11368
| Tibetan | དོན་བདུན་ཅུ། |
|---|---|
| Tibetan Alternate | |
| Tibetan Definition | དེ་ཡང་། ཤེར་ཕྱིན་སྐབས་ཀྱི་དོན་བདུན་ཅུ་སྟེ།
1.རྣམ་མཁྱེན་མཚོན་བྱེད་ཀྱི་ཆོས་བཅུ་ནི། (1)སེམས་བསྐྱེད། (2)གདམས་ངག (3)ངེས་བྱེད་ཡན་ལག (4)རང་བཞིན་གནས་རིགས། (5)དམིགས་པ། (6)ཆེད་དུ་བྱ་བ། (7)གོ་སྒྲུབ། (8)འཇུག་སྒྲུབ། (9)ཚོགས་སྒྲུབ། (10)ངེས་འབྱུང་སྒྲུབ་པའོ། 2.ལམ་ཤེས་མཚོན་བྱེད་ཀྱི་ཆོས་བཅུ་གཅིག་ནི། (1)ལམ་ཤེས་ཀྱི་ཡན་ལག (2)ཉན་ཐོས་ཀྱི་ལམ་ཤེས་པའི་ལམ་ཤེས། (3)རང་རྒྱལ་གྱི་ལམ་ཤེས་པའི་ལམ་ཤེས། (4)ཕན་ཡོན་ཆེ་བའི་ཐོག་ཆེན་གྱི་མཐོང་ལམ། (5)ཐེག་ཆེན་སྒོམ་ལམ་གྱི་བྱེད་པ། (6)མོས་པ་སྒོམ་ལམ། (7)མོས་པ་སྒོམ་ལམ་གྱི་ཕན་ཡོན། (8)བསྔོ་བ་སྒོམ་ལམ། (9)རྗེས་སུ་ཡིད་རངས་སྒོམ་ལམ། (10)སྒྲུབ་པ་སྒོམ་ལམ། (11)རྣམ་དག་སྒོམ་ལམ་མོ། 3.གཞི་ཤེས་མཚོན་བྱེད་ཀྱི་ཆོས་དགུ་ནི། (1)ཤེས་པས་སྲིད་ལ་མི་གནས་པའི་ལམ་ཤེས། (2)སྙིང་རྗེས་ཞི་ལ་མི་གནས་པའི་ལམ་ཤེས། (3)འབྲས་ཡུམ་ལ་རིང་བའི་གཞི་ཤེས། (4)འབྲས་ཡུམ་ལ་ཉེ་བའི་ལམ་ཤེས། (5)མི་མཐུན་ཕྱོགས་ཀྱི་གཞི་ཤེས། (6)གཉེན་པོ་ཕྱོགས་ཀྱི་གཞི་ཤེས། (7)གཞི་ཤེས་ཀྱི་བྱང་སེམས་སྦྱོར་བ། (8)སྦྱོར་བ་དེའི་མཉམ་ཉིད། (9)དངོས་བསྟན་གྱི་ཐེག་ཆེན་མཐོང་ལམ་མོ། 4.རྣམ་རྫོགས་སྦྱོར་བ་མཚོན་བྱེད་ཀྱི་ཆོས་བཅུ་གཅིག་ནི། (1)རྣམ་པ། (2)སྦྱོར་བ། (3)ཡོན་ཏན། (4)སྐྱོན། (5)མཚན་ཉིད། (6)ཐར་པ་ཆ་མཐུན། (7)ངེས་འབྱེད་ཆ་མཐུན། (8)སློབ་པ་ཕྱིར་མི་ལྡོག་པའི་རྟགས་ཐོབ་པའི་དགེ་འདུན། (9)སྲིད་གཞི་མཉམ་ཉིད་སྦྱོར་བ། (10)ཞིང་དག་སྦྱོར་བ། (11)ཐབས་མཁས་སྦྱོར་བའོ། 5.