1367

Tibetan	ཐེག་པ་གསུམ།
Tibetan Alternate
Tibetan Definition	དཀོན་བརྩེགས་འཕགས་པ་ལག་བཟང་གིས་མདོ་ལས་བྱུང་བ་ཁག་གཉིས་ཏེ། ཁག་དང་པོ། 1.ལྷའི་ཐེག་པ་ནི། བསམ་གཏན་དང་པོ་ནས་བསམ་གཏན་བཞི་པའི་བར་ནི་ལྷའི་ཐེག་པ་ཞེས་བྱའོ། ། 2.ཚངས་པའི་ཐེག་པ་ནི། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ནི་ཚངས་པའི་ཐེག་པ་ཞེས་བྱའོ། ། 3.འཕོགས་པའི་ཐེག་པ་ནི། ཡང་དག་པའི་ལྟ་བ་དང་། ཡང་དག་པའི་རྟོག་པ། ཡང་དག་པའི་ངག ཡང་དག་པའི་ལས་ཀྱི་མཐའ། ཡང་དག་པའི་འཚོ་བ། ཡང་དག་པའི་རྩོལ་བ། ཡང་དག་པའི་དྲན་པ། ཡང་དག་པའི་ཏིང་ངེ་འཛིན་ཅེས་བྱ་བ་འཕགས་པའི་ལམ་ཡན་ལག་བརྒྱད་པ་ཞེས་བྱ་བ་དེ་ནི། འཕགས་པའི་ཐེག་པ་ཞེས་བྱ་བའོ། ། ཁག་གཉིས་པ། 1.ཉན་ཐོས་ཀྱི་ཐེག་པ་ནི། མོས་པ་དམན་པ་དང་། དབང་པོ་དམན་པ་སྐད་ཅིག་ཙམ་ཡང་སྲིད་པ་ལ་མོས་པར་མི་བྱེད། སྲེད་པར་མི་བྱེད་ཀྱི་འདོར་ཏེ། སྐད་ཅིག་དེ་ལ་དེ་མ་ཐག་ཏུ་མྱ་ངན་ལས་འདས་པ་ཐོབ་པའི་ཕན་ཡོན་མཐོང་བས། མགོ་དང་གོས་ལ་མེ་འབར་བ་བཞིན་དུ་འཕགས་པའི་བདེན་པ་བཞི་པོ་དེ་དག་ཁོང་དུ་ཆུད་པ་རྟོགས་པར་བྱ་བའི་ཕྱིར། འདུན་པ་དང་རྩོལ་བའི་ཤས་ཆེ་བ་དེ་ནི་ཉན་ཐོས་ཀྱི་ཐེག་པ་ཞེས་བྱའོ། ། 2.རང་སངས་རྒྱས་ཀྱི་ཐེག་པ་ནི། མོས་པ་འབྲིང་དང་། དབང་པོ་འབྲིང་དང་། དབེན་པར་དགའ་བ། རང་གི་དོན་ལྷུར་ལེན་པ། བསམ་གཏན་དང་། སྙོམས་པར་འཇུག་པ་ལ་གནས་པར་བརྩོན་པ་དང་། རྟེན་ཅིང་འབྲེལ་པར་འབྱུང་བ་ལ་རབ་ཏུ་རྣམ་པར་འབྱེད་པ་ལ་མཁས་པ་དང། རང་བྱང་ཆུབ་ཏུ་སྨོན་ལམ་འདེབས་པ་དེ་ནི། རང་སངས་རྒྱས་ཀྱི་ཐེག་པ་ཞེས་བྱའོ། ། 3.མོས་པ་ཁྱད་པར་དུ་འཕགས་པ་དབང་པོ་ཁྱད་པར་དུ་འཕགས་པ། སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་དགྲོལ་བ། སེམས་ཅན་ཐམས་ཅད་དབུགས་དབྱུང་བ། ཐམས་ཅད་མཁྱེན་པ་ཉིད་ཐོབ་པར་བྱ་བའི་ཕྱིར། སངས་རྒྱས་ཀྱི་ཆོས་ཐམས་ཅད་སྨོས་ཀྱང་ཅི་དགོས་ཏེ། ཚུལ་ཁྲིམས་དང་། སྤྱོད་པ་ཁྱད་པར་དུ་འཕགས་པ་ལ་རྣམ་པར་པར་གནས་པ་དང་། རྫོགས་པའི་བྱང་ཆུབ་ཀྱི་ཐེག་པ་ཅན་གྱི་མདོ་སྡེ་རྣམས་ཀློག་པ་དང་། ཁ་ཏོན་དུ་བྱེད་པ་དང་། ལུང་ནོད་པ་དང་། ཡིད་ལ་བྱེད་པ་ལ་བརྩོན་འགྲུས་བརྩམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཡིན་པ་དེ་དག་དགེ་བའི་བཤེས་གཉེན་ཡིན་པ་དང་། དེ་དག་བྱིན་གྱི་རླབས་བཞི་པོ་བདེན་པ་དང་། གཏོང་བ་དང་། ཉེ་བར་ཞི་བ་དང་། ཤེས་རབ་ལ་སློབ་པ་དང་། ཤེས་བྱ་ཐམས་ཅད་ཉན་པ་དང་། ལེན་པ་དང་། འཛིན་པ་དང་། དཔྱོད་པར་དགའ་བ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ཡང་དག་པར་བསྐྱེད་པར་འདོད་པ་དང་། རང་གི་དོན་ལ་མི་ལྟ་བ་དང། འཇིག་རྟེན་གྱི་དོན་ལྷུར་ལེན་པ་དང་། སྟོབས་ཇི་ལྟ་བ་བཞིན་དུ་སེམས་ཅན་ཐམས་ཅད་ཐེག་པ་གསུམ་པོ་དག་ལ་འགོད་པར་འདོད་པ་དང། དགོད་པར་སྤྲོ་བ། བདག་ཉིད་ཀྱང་བྱང་ཆུབ་ཀྱི་ཐེག་པ་ལ་ཤིན་ཏུ་གནས་པ་དང་། མི་བྱེད་པ་དང་། མི་བསྐྱོད་པ་དང་། རྡོ་རྗེ་ལྟ་བུའི་སེམས་དང་། རྟག་པར་རྒྱུན་དུ་བྱང་ཆུབ་ཏུ་སྨོན་ཅིང་། བྱང་ཆུབ་ཏུ་སྨོན་ལམ་འདེབས་པ་དེ་ནི་ཐེག་པ་ཆེན་པོ་ཞེས་བྱ་བའོ། །
Tibetan Source	《དཀོན་བརྩེགས་ཅ་པ་》ཤ་313ཉིན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number