1944
| Tibetan | ཚུལ་ཁྲིམས་རྣམ་པ་གསུམ། |
|---|---|
| Tibetan Alternate | |
| Tibetan Definition | འཕགས་པ་དམ་པའི་ཆོས་དྲན་པ་ཉེ་བར་གཞག་ལས་བྱུང་བ་ཁག་བརྒྱད་ཡོད་པ་སྟེ།
ཁག་དང་པོ། 1.ཕྱོགས་གཅིག་པ་ནི། བསླབ་པའི་གཞི་གཅིག་འཛིན་པའོ། ། 2.ཕྱོགས་གཅིག་མ་ཡིན་པ་ནི། བསླབ་པའི་གཞི་གཉིས་སམ། གསུམ་འཛིན་པའོ། ། 3.མཐོ་རིས་སུ་འགྲོ་བ་ནི། བསླབ་པའི་གཞི་ཚོགས་པར་འཛིན་པའོ། ། ཁག་གཉིས་པ། 1.ནོར་ལ་སྲེད་པར་བྱས་པ་ནི། སྟོབས་འགྱེད་པས་འཚོ་བའོ། ། 2.ནོར་ལ་སྲེད་པར་མ་བྱས་པ་ནི། ནད་བུ་ཅན་རྣམས་ཀྱིའོ། ། 3.ལྷན་ཅིག་སྐྱེས་པ་ནི། མྱ་ངན་ཆེན་པོས་ཐེབས་པ་ཡིན་ཏེ་འདི་ནི་ཆུང་ངོ་། ། ཁག་གསུམ་པ། 1.བསམ་གཏན་དང་ལྷན་ཅིག་སྤྱོད་པ་ནི། འཇིག་རྟེན་པ་རྣམས་ཀྱི་རྐྱེན་མེད་པའི་བར་གྱིས་འདོད་ཆགས་ལ་སོགས་པ་སྐྱེད་པར་མི་བྱེད་པའོ། ། 2.བསམ་གཏན་མ་ཡིན་པ་དང་ལྷན་ཅིག་སྤྱོད་པ་ནི། ཕྱི་རོལ་པ་རྣམས་ཀྱི་བསམ་གཏན་མེད་ཀྱང་དེ་ལྟར་ཚུལ་ཁྲིམས་སུ་འགྱུར་བ་མིན་ནོ། ། 3.ལངས་ནས་ལྷན་ཅིག་སྤྱོད་པ་ནི། སྐྱོན་གང་དམིགས་ནས་དེ་དག་དེས་ཡོངས་སུ་སྤོང་བར་བྱེད་པ་ཡིན་ཏེ། ཇི་ལྟར་ཆང་གིས་མྱོས་ནས་མི་གཙང་བ་ཀུན་ཏུ་སྤྱོད་དོ། ། དེས་ཆང་དེ་སོ་སོར་གཅོད་པར་བྱེད་པ་བཞིན་ནོ། ། ཁག་བཞི་པ། 1.ངན་གཡོ་བྱེད་པས་སྲུང་བ་ནི། ཉོན་མོངས་ཤིང་འབྲས་བུ་ཆུང་བའོ། ། 2.ངན་གཡོ་བྱེད་པ་མ་ཡིན་པས་སྲུང་བ་ནི། འབྲས་བུ་ཆེ་བའོ། ། 3.ལྷན་ཅིག་སྐྱེས་པ་ནི། སེམས་ལས་བྱུང་བའི་བྱེ་བྲག་གིས་འབྲས་བུ་ཆེ་བའམ། འབྲས་བུ་ཆུང་བར་འགྱུར་བའོ། ། ཁག་ལྔ་པ། 1.རྐྱེན་གྱིས་འཛིན་པ་ནི། བསླབ་པའི་གཞི་ཚུལ་ཁྲིམས་ཡང་དག་པར་བླངས་པ་དེ་རྐྱེན་རྙེད་ནས་སྲུང་བ་ཡིན་ཏེ། བསླབ་པའི་གཞི་བསྡུས་ནས་འཛིན་པའོ། ། དེ་ཡང་། སེམས་ལས་བྱུང་བའི་བྱེ་བྲག་གིས་འཛིན་ཏེ་འབྲས་བུ་ཆེ་བའོ། ། 2.རྐྱེན་མེད་པས་འཛིན་པ་ནི། གང་རྐྱེན་མེད་པ་དེས་སྲུང་བའོ། ། དེ་ཡང་། ། དེ་རྣམ་པར་མ་ཤེས་ཏེ་འབྲས་བུ་ཆུང་བའོ། ། 3.བྱ་བ་མ་ཡིན་པ་ཞེས་བྱ་བ་ནི། རིགས་ཆེན་པོར་སྐྱེས་པ་རྣམས་ཀྱི་བྱ་བ་མ་ཡིན་པ་སྡིག་པ་མི་བྱེད་པའོ། ། དེ་ཡང་། བྱ་བ་མ་ཡིན་པས་བྱས་པ་ནི་འཇིག་རྟེན་འདིར་ལེགས་པར་བྱེད་པ་ཡིན་ཏེ། འབྲས་བུ་ཆེ་བའམ། སླར་ཆུང་བར་འགྱུར་རོ། ། ཁག་དྲུག་པ། 1.བླ་མས་འཇིགས་པ་ནི། གང་བླ་མས་འཇིགས་ནས་ཚུལ་ཁྲིམས་ལེན་པ་དེ་ནི་ཆུང་བའོ། ། 2.བླ་མ་མ་ཡིན་པས་འཇིགས་པ་ནི། གང་བླ་མ་མ་ཡིན་པས་འཇིགས་ནས་ལེན་པ་དེ་ནི་འབྲིང་ཡིན་ནོ། ། 3.ངན་སོང་དུ་འགྲོ་བས་འཇིགས་པ་ནི། གང་ངན་སོང་དུ་འགྲོ་བས་འཇིགས་ནས་ལེན་པ་དེ་ནི་ཆེན་པོ་ཡིན་ནོ། ། ཁག་བདུན་པ། 1.བདག་ཉིད་ཚུལ་ཁྲིམས་ལྡན་པར་བྱེད་པ། 2.གཞན་ཚུལ་ཁྲིམས་ལ་འཇོག་པར་བྱེད་པ། 3.གཞན་ལ་བཏང་སྙོམས་སུ་གནས་པའོ། ། ཁག་བརྒྱུད་པ། 1.གགས་དང་བཅས་པ་ནི། གང་སྔོན་ཚུལ་ཁྲིམས་དང་ལྡན་ལ། ཕྱིས་ཚུལ་ཁྲིམས་འཆལ་པ་ཡིན་ཏེ། གགས་དང་བཅས་པའི་ཚུལ་ཁྲིམས་ནི་དེ་ཡིན་ནོ། ། 2.གགས་མེད་པ་ནི། རྟག་པར་ཚེ་རབས་སུ་ཐོག་མ་དང་། བར་དང་། ཐ་མའི་མཐར་ཚུལ་ཁྲིམས་དང་ལྡན་པ་ཉིད་ཡིན་ནོ། ། 3.གགས་ཐམས་ཅད་པ་ནི། ལྟ་བ་ལོག་པས་སྲོག་གཅོད་པ་ལ་སོགས་པའི་མཆོད་སྦྱིན་བྱེད་པའི་ཚུལ་ཁྲིམས་ཡིན་ནོ། ། |
| Tibetan Source | 《མདོ་འ་པ་》ཤ་162བ་1ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |