་ཡིན། 31.རིགས་དེ་ནི་བྱ་བ་ལ་མོས་པ་ཡིན།། 32.རིགས་དེ་ནི་གཏོང་བ་ལ་མོས་པ་ཡིན། 33.རིགས་དེ་ནི་སྦྱིན་པ་ལ་མོས་པ་ཡིན། 34.རིགས་དེ་ནི་ཞོ་ཤ་ཤེས་པ་ཡིན། 35.རིགས་དེ་ནི་རྩལ་བརྟན་པ་ཡིན། 36.རིགས་དེ་ནི་མཐུ་རྩལ་དད་ལྡན་པ་ཡིན། 37.རིགས་དེ་ནི་རྩལ་མཆོག་དང་ལྡན་པ་ཡིན། 38.རིགས་དེ་ནི་དྲང་སྲོང་མཆོད་པ་ཡིན། 39.རིགས་དེ་ནི་ལྷ་མཆོད་པ་ཡིན། 40.རིགས་དེ་ནི་མཆོད་རྟེན་མཆོད་པ་ཡིན། 41.རིགས་དེ་ནི་མཚུན་རྗེད་པ་ཡིན། 42.རིགས་དེ་ནི་འཁོན་དུ་འཛིན་པ་མེད་པ་ཡིན། 43. རིགས་དེ་ནི་ཕྱོགས་བཅུར་སྒྲ་གྲགས་པ་ཡིན། 44.རིགས་དེ་ནི་འཁོར་ཆེན་པོ་དང་ལྡན་པ་ཡིན། 45.རིགས་དེ་ནི་འཁོར་མི་ཕྱེད་པ་དང་ལྡན་པ་ཡིན། 46.རིགས་དེ་ནི་བླ་ན་མེད་པའི་འཁོར་དང་ལྡན་པ་ཡིན། 47.རིགས་དེ་ནི་རིགས་ཀྱི་ནང་ན་གཙོ་བོར་བྱ་བ་ཡིན། 48.རིགས་དེ་ནི་རིགས་ལ་དབང་ཐོབ་པ་ཡིན། 49.རིགས་དེ་ནི་དབང་ཆེ་བར་གྲགས་པ་ཡིན། 50.རིགས་དེ་ནི་ཕར་འཛིན་པ་ཡིན། 51.རིགས་དེ་ནི་མར་འཛིན་པ་ཡིན། 52.རིགས་དེ་ནི་དགེ་སྦྱོང་དུ་འཇིན་པ་ཡིན། 53.རིགས་དེ་ནི་བྲམ་ཟེར་འཛིན་པ་ཡིན། 54.རིགས་དེ་ནི་ནོར་དང་འབྲུའི་བང་མཛོད་མང་བ་ཡིན། 55.རིགས་དེ་ནི་དབྱིག་དང་། གསེར་དང་། ནོར་བུ་དང་། མུ་ཏིག་དང་། བཻཌཱུརྱ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་དང་། རྫས་དང་། ཡོ་བྱད་མང་བ་ཡིན། 56.རིགས་དེ་ནི་གླང་པོ་ཆེ་དང་། རྟ་དང་། རྔ་མོང་དང་། བ་ལང་དང་། ལུག་ཤིན་ཏུ་མང་བ་ཡིན། 57.རིགས་དེ་ནི་བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་ཤིན་ཏུ་མང་བ་ཡིན། 58.རིགས་དེ་ནི་ཐུབ་པར་དཀའ་བ་ཡིན། 59.རིགས་དེ་ནི་དོན་ཐམས་ཅད་གྲུབ་པ་ཡིན། 60.རིགས་དེ་ནི་འཁོར་ལོས་སྒྱུར་བའི་རིགས་ཀྱི་རྒྱུད་དུ་སྐྱེས་པ་ཡིན། 61.རིགས་དེ་ནི་སྔོན་གྱི་དགེ་བའི་རྩ་བའི་གྲོགས་ཀྱིས་བསྐྱེད་པ་ཡིན། 62.རིགས་དེ་ནི་བྱང་ཆུབ་སེམས་དཔའི་རིགས་སུ་རིགས་བཙུན་པར་སྐྱེས་པ་ཡིན། 63.རིགས་དེ་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེའི་སྐྱེ་རྒུ་དང་བཅས་པའི་ནང་ན་རིགས་ལས་སྨོས་པའི་སྐྱོན་གྱི་ཁ་ན་མ་ཐོ་བ་ཐམས་ཅད་དང་བྲལ་བ། 64.གང་དུ་བྱང་ཆུབ་སེམས་དཔའ་སྲིད་པ་ཐ་མ་པ་འབྱུང་བར་འགྱུར་བའི་རིགས་བཅས་སོ། །
Tibetan Source	《མདོ་ཁ་པ་》ཤ་24བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number