1480

Tibetan	འདུག་སྟངས་གསུམ།
Tibetan Alternate
Tibetan Definition	ཀློང་ཁམས་བདུན་ལས་བྱུང་བ་ཁག་གཅིག་སྟེ། 1.ཆོས་སྐུའི་བཞུགས་སྟངས་སེང་གེ་འགྱིང་བ་འདྲ་སྟེ། རྐང་མཐིལ་གཉིས་ས་ལ་ཕབ་པ་ནི་འབྱུང་བ་སྙོམས་པ་དྲོད་ཀྱི་གནད། ལུས་འགྱིང་ཚུགས་སུ་འདུག་པས་ལས་རླུང་གནོན་ཡེ་ཤེས་ཀྱི་རླུང་འཕེལ་བའི་གནད། ལག་སོར་བསྒོངས་ཏེ་ས་ལ་ཕབ་པས་འཕྲོ་བ་ལས་ཀྱི་རླུང་ལྡོག་པའི་གནད། རོ་སྟོད་གསེང་ལ་བོར་བས་ཉམས་སྣང་མྱུར་དུ་འཆར་བའི་གནད། རྩལ་མཇིང་པ་ལ་བོར་བས་དབྱིངས་རིག་འདུ་བྲལ་མེད་པའི་གནད་དོ། ། གནད་གཅུན་པའི་ཡོན་ཏན་ནི། གསེར་གྱི་མཁའ་ལྡིང་ལས། གང་གིས་ཆོས་སྐུར་བཞུགས་པའི་ཚུལ། ། གང་ཟག་གང་གི་ལུས་ཀྱི་གནད། ། དེ་དང་མཐུན་པར་སུས་ཤེས་པ། ། འདིས་ནི་ཆོས་སྐུ་བདེ་ཆེན་ལ། ། རྣལ་འབྱོར་དག་ཏུ་བྱེད་པའོ། ། ཞེས་སོ། ། 2.ལོངས་སྐུའི་བཞུགས་སྟངས་ནི། ཁ་སྦུབ་ཏུ་ཉལ་བས་ཚོགས་པའི་ཆོས་བཅར་ལ་གནོན་པའི་གནད། པུས་བྲང་སྦྱར་བས་འབྱུང་བའི་དྲོད་འབེབས་པའི་གནད། རྐང་པའི་སོར་མོ་ཕྱིར་འཕུལ་བས་གཡོ་བ་ལས་ཀྱི་རླུང་འཛིན་པའི་གནད། ལག་པའི་གྲུ་མོ་ས་ལ་བཙུགས་པས་དབྱིངས་ལ་རིག་པ་འདྲེན་པའི་གནད། མཇིང་པ་གྱེན་ལ་བཏེག་པས་དབྱིངས་རིག་གཉིས་མི་འབྲལ་བའི་གནད་དོ། ། ཡོན་ཏན་ནི།གསེར་གྱི་མཁའ་ལྡིང་ལས། ཆོས་ཀྱི་དབྱིངས་ལ་ལོངས་སྤྱོད་ཕྱིར། ། ལོངས་སྐུའི་བཞུགས་སྟངས་བསྟུན་བྱས་པས། ། འདི་ནི་སྐུ་གསུམ་ཞིང་ལ་སྤྱོད། །ཅེས་སོ། ། 3.སྤྲུལ་སྐུའི་བཞུགས་སྟངས་ནི། དྲང་སྲོང་ཙོག་པུ་དང་འདྲ་སྟེ། རྐང་པའི་ལོང་བུ་གཉིས་གཤིབས་པས་ཐབས་དང་ཤེས་རབ་ཀྱི་འབྲེལ་བ་འབྱུང་བའི་གནད། རྐང་མཐིལ་གཉིས་ས་ལ་ཕབ་པས་ཉོན་མོངས་དང་ལས་རླུང་གཉིས་གནོན་པའི་གནད། པུས་བྲང་སྦྱར་བས་ལུས་ཀྱི་འབྱུང་བ་སྙོམས་པའི་གནད། ལུས་སྤྱི་དྲང་པོར་འདུག་པས་རྩ་མི་འཆུས་པའི་གནད། ལག་པ་གཉིས་བསྣོལ་བས་དབྱིངས་རིག་འདྲེས་པའི་གནད། མཇིང་པ་ཐད་ཀར་བསྲུངས་པས་སྒྲོན་མ་བཞི་རང་ཡུལ་ལ་འཕུལ་བའི་གནད་དོ། ། ཡོན་ཏན་ནི། གསེར་གྱི་མཁའ་ལྡིང་ལས། ལུས་ཀྱི་ཚོགས་པ་དག་བྱེད་པས། ། སྤྲུལ་པ་སྐུ་ཡི་བཞུགས་སྟངས་ཉིད། ། སུ་ཡིས་ཤེས་པ་དེ་གནད་བསྣུན། ། དེ་ཉིད་ལས་གྲོལ་འཚང་རྒྱའོ། ། ཞེས་སོ། །
Tibetan Source	《ཀློང་ཆེན་མཛོད་བདུན་ག་པ་》ཤ་124ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number