1474

Tibetan	འདུ་བྱེད་རྣམ་པ་གསུམ།
Tibetan Alternate
Tibetan Definition	འཕགས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བའི་མདོ་ལས་བྱུང་བ་ཁག་གཅིག་སྟེ། 1.ལུས་ཀྱི་འདུ་བྱེད་ནི། དབུགས་ཕྱི་ནང་དུ་རྒྱུ་བའོ། ། དེ་ཡང་། ལུས་ཀྱི་འདུ་བྱེད་དབུགས་ཕྱི་ནང་དུ་རྒྱུ་བ་ཚུལ་བཞིན་དུ་བརྟག་པར་བྱའོ། ། ལུས་ཐམས་ཅད་སྟོང་ཕྲག་དགུ་བཅུ་རྩ་གཉིས་སམ། བ་སྤུའི་ཁུང་བུ་བྱེ་བ་ཕྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་ལྷག་ཙམ་གྱི་ལུས་ཐམས་ཅད་ཤིན་ཏུ་ཕྲ་བའི་རྡུལ་དགུ་བཅུ་རྩ་དགུའི་ཁའི་སྒོ་ནས་ཤིན་ཏུ་ཕྲ་བའི་རྡུལ་བརྒྱ་སྟོང་ཕྲག་བཅུ་བསགས་སོ། ། ཉེས་པ་མེད་པ་མིའི་བ་སྤུའི་ཁུང་བུ་འདི་གཅིགུ་བགྲངས་པས་ལུས་ཐམས་ཅད་ཀྱི་བ་སྤུའི་ཁུང་བུ་ཐམས་ཅད་ཀྱི་སྒོ་སྟོང་ཕྲག་དགུ་བཅུ་རྩ་དགུ་ཇི་ལྟ་བུར་ཁའི་སྒོ་ནས་དབུགས་རྒྱུ་བ་དེ་ལྟ་བུར་བ་སྤུའི་ཁུང་བུ་ཐམས་ཅད་ནས་དབུགས་རྒྱུའོ། ། ཞེས་དབུགས་ཕྱི་ནང་དུ་རྒྱུ་བ་ཐམས་ཅད་ཤེས་པར་བྱའོ། ། ཁའི་སྒོ་ཐམས་ཅད་ནས་དབུགས་ཕྱི་ནང་དུ་རྒྱུ་བའི་ཕུང་པོ་ལྔ་པོ་དག་འབྱུང་བ་དངཟད་པ་བརྟག་པའི་ཕྱིར་བཟོད་པ་བསྒོམ་པར་བྱའོ། ། 2.ངག་གི་འདུ་བྱེད་ནི། རྣམ་པར་རྟོག་པ་དང་། རྣམ་པར་སྤྱོད་པའོ། ། དེ་ཡང་། གང་རྣམ་པར་རྟོག་པ་དང་། རྣམ་པར་དཔྱོད་པ་སྐད་ཅིག་མར་འབྱུང་ཞིང་འགོག་པ་འདི་ལའང་སྐད་ཅིག་མ་ཉི་མ་གཅིག་ལའང་མི་བརྒྱ་སྟོང་ཕྲག་དྲུག་ཅུ་རྩ་ལྔ་སྐད་ཅིག་མར་འོང་བར་འགྱུར་རོ། ། དེ་རེ་རེ་ལའང་རྣམ་པར་རྟོག་པ་དང་། རྣམ་པར་དཔྱོད་པ་སྐད་ཅིག་མ་འབྱུང་བའི་ཕུང་པོ་ལྔ་ཐམས་ཅད་འབྱུང་ངོ་། ། འགོག་གོ ཕུང་པོ་དེ་རེ་རེ་ལའང་ཚོར་བ་རྣམ་གསུམ་འབྱུང་ངོ་། ། འགོག་གོ ཚོར་བ་དེ་རེ་རེ་ལའང་འབྱུང་བའི་ཡན་ལག་བཅུ་གཉིས་ཐམས་ཅད་འབྱུང་ངོ་། ། འགོག་གོ འབྱུང་བའི་ཡན་ལག་དེ་རེ་རེ་ལའང་བག་ལ་ཉལ་བ་དགུ་བཅུ་རྩ་བརྒྱད་འབྱུང་བར་འགྱུར་རོ། ། བག་ལ་ཉལ་དེ་རེ་རེ་ལའང་ཁམས་གསུམ་ཐམས་ཅད་ན་སྤྱོད་པ། ཉོན་མོངས་པ་ཀུན་འབྱུང་བ་ལ་བལྟ་བར་བྱའོ། ། འདི་དག་ནི་ངག་གི་འདུ་བྱེད་དོ། ། 3.ཡིད་ཀྱི་འདུ་བྱེད་ནི། འདུ་ཤེས་དང་། སེམས་པའོ། ། དེ་ཡང་། དབུགས་ཕྱི་ནང་དུ་རྒྱུ་བ་ལ་རྣམ་པར་རྟོག་པ་དང་། ཀུན་ཏུ་ཉོན་མོངས་པ་དང་། དེ་ཕྱིན་ཅི་ལོག་ཐམས་ཅད་ཀྱི་མཚན་མས་ཀུན་ཏུ་ཉོན་མོངས་པ་འདི་འདུ་ཤེས་སོ། ། དེ་ལ་སེམས་པ་གང་ཞེ་ན། གང་སེམས་པ་དང་། ཚོར་བ་དང་། ཕུང་པོ་དང་། རྣམ་པར་དཔྱོད་པ་དང་། དབང་པོ་དྲུག་དང་། རྣམ་པར་འཕེལ་བ་འདི་ནི། སེ་གོལ་གཏོགས་པ་ཙམ་གྱིས་ཀྱང་འདོད་ཆགས་ཀྱི་ཀུན་གཞི་ཉོན་མོངས་པའི་དབང་པོ་བརྒྱ་ལས་འདས་པ་འབྱུང་བར་འགྱུར། ཞེ་སྡང་གི་ཀུན་གཞི་བརྒྱ་ལས་འདས་པ་འབྱུང་བར་འགྱུར། གཏི་མུག་གི་ཀུན་གཞི་བརྒྱ་ལས་འདས་པ་འབྱུང་བར་འགྱུར། ཆ་ཤས་དཔྱོད་པའི་ཉོན་མོངས་པ་བརྒྱ་ལས་འདས་པ་འབྱུང་བར་འགྱུར་རོ། །
Tibetan Source	《མདོ་ཞ་པ་》ཤ་346ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number