1733

Tibetan	བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཐོབ་པ་གསུམ།
Tibetan Alternate
Tibetan Definition	དེ་ཡང་། དཀོན་བརྩེགས་སྡོམ་གསུམ་བསྟན་པའི་མདོ་ལས་བྱུང་བ་སྟེ། 1.ཕ་མ་མ་དད་པ་དད་པ་ལ་འཇོག་པར་བྱེད། ཕ་མ་ཚུལ་ཁྲིམས་འཆལ་བ་ཚུལ་ཁྲིམས་ལ་འཇོག་པར་བྱེད། ཕ་མ་སེར་སྣ་ཅན་གཏོང་བ་ལ་འཇོག་པར་བྱེད། བླ་ན་མེད་པར་ཡང་དག་པར་རྫོགས་པའི་བྱང་ཆུབ་ཀྱི་བསྔགས་པ་བརྗོད་ཅིང་། གཞན་དག་ལ་ཡང་ཆོས་སྟོན་པར་བྱེད་པ་འདི་ནི། གང་གིས་བྱང་ཆུབ་སེམས་དཔའ་ཁྱིམ་པ་བླ་ན་མེད་པ་ཡང་དག་པའི་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཐོབ་པའི་ཆོས་དང་པོའོ། ། 2.གཞན་ཡང་བྱང་ཆུབ་སེམས་དཔའ་ཁྱིམ་པས་བཀུར་སྟི་བྱ་བར་འོས་པ་ཡང་ཤེས། བཀུར་སྟི་བྱ་བའི་འོས་མ་ཡིན་པ་ཡང་ཤེས་ཏེ། བཀུར་སྟི་བྱ་བའི་འོས་དང་། བཀུར་སྟི་བྱ་བའི་འོས་མ་ཡིན་པ་ཤེས་ནས་ཀྱང་། གང་དག་བཀུར་སྟི་བྱ་བ་དེ་དག་ལ་བཀུར་སྟི་བྱེད། གང་དག་བཀུར་སྟི་བྱ་བའི་འོས་མ་ཡིན་པ་དེ་དག་ལ་ནི་བཀུར་སྟི་མི་བྱེད་ཀྱི། དེ་དག་ལ་བྱམས་པ་སྒོམ་པར་བྱེད་དེ། བྱང་ཆུབ་སེམས་དཔའ་ཁྱིམ་པ་ཆོས་གཉིས་པ་འདི་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་བོ། ། 3.གཞན་ཡང་བྱང་ཆུབ་སེམས་དཔའ་ཁྱིམ་པ་དེའི་ལོངས་སྤྱོད་གང་དག་སྡུག་བསྔལ་གྱིས་སྡུག་བསྔལ་བར་བསྒྲུབས་པ་དེ་དག་དེས་ཚུད་མི་གསོན་ཅིང་ཆུད་མི་ཟ་བར་བྱེད་དེ། དགེ་སྦྱོང་དང་། བྲམ་ཟེ་ཚུལ་ཁྲིམས་དང་ལྡན་པ་རྣམས་དང་ཐུན་མོང་དུ་སྤྱོད་པ་མ་གཏོགས་པར་སུ་ལ་ཡང་སྦྱིན་པར་མི་བྱེད་དེ། ཚངས་པ་མཚུངས་པར་སྤྱོད་པ་རྣམས་དང་སྲི་བ་མེད་པར་སྤྱོད་དོ། ། བྱང་ཆུབ་སེམས་དཔའ་ཁྱིམ་པ་ཆོས་གསུམ་པོ་འདི་དང་ལྡན་ན། བློ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་པའོ། །
Tibetan Source	《དཀོན་བརྩེགས་ཀ་པ་》ཤ་60བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number