1326

Tibetan	སྟོད་སྨད་བར་གསུམ་གྱི་དཔའ་སྡེ་བསྐོས་ལུགས་གསུམ།
Tibetan Alternate
Tibetan Definition	1.སྟོད་ཀྱི་དཔའ་སྡེ་བསྐོས་ལུགས་ནི། སྟོད་ཀྱི་དཔའ་སྡེ་སོ་བྲག་སྟག་པོ་རོང་ཡན་ཆད། མོན་ཁ་བཞི་མན་ཆད་དེ། ཡུལ་དེ་ན་གནས་པའི་གུག་ཅོག་སྡེ་ལྔ་ལ། འབྲོ། ཁྱུང་པོ། འགར། སྣུབས། གཉོན་འདྲེ་ལྔ་གནས་ཏེ། གུག་གེ་དང་གུག་ཅོག་གིས་དཔོན་བྱས་སྟེ། གྲུ་གུ་གསེར་མིག་ཅན་གྱི་ཆུང་མ་ཧོར་མོ་སྤྱིར་མདུང་ཅན། ནུ་མ་གཡས་པ་མེ་བཙས་བསྲེགས་ནས། མདའ་སྤུར་གསུམ་གྱི་མགོ་ཙམ་པ། རྡོ་ལེབ་ལའང་ཅུར་འབྱིན་པ་ལ་ཁ་བལྟས་ནས་འཐབ་པའི་ཚེ། དཔའ་མཚན་སྟག་གི་སྤྱིལ་པོ་ཕུབ། འོག་རྟ་གཡུལ་དུ་བསད། མགོའི་སྐྲ་བཤིག གདོང་པ་ཁྲག་གིས་བྱུགས། སླར་མི་ལྡོག་པའི་ཚུལ་བྱས་ནས་འཐབ་པའི་ན་དཔའ་བའོ། ། 2.བར་གྱི་དཔའ་སྡེ་བསྐོས་ལུགས་ནི། རི་སྤེན་མ་ལུང་གིས་ཡར་བཅད། ཆགས་སྒོ་དང་པས་མར་བཅད་པའི་ཡུལ་དེ་ན་རྒྱལ་སྡེ་བཅུ་གཉིས་ལ། ནགས་ཤོད་སྟོང་བུ་ཆུང་གིས་དཔོན་བྱས་ཏེ། ལྗང་མོ་ཐག་མདུང་ཅན་གླང་པོ་ཆེའི་མདུང་ཁུར་ཏེ། དམག་དང་བཅས་ནས་འོངས་པ་ལ། འཐབ་པའི་ཚེ། དཔའ་རྟགས་སུ་རལ་གྲི་ལ་རི་མོ་བྲིས། དུར་རྒྱགས་ལྟོར་ཟོས། ཚ་ལེབ་རྒྱབ་ཏུ་གོན། སླར་མི་ལྡོག་པའི་བསམ་པ་དང་བཅས་ཏེ། དཔའ་བོའི་རལ་ཁ་བྱས་པས་ན་དཔའ་བའོ། ། 3.སྨད་ཀྱི་དཔའ་སྡེ་བསྐོས་ལུགས་ནི། རྨའི་སྤོམ་རས་མར་བཅད། བཀའ་ཐང་ཀླུ་རྩེས་ཡར་བཅད། ལོམ་ཤི་རྒྱ་མཁར་ལ་སོ་མཚམས་གཏད་པའི་ཡུལ་དེ་ན། གནས་པའི་མཐོང་ཁྱབ་སྲིད་སྡེ་དགུའི་སྟེང་དུ་བཞི་ཞ་སྡེ་དྲུག་བསྣན་པ་ལ། རྒྱའི་སོ་མཁར་བྱང་གི་བར་ལ་རྟ་པ་དགུ་སྒྲིལ་རྒྱུག་ཏུ་བཏུབ་པའི་ནང་ན། མི་སྤེ་ཐུང་ཙམ་པས་དགྲ་སྟའི་ཁ་ཁྲུ་གང་རེ་ཙམ་ཐོགས་ནས་འཐབ་པའི་ཚེ། ལྡོང་སྟོང་གི་བུ་དོར་ཏེ་ཕྱུག་མཚམས་ཀྱིས་དཔོན་བྱས་ནས། དཔའ་རྟགས་སུ་རལ་གྲིའི་ཤུབས་བཅག། ཁ་ཆེམས་ཉེ་བ་ལ་བཞག བུ་སྨད་གྲོང་པ་ལ་བཅོལ་ནས། ཕྱིར་མི་ལྡོག་པའི་བསམ་པ་དང་བཅས་ནས། དཔའ་བོ་ཡི་མདུང་ཁ་བྱེད་པས་ན་དཔའ་བའོ། །
Tibetan Source	《ལྡེའུ་ཆོས་འབྱུང་》དེབ་ཤ་274. 8ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number