1581

Tibetan	གནོད་པ་གསུམ།
Tibetan Alternate
Tibetan Definition	དེ་ཡང་། མདོ་ཆེན་པོ་སྟོང་པ་ཉིད་ཆེན་པོ་ཞེས་བྱ་བ་ལས་བྱུང་བ་སྟེ། 1.སློབ་དཔོན་གྱི་གནོད་པ་ནི། འདི་ལ་སྟོན་པ་རྟོག་གེ་པ་དཔྱོད་པ་ཅན་རྟོག་གེར་གཏོགས་པའི་ས་རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་པ་དཔྱོད་པའི་རྗེས་སུ་སྤྱོད་པ་ལ་གནས་པ་དེ་འཇིག་རྟེན་དུ་བྱུང་ན། དེ་གནས་མལ་དགོན་པའམ་ནགས་འདབ་བམ། བས་མཐའ་དག་ཏུ་གནས་པར་བྱེད་དོ། ། དེ་གནས་མལ་དགོན་པའམ། ནགས་འདབ་བམ། བས་མཐའ་དག་ན་གནས་པའི་ཚེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ། ། དེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་རྗེས་སུ་ལྷགས་པ་དག་ལ་ཆུམས་པར་བྱེད་ཅིང་བརྒྱལ་བ་སྐྱེད་པར་བྱེད་ལ། མང་པོ་བསྡུ་བའི་ཕྱིར་རྗེས་སུ་འཇུག་པར་བྱེད་དོ། ། དེས་ན་སློབ་དཔོན་གྱི་གནོད་པ་ཞེས་བྱའོ། ། སློབ་དཔོན་གྱི་གནོད་པས་གནོད་པར་གྱུར་པའི་སློབ་དཔོན་དེ་ནི། སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་འགྱུར་བ། ཡང་སྲིད་པར་འགྱུར་བ། གདུང་བ་དང་བཅས་པ། རྣམ་པར་སྨིན་པ་སྡུག་བསྔལ་བ། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས་ཀྱིས་གནོད་པར་འགྱུར་རོ། ། 2.སློབ་མའི་གནོད་པ་ནི། འདི་ལ་ཉན་པ་པོ་དད་པ་དང་ལྡན་པ་སྟོན་པ་དེ་ཉིད་ཀྱི་ཚིག་ལ་མངོན་པར་དྭངས་པར་འགྱུར་བ་དེ་སྟོན་པ་དེ་ཉིད་ཀྱི་དབེན་པའི་རྗེས་སུ་སློབ་པའི་ཚེ་གནས་མལ་དགོན་པའམ། ནགས་འདབ་བམ། བས་མཐའ་དག་ཏུ་གནས་པར་བྱེད་དོ། ། དེ་གནས་མལ་དགོན་པའམ། ནགས་འདབ་བམ། བས་མཐའ་དག་ན་གནས་པའི་ཚེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ། ། དེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་རྗེས་སུ་ལྷགས་པ་དག་ལ་ཆུམས་པར་བྱེད་ཅིང་ང་རྒྱལ་བསྐྱེད་པར་བྱེད་ལ། མང་པོ་བསྡུ་བའི་ཕྱིར་རྗེས་སུ་འཇུག་པར་བྱེད་དེ། དེ་ནི་སློབ་མའི་གནོད་པ་ཞེས་བྱའོ། ། སློབ་མའི་གནོད་པས་གནོད་པར་གྱུར་པའི་སློབ་མ་དེ་ནི། སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་འགྱུར་བ། ཡང་སྲིད་པར་འགྱུར་བ། གདུང་བ་དང་བཅས་པ། རྣམ་པར་སྨིན་པ་སྡུག་བསྔལ་བ། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས་ཀྱིས་གནོད་པར་འགྱུར་རོ། ། 3.ཚངས་པར་སྤྱོད་པའི་གནོད་པ་ནི། འདི་ལ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ན། དེ་གནས་མལ་དགོན་པའམ། ནགས་འདབ་བམ། བས་མཐའ་དག་ཏུ་གནས་པར་མཛད་དོ། ། དེ་གནས་མལ་དགོན་པའམ། ནགས་འདབ་བམ། བས་མཐའ་དག་ན་བཞུགས་པའི་ཚེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ། ། དེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་རྗེས་སུ་ལྷགས་པ་དག་ལ་ཆུམས་པར་མི་མཛད་ཅིང་ང་རྒྱལ་བསྐྱེད་པར་མི་མཛད་ལ། མང་པོ་བསྡུ་བའི་ཕྱིར་རྗེས་སུ་འཇུ་ཡང་རུང་བ་ལས་ཡོངས་སུ་ཉམས་པར་སྨྲ་ལ། གཅིག་པུ་མ་འདྲེས་པ་དང་། བག་ཡོད་པ་དང་། རྟུན་པ་དང་། སེམས་བསྡུས་པའི་བདག་ཉིད་དེ། དེ་དག་གིས་ཉམས་པ་མེད་པའི་སེམས་རྣམ་པར་གྲོལ་བ་སྐུས་མངོན་སུམ་དུ་མཛད་ཅིང་གནང་བ་གང་ཡིན་པ་དེ་ལ་ནི་རྣམ་གྲངས་གང་གིས་ཀྱང་ཡོངས་སུ་ཉམས་པ་མེད་པར་ང་སྨྲ་མོད་ཀྱི། འོན་ཀྱང་ཉན་པ་པོ་དང་ལྡན་པ་སྟོན་པ་དེ་ཉིད་ཀྱི་བཀའ་ལ་མངོན་པར་དད་པར་གྱུར་པ་དེ་སྟོན་པ་དེ་ཉིད་ཀྱི་དབེན་པའི་རྗེས་སུ་སློབ་པའི་ཚེ་གནས་མལ་དགོན་པའམ། ནགས་འདབ་བམ། ལས་མཐའ་དག་ཏུ་གནས་པར་བྱེད། དེ་གནས་མལ་དགོན་པའམ། ནགས་འདབ་བམ། བས་མཐའ་དག་ན་གནས་པའི་ཚེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ། ། དེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་རྗེས་སུ་ལྷགས་པ་དེ་དག་ལ་ཆུམས་པར་བྱེད་ཅིང་བརྒྱལ་བ་སྐྱེད་པར་བྱེད་ལ། མང་པོ་བསྡུ་བའི་ཕྱིར་རྗེས་སུ་འཇུག་པར་བྱེད་དེ། དེ་ནི། ཚངས་པར་སྤྱོད་པའི་གནོད་པ་ཞེས་བྱའོ། ། གནོད་པ་རྣམས་ལས་འདི་ལྟ་སྟེ། སློབ་དཔོན་གྱི་གནོད་པ་དང་། སློབ་མའི་གནོད་པ་དེ་དག་ནི། ཅུང་ཟད་ཙམ་དུ་ཟད་ཀྱི། གནོད་པ་རྣམས་ལས་འདི་ལྟ་སྟེ། ཚངས་པར་སྤྱོད་པའི་གནོད་པ་དེ་ནི། ཐ་ཆད་ཡིན་ནོ། །
Tibetan Source	《མདོ་ར་པ་》ཤ་492ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number