114

Tibetan	དགེ་འདུན་གྱི་གཙུག་ལག་ཁང་དུ་འགྲོ་བའི་སེམས་རྣམ་པ་གཉིས།
Tibetan Alternate
Tibetan Definition	དེ་ཡང་། འཕགས་པ་ལེགས་ཉེས་ཀྱི་རྒྱུ་དང་། འབྲས་བུ་བསྟན་པའི་མདོ་ལས་བྱུང་བ་སྟེ། 1.དགེ་བའི་སེམས། གང་གིས་གཙུག་ལག་ཁང་དུ་ཕྱིན་ནས། དེ་བཞིན་གཤེགས་པ་མཐོང་ན་ཕྱག་བྱེད་པ་དང་། དགེ་འདུན་མཐོང་ན་གུས་པར་བཀུར་སྟི་བྱས་ནས། མདོ་སྡེའི་དོན་འདྲི་བར་བྱེད་པ་དང་། སྡོམ་པ་ཡང་དག་པར་བླངས་ནས་ཉེས་པ་ཆགས་པར་བྱེད་པ་དང་། ནོར་རྫས་དག་ཡོངས་སུ་བཏང་ནས་དཀོན་མཆོག་གསུམ་གྱི་ཞལ་ཏ་བྱེད་པ་དང་། ལུས་དང་། སྲོག་ལ་འཕངས་པ་མེད་པར་ཆོས་ཆེན་པོ་ཡོངས་སུ་སྲུང་ཞིང་ཡང་དག་པར་འཛིན་པར་བྱེད་པའི་གང་ཟག་དེ་ལྟ་བུ་དག་ནི་གོམ་པ་གཅིག་འདོར་བར་བྱེད་ན་ཡང་། ལྷའི་གཞལ་མེད་ཁང་དྲུང་དུ་འོང་ཞིང་། མ་འོངས་པ་ན་ཁྱིམ་བདག་ཤུག་ད་ཀ་བཞིན་དུ་རྣམ་པར་སྨིན་པའི་འབྲས་བུ་མྱོང་བར་འགྱུར་བ་གང་ཡིན་པ་དེ་ནི། སྐྱེས་བུ་མཆོག་ཏུ་དགེ་བ་ཞེས་བྱ་བའོ། ། 2.མི་དགེ་བའི་སེམས། སེམས་ཅན་གང་ལ་ལ་ཞིག་གཙུག་ལག་ཁང་དུ་འཇུག་པའི་ཚེ། དགེ་འདུན་སློང་མོ་བ་དང་། གཡར་པོ་དང་། སྔ་སྐྱོན་འབའ་ཞིག་བྱ་བར་སེམས་པ་དང་། དགེ་འདུན་གྱི་སྐྱོན་ཚོལ་ཞིང་རྩེ་གཅིག་ཏུ་རྣམ་པར་བཤིག་པ་འབའ་ཞིག་ཏུ་འདོད་པ་དང་། དགེ་སློང་གི་དགེ་འདུན་གྱི་ཟས་ཟོས་ནའང་སེམས་ལ་གནོད་པ་ཅི་ཡང་མེད་ཅིང་། ཁུར་བ་དང་། ཤིང་ཏོག་དང་། ལྡམ་ལྡུམ་དག་ཁྱེར་ནས། རང་གི་ཁྱིམ་དུ་འགྲོ་བར་བྱེད་པའི་གང་ཟག་དེ་ལྟ་བུ་དག་ཤི་འཕོས་མ་ཐག་ཏུ་ལྕགས་ཀྱི་ཐུ་ལུམ་ཟ་བའི་སེམས་ཅན་དམྱལ་བར་ལྟུང་ཞིང་། ཟངས་ཀྱི་ནང་དུ་བཅོ་བ་དང་། སྦྱར་བའི་མེས་བསྲེགས་པ་དང་། རལ་གྲི་ལྟ་བུའི་རི་ལོ་མ་ཅན་གྱི་ལྗོན་ཤིང་ལ་འཛེག་པ་ལ་སོགས་པའི་སྡུག་བསྔལ་གང་ཡང་མི་མྱོང་བ་མེད་པར་འགྱུར་ཏེ། འདི་ནི། སྐྱེས་བུ་མཆོག་མི་དགེ་བ་ཞེས་བྱའོ། །
Tibetan Source	《མདོ་ཨ་པ་》ཤ་320ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number