རྩེ་སྦྱོར་མཚོན་བྱེད་ཀྱི་ཆོས་བརྒྱད་ནི། (1)དྲོད་རྩེ་སྦྱོར། (2) ཚེ་མོའི་རྩེ་སྦྱོར། (3)བཟོད་པའི་རྩེ་སྦྱོར། (4)ཆོས་མཆོག་རྩེ་སྦྱོར། (5)མཐོང་ལམ་རྩེ་སྦྱོར། (6)སྒོམ་ལམ་རྩེ་སྦྱོར། (7)བར་ཆད་མེད་པའི་རྩེ་སྦྱོར། (8)འདིར་བསྟན་བསལ་བྱ་ལོག་སྒྲུབ་བོ། 6.མཐར་གྱི་སྦྱོར་བ་མཚོན་བྱེད་ཀྱི་ཆོས་བཅུ་གསུམ་ནི། (1)སྦྱིན་པའི་ཕར་ཕྱིན། (2)ཚུལ་ཁྲིམས་ཀྱི་ཕར་ཕྱིན། (3)བཟོད་པའི་ཕར་ཕྱིན། (4)བརྩོན་འགྲུས་ཀྱི་ཕར་ཕྱིན། (5)བསམ་གཏན་གྱི་ཕར་ཕྱིན། (6)ཤེས་རབ་ཀྱི་ཕར་ཕྱིན། (7)སངས་རྒྱས་རྗེས་སུ་དྲན་པ། (8)ཆོས་རྗེས་སུ་དྲན་པ། (9)དགེ་འདུན་རྗེས་སུ་དྲན་པ། (10)ཚུལ་ཁྲིམས་རྗེས་སུ་དྲན་པ། (11)གཏོང་བ་རྗེས་སུ་དྲན་པ། (12)ལྷ་རྗེས་སུ་དྲན་པ། (13)དངོས་པོ་མེད་པའི་ངོ་བོ་ཉིད་ཀྱི་སྦྱོར་བའོ། 7.སྐད་ཅིག་མའི་སྦྱོར་བ་མཚོན་བྱེད་ཀྱི་ཆོས་བཞི་ནི། (1)རྣམ་པར་སྨིན་པ་མ་ཡིན་པའི་སྐད་ཅིག་མའི་སྦྱོར་བ། (2)རྣམ་པར་སྨིན་པའི་སྐད་ཅིག་མའི་སྦྱོར་བ། (3)མཚན་ཉིད་མེད་པའི་སྐད་ཅིག་མའི་སྦྱོར་བ། (4)གཉིས་སུ་མེད་པའི་སྐད་ཅིག་མའི་སྦྱོར་བའོ། 8.འབྲས་བུ་ཆོས་སྐུ་མཚོན་བྱེད་ཀྱི་ཆོས་བཞི་ནི། (1)ངོ་བོ་ཉིད་སྐུ། (2)ཡེ་ཤེས་ཆོས་སྐུ། (3)ལོངས་སྐུ། (4)སྤྲུལ་སྐུ་བཅས་སོ། ། འདི་དག་སྟོན་བྱེད་སྒོ་གསུམ་ཡོད་དེ། འགོ་སྨོས་པས་གོ་བ་རྣམས་ཀྱི་ངོར་བསྡུས་ཏེ་བསྟན་པའི་སྒོ། སྤྲོས་པ་ཙམ་གྱིས་གོ་བ་རྣམས་ཀྱི་ངོར་འབྲིང་དུ་བསྟན་པའི་སྒོ། ཚིག་ལ་འཆེལ་བ་རྣམས་ཀྱི་ངོར་རྒྱས་པར་བཤད་པའི་སྒོའོ། ། འདི་རྣམས་ནི་སྦས་དོན་མངོན་རྟོགས་ཀྱི་རིམ་པ་དོན་བདུན་ཅུ་ཡིན། ། |
| Tibetan Source | 《དུང་དཀར་ཚིག་མཛོད་ཆེན་མོ་》ཤ་1101.9ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |