11495
Tibetan | ལྟ་བ་སུམ་བརྒྱ་དྲུག་ཅུ། |
---|---|
Tibetan Alternate | |
Tibetan Definition | དེ་ཡང་། ཡིད་བཞིན་མཛོད་འགྲེལ་ལས་བྱུང་བ་སྟེ། ལོ་མ་ཅན་པ་སོགས་པའི་སྟོན་པ་བརྒྱ་ཉི་ཤུ་ཉིད་སྔར་ཡང་བྱུང་། ད་ལྟར་ཡང་ཡོད། ཕྱིས་ཀྱང་འབྱུང་བའི་ཆའི་གྲངས་བརྒྱ་དང་ཉི་ཤུ་པ་གསུམ་གཅིག་ཏུ་བསྡོམས་པས་སུམ་བརྒྱ་དྲུག་ཅུའོ། ། དེ་དག་གིས་ལམ་གྱི་ཐར་པ་ནམ་ཡང་མོ་ཐོབ་པ་ཉིད་དེ་རྟག་ཆད་ཀྱི་ཆུ་བོར་བྱིང་བའི་ཕྱིར་རོ། ། སྟོན་པ་དེ་དག་གི་མིང་གང་ཞེ་ན།
1.རྒྱལ་དཔོག་པ། འཇིག་རྟེན་མེད་པ། འཚོ་བ་པ། ལོ་མ་ཅན། གཙང་སྦྲ་ཅན། ཁྱབ་འཇུག ཁྱབ་འཇུག་སེམས་དཔའ། དབྱུ་གུ་གསུམ་པ། ཀོ་ལྤགས་ཅན། མཉམ་པར་སྤྱོད་པ་ཞེས་བྱ་བ་བཅུ། 2.ལྷ་མཆོག་པ། ཆོས་ཀྱི་མཆོག་སྦྱིན་ཅན། གདུང་བ་ཅན། ལག་པ་གདུང་བ་ཅན། རྒྱལ་པོ་སྨྲ་བ། རྒན་པོ་སྨྲ་བ། མི་ཡོ་བ་སུ་ཏ་རི། རིགས་དང་རྗེས་སུ་མཐུན་པ། བཅིངས་ནས་འདུག་པ། འཁོར་སྐྱོང་བ་ཞེས་བྱ་བ་བཅུ། 3.རི་ལ་གནས་པ། རྒྱལ་པོའི་བསོད་སྙོམས་ཅན། རྒྱལ་པོའི་རྒྱལ་མཚན་ཅན། ཀློག་ཅན། ནང་ཅན། རྟ་འདུལ། ཀ་ལནྡ་ཀ་བ། སྣོད་ཙ་ཅན། སློང་མོས་རྒྱུ་བ། ཡན་ལག་རལ་ཀའི་ནང་དུ་གཏུམས་པ་དང་བཅུ། 4.སྒྲོལ་བའི་ལག་པ་ཅན། གསེར་ཅན། གྲུབ་པར་སྨྲ་བ། དབང་པོ་ཆེན་པོ། ཞ་ཉེ་ཅན། ནམ་མཁའ་འབྱུང་བ། ཤིང་རྟ་མང་པོ་ཅན། དོན་ཐམས་ཅད་པ། བསམ་གཏན་ལ་དགའ་བ། ཆོས་ཅན་པ་དང་བཅུ། 5.ཟས་གྲང་ལོ་མ་ཅན། ཕྲག་པའི་གོས་ཅན། ཕྲུ་བ་གཅིག་པ། བྱང་ཕྱོགས་ཀྱི་འགྲམ་ན་གནས་པ། ལྷོ་ཕྱོགས་ཀྱི་འགྲམ་ན་གནས་པ།དུང་སྒྲ་ཅན། ལྷ་རྟེན་སྦྱིན་མའི་བུ། ལུས་ལ་གནོད་པ་བྱེད་པ། ཀུན་ཏུ་གནོད་པ་བྱེད་པ། སྣ་ཚོགས་གཟུགས་ཅན་དང་བཅུ། 6.ཀ་ཀནྡ་པ། གཅོད་པ། ལྷའི་གྲོང་པ། གོས་མེད་པ། ས་ཁོངས་ན་གནས་པ། ཟླ་བ་ཕྱེད་པ། ཆོས་སེམས་པ་བ། མ་ལ་གུས་པ་བ། ཕ་ལ་གུས་པ་བ། ཟླ་བ་ཤར་བ་པ་དང་བཅུ། 7.ཉི་མ་ཤར་བ་པ། ལག་པ་ཟ་བ་པ། སྙིང་གིས་འཚོ་བ་པ། འདའ་བ་པ། འདས་པར་མ་གྱུར་པ། ཕུང་པོ་གསུམ་པ། གཉིས་གསུམ་གྱིས་འཚོ་བ་པ། འཇུག་པ། གྲངས་ཅན་གྱི་རྣལ་འབྱོར་ཅན། བུག་པ་བ་དང་བཅུ། 8.ནགས་ན་གནས་པ། བྷའི་ཁ་ན་པ། བྷ་ལ་ཁྱི་ལྔ་པ། ཚངས་པར་སྤྱོད་པ། སྤྱོད་པ་བ། ཕྱུགས་བདག་པ། གོའུ་ཏ་མ། ཞི་བ་ཅན་མ། ཤིན་ཏུ་ཁྲུས་མ། མཚེའུའི་འགྲམ་ན་གནས་མ་པ་སྟེ་བཅུ། 9.འཚེ་བ་པ། འཁོར་བ་ལས་གྲོལ་བ་པ། འཐོར་བྱེད་པ། ཐོག་མ་པ། པཱ་ར་དྷཱ་ཛ་པ། བྷ་ར་ཤའི་གྲངས་ཅན། ཏ་ག་ཛ། ལྷ་མཆོད་པ། གཞན་ལ་མི་འདུད་པ། གོས་ཀྱི་དུམ་ཅན་དང་བཅུ། 10.འུག་པའི་གཤོག་པ་ཅན། ལན་གསུམ་ཆུར་འཇུག་པ། འགལ་བར་མི་བྱེད་པ། མེས་པོ་ཅན། མཁའ་ལྡིང་པ། ཁྱིམ་གྱི་ར་བ་ན་གནས་པ། འཕགས་མཆོག་པ། གཉེན་གྱི་བུ། འགོད་བྱེད་པ། དགེ་སྦྱོང་བ་སྟེ་བཅུ། 11.ཀཱཏྱཱའི་བུ། ལྷག་སྤྱོད་ཀྱི་བུ། བ་གླང་གི་བརྟུལ་ཞུགས་ཅན། རི་དྭགས་ཀྱི་བརྟུལ་ཞུགས་ཅན། རྟའི་བརྟུལ་ཞུགས་ཅན། ཁྱིའི་བརྟུལ་ཞུགས་ཅན། གསོལ་བ་མི་འདེབས་པའི་བརྟུལ་ཞུགས་ཅན། ཞི་བ་པོའི་བརྟུལ་ཞུགས་ཅན། མེའི་བརྟུལ་ཞུགས་ཅན། གཞོན་ནུའི་བརྟུལ་ཞུགས་ཅན་དང་བཅུ། 12.མཐོང་བའི་ཆོས་ལ་བདེ་བར་སྨྲ་བ། ཆུ་ལ་སྐྱེས་པའི་ཕྲེང་བ་ཅན། སོའི་གཏུན་བརྡུང་ཅན། སོ་ཐགས་པ། ཡང་དག་པར་ཁྲུས་བྱེད་པ། ཆུས་དག་པར་ལྟ་བ། སྐྱེ་གནས་དག་པར་ལྟ་བ། ལས་ཀྱིས་དག་པ་བ། ཆུ་ལ་བྱིང་འཛུལ་བྱེད་པ། འབྱུང་བ་ལྔ་ལ་སེམས་ཡོད་པར་སྨྲ་བ་དང་བཅུ་བཅས་སོ། ། |
Tibetan Source | 《ཀློང་ཆེན་མཛོད་བདུན་ཀ་པ་》ཤ་129བ་3ལས་བཏུས། |
Wylie | |
Wylie Definition | |
Wylie Synonym | |
Sanskrit | |
English | |
English Definition | |
English Synonyms | |
Chinese | |
Chinese (Simplified) | |
Chinese (Traditional) | |
Chinese Definition | |
Page Number |