1378

Tibetan	འཐོར་བ་སྡུད་པ་གསུམ།
Tibetan Alternate
Tibetan Definition	དེ་ཡང་། གྲུབ་ཆེན་མར་པའི་ལུགས་ཀྱི་ཕྱག་ཆེན་ཁྲིད་ཀྱི་མན་ངག་གནད་ཀྱི་ལྡེ་མིག་ལས་བྱུང་བ་སྟེ། 1.ལུས་འཐོར་བ་ནི། རླུང་གི་སྟོབས་ཀྱིས་རང་གི་ཉམས་ལ་ལུས་མང་པོར་སོང་ནས་ལུས་གང་ཡིན་ཆ་མེད་པ་བྱུང་ན། དང་པོ་ཤེས་རབ་ཀྱི་ལྟ་བས་བྱུང་རྒྱལ་དུ་བསྐྱངས་པས་སེལ་ལོ། ། གལ་ཏེ་དེས་མ་སེལ་ཏེ་ཏིང་ངེ་འཛིན་ལ་གནོད་པ་བྱུང་ན། ལུས་གང་རུང་གཅིག་གི་སྨིན་མཚམས་སུ་དམིགས་པ་གཏད་པས་སེལ་ལོ། ། གཞན་ཡང་རླུང་གི་རྟེན་འབྲེལ་གྱིས་རང་ལུས་ནམ་མཁའ་ཡེ་རེ་རེ་སོང་བའི་ཉམས་དང་། ལུས་ཞིག་པའི་ཉམས་བྱུང་ན། ལྟ་བས་བྱུང་རྒྱལ་དུ་བསྐྱངས་པས་སེལ་ལོ། ། དེས་མ་སེལ་བར་ཉམས་ལ་གནོད་ན། རང་གི་ལུས་ཀྱི་འོག་སྟན་གྱི་ཐོག་ཏུ་ཐིག་ལེ་དཀར་པོ་སྲན་མ་ཙམ་གཅིག་བསམ་ལ། དེ་ལ་ཤེས་པ་གཏད་པས་སེམས་ཐིག་ལེ་དེ་དང་འབྱར་ནས་མི་ཁོགས་པར་བསམས་པས་སེལ་ལོ། ། རང་གི་མདུན་ན་སའི་དོང་འདོམ་གང་གྲུ་བཞི་པ་གཅིག་བསམས་ལ། དེའི་གཏིང་གསེར་གྱི་ས་གཞི་ལ་ཐུག་པ་ལ་ཤེས་པ་གཏད་པས་སེལ་ལོ། ། 2.སེམས་འཐོར་བ་ནི། རླུང་རྩ་དབུ་མར་མ་ཆུད་པར་ནང་གི་རྩ་བྲན་རྣམས་སུ་བྱེར་བས་སེམས་དངུལ་ཆུ་བོ་བ་ལྟར་ཤེས་པ་པྲ་ཡས་སུ་འཐོར་ནས། སེམས་སྐད་ཅིག་ཀྱང་མི་གནས་པ་བྱུང་ན། དང་པོ་བླ་མ་ལ་གསོལ་བ་བཏབ་ཅིང་ཤེས་རབ་ཀྱིས་བྱུང་རྒྱལ་དུ་བསྐྱངས། དེས་མ་སེལ་ན་ཁ་ཟས་བཅུད་ཅན་བཏང་། ལུས་ལ་སྐུ་མཉེ་བྱ། དེ་ནས་རྣམ་རྟོག་གསལ་བ་གཅིག་ལ་ཤེས་པ་མདུང་ཚུགས་སུ་གཏོད་དོ། ། དེ་བཞིན་དུ་རྣམ་རྟོག་བྱུང་ཚད་ཟུངས་སུ་བཟུང་ནས་དེ་ཉིད་ལ་བཙིར་གནོན་བྱས་ལ་བསྒོམ་མོ། ། སྐབས་སུ་ཕྱིའི་སྣོད་བཅུད་ཐམས་ཅད་རང་གི་ལུས་ལ་བསྡུ། ལུས་སྙིང་གར་སེམས་ལ་བསྡུ། སེམས་ཉིད་ནམ་མཁར་ཐིམ་པའི་ངང་ལ་གློད་ལ་ཞོག དེས་ཀྱང་མ་སེལ་ན་དངོས་སམ་ཡིད་ཀྱི་རིག་མ་ལ་བརྟེན་ནས་བདེ་བ་བསྒོམ་པས་ངེས་པར་སེལ་ཏེ་ལག་ལེན་གཞན་དུ་བལྟའོ། ། 3.རླུང་འཐོར་བ་ནི། སྔར་རླུང་ཡུན་རིང་དུ་ནོན་པ་ལ་སླར་ཡུན་ཐུང་སྟེ་དར་ཅིག་ཀྱང་མི་ནོན་པ་བྱུང་ན། རླུང་དྷུ་ཏིར་མ་ཆུད་པར་ལུས་ཁེངས་པས་འཐོར་བ་ཡིན་པས། དང་པོ་བླ་མ་ལ་གསོལ་བ་གདབ། དེ་ནས་ལུས་ཙོག་པུར་འདུག་སྟེ། བརླ་གཉིས་སྒྲིལ་ལ་གསང་ནོར་བརླའི་བར་ནས་བཏོན་ཏེ་ལག་པ་གཡས་པས་ས་ལ་བཙུགས། ལག་གཡོན་གྱིས་སྣ་བུག་གཡོན་པ་བཀག་སྟེ། སྣ་གཡས་ནས་རླུང་རྔུབ་ཨ། དེ་ནས་ལག་གཡོན་གྱིས་ལོངས་སྤྱོད་ཀྱི་རྦ་རླབས་མནན་ནས། རླུང་ཐུབ་ཚད་མནན་པ་ཡང་ཡང་བྱས་སེལ་ལོ། ། དེས་མ་སེལ་ན་ཞག་འགའ་ལ་གློད་ལ་ཁ་ཟས་བཅུད་ཅན་བརྟེན་བཀུ་མཉེ་བྱ་ཞིང་གྱེན་ཐུར་ལ་འགྲོ་འདུག་ལ་སོགས་པའི་ལུས་སྦྱངས་པས་སོར་ཆུད་དོ། །
Tibetan Source	《དཔལ་སྤྲུལ་གསུང་འབུམ་ང་པ་》ཤ་16བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number