1377

Tibetan	འཐབ་མོའི་དུས་སུ་ཆོས་ཀྱི་རྒྱལ་པོས་ནན་ཏན་དུ་བགྱི་བ་ཐབས་ལ་མཁས་པ་རྣམ་པ་གསུམ།
Tibetan Alternate
Tibetan Definition	དེ་ཡང་། འཕགས་པ་བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། 1.དེ་ལ་ཐོག་མའི་དུས་ཀྱི་ཐབས་ལ་མཁས་པ་ནི། གལ་ཏེ་རྒྱལ་པོའམ། བློན་པོ་མཛའ་བར་བགྱི་བས་འགྲུབ་པར་གདའ་ནའང་མཛའ་བར་བགྱི་བས་ཉེ་བར་བཟུང་སྟེ་འཐབ་མོ་དེ་ཞི་བར་བགྱིའོ། ། གལ་ཏེ་ཕན་གདགས་པ་ཞིག་གིས་འགྲུབ་པ་གདའ་ནའང་ཕན་གདགས་པས་ཉེ་བར་བཟུང་སྟེ་འཐབ་མོ་དེ་ཞི་བར་བགྱིའོ། ། གལ་ཏེ་ཕྱོགས་མང་པོ་ཡོངས་སུ་བཟུང་བ་དང་། དེ་བས་ལྷག་པའི་དགྲར་འགྱུར་བའི་འཇིགས་པ་ལ་སོགས་པ་བསྟན་པས་འགྲུབ་པར་གདའ་ནའང་དེ་གཉིས་བསྟན་པས་ཉེ་བར་བཟུང་སྟེ་འཐབ་མོ་དེ་ཞི་བར་བགྱི་སྟེ། དེ་ལྟར་དུས་དང་པོ་ལ་ཐབས་མཁས་པ་སྦྱར་བར་བགྱིའོ། ། 2.དུས་བར་མ་ལ་ནི། གལ་ཏེ་དེ་དག་མཛའ་བར་བགྱི་བ་དང་། ཕན་གདགས་པ་དང་། འཇིགས་པ་བསྟན་པ་གང་གིས་བསྒོ་སྟེ་མ་བཏུབ་ན་ཆོས་དང་ལྡན་པའི་རྒྱལ་པོས་སེམས་གསུམ་ཉེ་བར་བཞག་སྟེ་འཐབ་མོ་བགྱིའོ། ། གསུམ་གང་ཞེ་ན། ། (1)བདག་ཆོས་དང་ལྡན་པའི་རྒྱལ་པོ་ཡིན་ན། བདག་གིས་སྐྱེ་རྒུ་རྣམས་ཕུང་བར་བྱས་པར་མི་གྱུར་གྲང་། ཕུང་བར་འགྱུར་བ་ལས་མ་བཟློག་པ་ལྟའང་མེད་དམ་ཞེས་དང་པོར་སྐྱེ་རྒུ་ཡོངས་སུ་བསྐྱང་བ་ལ་སེམས་ཉེ་བར་གཞག་པར་བགྱིའོ། ། (2)ཕས་ཀྱི་དགྲ་ལས་རྒྱལ་བར་བགྱི་བའི་སེམས་སོ། ། (3)སྲོག་བཟུང་བའི་སེམས་ཏེ། སེམས་གསུམ་པོ་འདི་དག་ཉེ་བར་བཞག་ལ་དཔུང་གི་ཚོགས་ཡན་ལག་བཞི་པ་ལ་བཀའ་སྩལ་བར་བགྱི་སྟེ། དེ་ལྟར་དུས་བར་མ་ལ་ཐབས་མཁས་པ་སྦྱར་བར་བགྱིའོ། ། 3.དུས་ཐ་མ་ལ་ནི། དཔུང་གི་ཚོགས་ཡན་ལག་བཞི་པ་དེ་དག་དཔའ་བ་ཐ་མ་དང་། དཔའ་བ་འབྲིང་དང་། དཔའ་བ་རབ་ཀྱི་ཚུལ་དུ་གཡུལ་བཤམ་པར་བགྱིའོ། ། དེ་ལ་དཔའ་བ་ཐ་མ་རྣམས་ནི། ཐོག་མར་བཤམ་མོ། ། དཔའ་བ་འབྲིང་རྣམས་ནི། དེའི་རྒྱབ་ཏུ་བཤུམ་མོ། ། རྟ་པའི་ཚོགས་ནི་དེ་གཉིས་ཀའི་རྒྱབ་རྒྱབ་ནས་དགྱེའོ། ། རྒྱལ་པོ་བདག་ནི། དེ་དག་བག་དྲོ་ཞིང་བདེ་བར་རྒལ་བ་དང་། རྐང་ཐང་པ་རྣམས་ཡོངས་སུ་བསྲུང་བའི་ཕྱིར་དཔའ་བའི་རབ་རྣམས་དང་། དེའི་ཕྱི་བཞིན་བསྡད་པར་བགྱིའོ། ། དེ་ལྟར་བགྱིས་ན། དེ་དག་ཆུ་གང་དང་། འཇིགས་པ་དང་། སྤྱན་མཉེས་པར་བགྱི་བ་དང་། རྒྱབ་རྣམས་རྣམ་པར་དག་པ་དང་། བྱས་པ་གཟོ་བར་བགྱི་བའི་སླད་དུ་རྔོ་ཅི་ཐོགས་ཀྱིས་རྒལ་ཞིང་སླར་མི་ལྡོག་སྟེ། དེ་ལྟར་ཐ་མའི་དུས་ལ་ཐབས་མཁས་པ་ལ་སྦྱར་བར་བྱའོ། ། དེ་ལྟར་ཐབས་མཁས་ཤིང་གཡུལ་ལེགས་པར་ཤོམ་པའི་རྒྱལ་པོས་ནི། ཕ་རོལ་གྱི་དཔུང་བཀུམ་མམ། རྨ་ཕྱུང་ཡང་དེས་རྒྱལ་པོ་ལ་ཁ་ན་མ་ཐོ་བ་ཆུང་ཞིང་བསོད་ནམས་མ་ལགས་པ་ཆུང་བ་དང་། འབྲས་བུ་མྱོང་བའང་མ་མཆིས་པར་འགྱུར་རོ། ། དེ་ཅིའི་སླད་དུ་ཞེ་ན། འདི་ལྟར་དེས་སྙིང་རྗེ་བ་དང་། ཡོངས་སུ་མི་གཏང་བའི་སེམས་ཀྱིས་ལས་དེ་མངོན་པར་འདུ་བགྱིས་པའི་སླད་དུའོ། ། གང་དེས་སྐྱེ་རྒུ་ཡོངས་སུ་བསྐྱང་བ་དང་། བུ་དང་། ཆུང་མ་དང་། རིགས་ཀྱི་དོན་དུ་བདག་དང་། ལོངས་སྤྱོད་ཡོངས་སུ་བཏང་སྟེ་ལས་དེ་བགྱིས་པས། གཞི་དེ་ལས་བསོད་ནམས་ཚད་མ་མཆིས་པའང་རབ་ཏུ་འཕེལ་ལོ། །
Tibetan Source	《མདོ་ད་པ་》ཤ་102ན་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number